Heildareignir lífeyrissjóðanna 1700 milljarðar

Hrein raunávöxtun lífeyrissjóðanna, þ.e. ávöxtun umfram verðbólgu, lækkaði töluvert á milli ára og var um 0,5% á árinu 2007 samanborið við um 10% árið 2006. Um 13% aukning var hins vegar á eigum lífeyrissjóðanna á milli ára og námu heildareignir þeirra tæplega 1700 milljörðum króna samanborið við um 1500 í árslok 2006. Samsvarar þetta um 7% raunaukningu miðað við vísitölu neysluverðs.

Þetta kemur fram í skýrslu Fjármálaeftirlitsins um ársreikninga lífeyrissjóða fyrir árið 2007. Í árslok 2007 voru 37 starfandi lífeyrissjóðir samanborið við 41 árið 2006. Sú fækkun er tilkomin vegna sameininga sjóðanna og er talið að sú þróun muni halda áfram. Á sama tíma hafa sjóðirnir verið að stækka og eflast og eru 10 stærstu lífeyrissjóðirnir með um 80% af heildareignum lífeyriskerfisins.

Iðgjöld lífeyrissjóðanna hækkuðu um 52% á milli ára eða úr 96 milljörðum króna í árslok 2006 í tæplega 146 milljarða króna í árslok 2007. Meginástæða þessarar miklu hækkunar er talin vera vegna hækkunar lágmarksiðgjalda til lífeyrissjóðanna úr 10% í 12%, sbr. 1. mgr. 2. gr. laga nr. 129/1997, sem tók gildi 1. janúar 2007. Útgreiddur lífeyrir var 40 milljarðar árið 2006 en var rúmlega 46 milljarðar árið 2007.

Séreignarsparnaður í vörslu lífeyrissjóða og annarra vörsluaðila á árinu 2007 jókst um 20% og nam 238 milljörðum króna samanborið við 198 milljarða í árslok 2006. Séreignarsparnaður í heild nam um 14% af heildareignum lífeyriskerfisins í árslok 2007. Iðgjöld til séreignarlífeyrissparnaðar hækkuðu úr 25,7 milljörðum króna í 32,6 milljarðar króna á árinu 2007, eða um 27%.(mbl.is)

Þetta eru gífurlegir fjármunir sem eru í lífeyrissjóðunum.Öðru hverju heyrast raddir um að nota eigi eitthvað af þessum peningum í annað en lífeyrisgreiðslur t.d. til bygginga elliheimila. en fara verður varlega í það.

 

Björgvin Guðmundsson

 

Hrein raunávöxtun lífeyrissjóða lækkaði

Verðbólgan æðir áfram.Komin í 14,5%!

Vísitala neysluverðs  hækkaði um 0,9% í ágúst frá fyrra mánuði. Vísitala neysluverðs án húsnæðis hækkaði einnig um 0,9% frá júlí. Síðastliðna tólf mánuði  hefur vísitala neysluverðs hækkað um 14,5% en vísitala neysluverðs án húsnæðis um 14,6%. Verðbólgan hefur ekki mælst jafn mikil í 18 ár eða frá júlí 1990 er hún var 15,5%. Er þetta minni hækkun vísitölunnar heldur en greiningardeildir bankanna spáðu en spá þeirra hljóðaði upp á 1-1,1% hækkun á milli mánaða.

Greiningardeildir Kaupþings og Glitnis spáðu 1,1% hækkun vísitölu neysluverðs í ágúst en greiningardeild Landsbankans spáði 1% hækkun vísitölunnar.

Samkvæmt frétt á vef Hagstofu Íslands lækkaði verð á bensíni og olíum um 3,9% (vísitöluáhrif -0,2%) en verð á mat og drykkjarvörum hækkaði um 1,8% (0,23%). Sumarútsölum er að ljúka og hækkaði verð á fötum og skóm um 4,7% (0,19%).

Kostnaður vegna eigin húsnæðis lækkaði um 0,3% (-0,06%). Þar af voru áhrif af lækkun markaðsverðs -0,11% en áhrif af hækkun raunvaxta voru 0,05%. Þá hækkaði verð á efni til viðhalds húsnæðis um 6,3% (0,25%).

Undanfarna þrjá mánuði hefur vísitala neysluverðs hækkað um 2,8% sem jafngildir 11,5% verðbólgu á ári (10,9% fyrir vísitöluna án húsnæðis).

Greiningardeild Landsbankans telur að 12 mánaða verðbólga nái hámarki í ágúst en að hratt dragi úr verðhækkunum þegar útsölulok eru gengin yfir og krónan hefur brotist úr gengislækkunarfasa síðustu mánaða. Greiningardeildin á von á því að verðbólga mælist 12% frá upphafi til loka þessa árs.

Greining Glitnis á von á því í  september að vísitala neysluverðs hækki hraustlega á milli mánaða en á þó von á að árshækkun vísitölunnar taki að minnka lítillega milli mánaða og að verðbólgan verði ríflega 12% í upphafi næsta árs.

Greiningardeild Kaupþings telur að gera megi ráð fyrir að vísitala neysluverðs hækki áfram næstu þrjá mánuði en ef gengi krónunnar staðnæmist mun töluvert hægja á verðbólgunni í framhaldinu.(mbl.is)

Hin mikla verðbóla er nú orðin öllum mikið áhyggjuefni.Hækkun verðbólgunnar hækkar greiðslur af lánum og veldur því fólki mikilli kjaraskerðingu af þeim sökum og vegna mikillar hækkunar á vöruverði. Ríkisstjórnin getur ekki lengur setið aðgerðarlaus. Hún verður að gera ráðstafanir gegn verðbólgunni. Það þýðir ekki lengur að segja að hún fari að lækka. Hún gerir það ekki,.

 

Björgvin Guðmundsson

 

 

Verðbólgan 14,5%

Kínaferðir ráðherra kostuðu 5 millj.kr. Bruðlað með skattpeningana

Fréttablaðið skýrir frá því í dag,að ferðir   menntamálaráðherra á olympíuleikana í Kína hafi kostað 5 millj. kr. Ráðherrann fór 2 ferðir á leikana ásam  eiginmanni og ráðuneytisstjóra. Með ráðuneytisstjóranum var eiginkona hans  í fyrri ferðinni en ekki þeirri seinni.Hér er um algert bruðl að ræða. Það má ef til vill réttlæta það, að ráðherrann hafi farið í fyrri ferðina til Kína þó það sé mikil spurning vegna  mannréttindabrota Kínverja. En hún hefði alls ekki átt að fara seinni ferðina. Og auk þess var alger óþarfi að ráðuneytisstjórinn færi einnig.Þetta var ekki erfið embættisferð. Þetta var í raun skemmtiferð  eða skemmtiferðir. Þá má geta þess,að sú sérkennilega regla gildir um ferðir ráðherra til útlanda,að þeir  fá greiddan allan hótelkostnað og jafnvel meiri kostnað en auk þess dagpeninga sem venjulegt fólk fær fyrir hótelkostnaði og öðrum kostnaði. Spurningin er því sú hvað ráðherrar eiga að gera við dagpeningana.Þetta er algert bruðl.

 

Björgvin Guðmundsson

Jóhanna opnar nýjan þjónustuvef TR

Jóhanna Sigurðardóttir, félagsmálaráðherra, opnaði í dag formlega nýjan þjónustuvef Tryggingastofnunar en þar verður til að byrja með haldið utan um greiðsluyfirlit og tekjuáætlanir og bráðabirgðaútreikningar og einnig verður hægt að fá bráðabirgðaútreikning á netinu.

Jóhanna sagði að um væri að ræða gífurlega framför fyrir viðskiptavini, ekki síst að geta fengið tafarlausan bráðabirgðaútreikning á greiðslum stofnunarinnar til sín og áttað sig þannig á stöðu sinni hverju sinni. Með þessari þjónustu sigldi Tryggingastofnun ríkisins nú hraðbyrði inn í upplýsingaöldina, stórbætti og efldi þjónustu við viðskiptavini sína og gerði hana aðgengilegri.(mbl.is)´

Það er gott  að Tryggingastofnun skuli tileinka sér nýjustu tölvutækni og veita viðskiptavinum aukna þjónustu.Vonandi hækka bætur í kjölfarið.

 

Björgvin Guðmundsson

 

 

Nýr þjónustuvefur Tryggingastofnunar

Ramses kominn til Íslands

Paul Ramses kyssti íslenska jörð þegar hann hafði sameinast fjölskyldu sinni að nýju í nótt. Hann segist þakklátur guði og öllum sem lögðu honum lið. Málið sé sigur fyrir íslenskt réttarkerfi. Miklar tilfinningar brutust út við endurfundina og viðstaddir klöppuðu fyrir fjölskyldunni. 

Paul Ramses segir dvölina á Ítalíu hafa verið sér erfiða, bæði samskipti við lögregliiiog aðra í flóttamannabúðunum. Þá hafi litlu mátt muna að hann missti vonina fyrst í stað enda hefði hann skilið við son sinn nánast nýfæddan og konu sem enn var að jafna sig eftir barnsburð.(mbl.is

Það er gleðiefni,að Ramses skuli komin til Íslands á ný og að mál hans skuli tekið til efnislegrar meðferðar hér á landi. Hann fær nú að  dveljast hjá fjölskyldiu sinni meðan hann bíður.

 

Björgvin Guðmundsson

 

 

 

Grátið af gleði

Er komið nóg af álverksmiðjum?

Ég styð það að reist verði álverksmiðja í Helguvík.Undirbúningur er langt kominn og framkvæmdir raunar hafnar. Næg orka hefur verið tryggð. Það  er því erfitt eða ókleift að stöðva framkvæmdir. Auk þess  hafa Suðurnesjamenn  og Reyknesingar orðið fyrir búsifjum,misst stóran vinnnustað,sem er varnarliðið á Keflavíkurflugvelli en áður var búið að selja nær alla þorskkvóta burt úr byggðarlögunum. Hins vegar er meiri spurning með  álver við Bakka.Þar er undirbúningur mikið skemmra á veg kominn.Við skulum byrja á því að bíða eftir hinu samaeiginlega umhverfismati og sjá svo til. Ef unnt er að draga framkvæmdir þar nægilega lengi þannig að þær ógni ekki stöðugleika í íslensku efnahagslífi og  útblástur úr verksmiðjunni verði innan marka þá kemur álverksmiðja þar til greina.

 

Björgvin Guðmundsson

Íslenskir friðargæsluliðar eiga ekki að bera vopn framvegis

Utanríkisráðuneytið hefur ákveðið að endurskilgreina verkefni íslenskra friðargæsluliða erlendis. Þeir munu framvegis sinna borgaralegum verkefnum og áhersla lögð á að þeir beri ekki vopn. Hætt verður að manna sjö stöður í Afganistan þar sem friðargæsluliðar bera skotvopn. Íslenska ríkið mun ekki greiða bætur vegna árásarinnar.

Þetta kom fram á blaðamannafundi sem Ingibjörg Sólrún Gísladóttir utanríkisráðherra boðaði til í dag til að kynna kynna álitsgerð um árás á íslenska friðargæsluliða í Kabúl í október 2004. Þrír létust í árásinni, ódæðismaðurinn, 11 ára afgönsk stúlka og bandarísk kona. Skýrsluna unnu tveir fyrrverandi hæstaréttardómarar, Guðrún Erlendsdóttir og Haraldur Henrysson.

Ingibjörg segir nauðsynlegt að skilgreina betur borgaraleg verkefni friðargæslunnar og að íslenskir friðargæsluliðar eigi að taka að sér borgaraleg verkefni. Nema um sé að ræða sérþjálfaða aðila, s.s. íslenska sérsveitarmenn og starfsmenn Landhelgisgæslunnar sem eru þjálfaðir til að bera vopn.

Ingibjörg segir að tilgangur skýrslunnar hafi ekki verið að finna sökudólga. Það hafi verið mikilvægt að ljúka málinu með formlegum hætti af hálfu ráðuneytisins.

Hún segir að ekkert hafi bent til annars en að öryggisgæsla í ferðinni hafi verið óaðfinnaleg. Friðargæsluliðar brugðust rétt við í kjölfar árásinnar, segir Ingibjörg.

Þá kemur fram að ekki hafi legið fyrir ákveðnar reglur varðandi ferðir friðargæsluliða frá flugvellinum.

Þá kemur jafnframt fram að yfirmaður öryggismála á vettvangi hafi talið ferð friðargæsluliðanna óráðlega. (mbl.is)

Ég fagna þessari ákvörðun utanríkisráðherra,að íslenskir friðargæsluliðar eigi ekki að bera vopn framvegis. Það eru næg verkefni,sem friðargærsluliðarnir geta sinnt þó ekki .þurfi vopn við þau störf.

 

Björgvin Guðmundsson

Friðargæsluliðar beri ekki vopn

Handboltastrákarnir fá 50 milljónir

Ríkisstjórnin ákvað á fundi í dag, að styrkja Handknattleikssamband Íslands um 50 milljónir króna. Var þetta gert að tillögu menntamálaráðherra vegna frækilegs árangurs íslenska landsliðsins í handbolta og einstæðs afreks á
ólympíuleikunum í Peking, að því er kemur fram í tilkynningu.

Íslenska handboltalandsliðið vann silfurverðlaun á ólympíuleikunum og lék um gullverðlaun við Frakka en tapaði þeim leik. 

Ólympíufararnir koma heim á morgun og býður ríkisstjórnin, Reykjavíkurborg og Íþrótta- og ólympíusamband Íslands til fagnaðarfundar íslensku þjóðarinnar. Ákveðin hefur verið ný akstursleið frá Skólavörðuholti en þaðan mun handboltalandsliðið leggja af stað í opnum vagni kl. 18 í fylgd lúðrasveitar, fánabera ungs íþróttafólks og lögreglu.

Ekið verður niður Skólavörðustíg og Bankastræti að Arnarhóli. Þar verður haldinn fagnaðarfundur ólympíufaranna og íslensku þjóðarinnar sem er hvött til að fjölmenna og sýna íþróttafólkinu þakklæti sitt fyrir glæsilega frammistöðu á ólympíuleikunum í Peking.(mbl.is)

Ég tel það vel ráðið hjá ríkisstjórninni að styrkja HSÍ með myndarlegu fjárframlagi. Þetta er viðurkenning á góðri frammistöðu strákanna okkar og þeir eiga hana skilið.Væntanlega verður þeim vel fagnað á morgun þegar þeir koma til landsins.

 

Björgvin Guðmundsson

 

 

HSÍ fær 50 milljónir

Leiðrétting á lífeyri aldraðra ekki byrjuð

Nú hefur stjórnarsamvinna Samfylkingar og Sjálfstæðisflokks staðið í   15 mánuði .Hverju hefur Samfylkingin komið fram? Það er  ekki mikið.Sumir ráðherrar flokksins eru að vísu ansi röskir og hafa afgreitt mál vel.Ég er  t.d. ánægður með orkulög Össurar..En lítið fer fyrir stórum stefnumálum jafnaðarmanna.Lítum á velferðarmálin. Dregið hefur verið úr tekjutengingum  vegna lífeyris aldraðra og öryrkja.Og skerðing tryggingabóta vegna tekna maka hefur verið afnumin.En leiðrétting á lífeyri aldraðra og öryrkja hefur ekki hafist.Í stjórnartíð Sjálfstæðisflokks og Framsóknarflokks dróst lífeyrir aldraðra mikið aftur úr launum annarra þjóðfélagshóp.Samfylkingin boðaði í  kosningunum,að hún ætlaði að leiðrétta þetta.Sú leiðrétting hefur ekki byrjað þó flokkurinn hafi setið þennan tíma í ríkisstjórn.Ekki næst heldur að byggja  öll þau hjúkrunarheimili á tilsettum tíma,sem gefið var fyrirheit um.Áætlun um 400 rými hefur  þó verið samþykkt.Það hefurr verið unnið ágætt starf í öðrum velferðarmalim svo sem í þágu barna og ungmenna, í þágu geðfatlaðra. og fatlaðra.

Björgvin Guðmundsson

www.gudmundsson.net

"Mikill munur á ríkisstjórnum"

Ingibjörg Sólrún Gísladóttoir,formaður Samfylkingarinnar,var gestur Helga Seljan í kastljósi í gærkveldi.Rætt var um utanríkismál,efnahagsmál,stóriðjumál,lífeyrismál æðstu embættismanna og þingmanna og velferðarmál.Helgi spurði hvort nokkur munur væri á  Samfylkingunni  og Framsókn í ríkisstjórn,hvort nokkuð hefði breytst í grundvallaratriðum.Ingibjörg Sólrún sagði,að það væri mikill munur.Mjög margt hefði breytst t.d. í velferðarmálum. Samþykkt hefði verið aðgerðaráætlun fyrir langveik börn,gert átak í lífeyrismálum almannatrygginga,þar hefði verið bætt verulega í,samþykkt áætlun um byggingu 400 nýrra hjúkrunarrýma fyrir aldraða o.s.frv.

Það er að sjálfsögðu rétt það,sem Ingibjörg Sólrún nefndi í velferðarmálum.Það hafa t.d. verið látnir auknir fjármunir í lifeyri aldraðra og öryrkja en það hafa fyrst og fremst verið látnir fjármunir til þess að draga úr tekjutengingum,til þess að bæta kjör þeirra lífeyrisþega,sem eru á vinnumarkaðnum.  og afnema skerðingu vegna tekna maka.En það hefur lítið sem ekkert verið gert fyrir þá lífeyrisþega,sem hættir eru að vinna. Þeir hafa verið látnir sitja á hakanum. En það hefði átt að byrja á því að bæta kjör þeirra eða a.m.k að gera það samhliða.

 

Björgvin Guðmundsson

 

Björgvin Guðmundsson