Verður Samfylkingin andvíg virkjun neðri Þjórsár

Samfylkingarfólk var að fá svofellt boð:

Nú gefst Samfylkingarfólki einstakt tækifæri til þess að kynna sér baráttuna gegn virkjanaáætlunum í neðri Þjórsá.

Íbúar við Þjórsá bjóða Samfylkingarfólki sem styður verndun svæðisins í heimsókn. Lagt verður af stað í rútu frá Hallveigarstíg 1 kl. 17:15, fimmtudaginn 24. júlí.

Björg Eva Erlendsdóttir, blaðamaður, verður leiðsögumaður og fræðir fólkið um svæðið og söguna. Þjórsárfólk býður í súpu, brauð á lífræna búinu í Skaftholti í Gnúpverjahreppi og ræðir um framtíð svæðisins og möguleika.

Allir að mæta og sýna samstöðu með frábæru fólki og góðum málstað!

Það eru mjög skiptar skoðanir um virkjun neðri Þjórsár.Landsvirkjun vill virkja   og er undirbúningur langt kominn. Landsvirkjun hefur samið við nokkra landeigendur á svæðinu og er í samningaviðræðum við aðra.Össur Skarphéðinsson iðnaðar-og orkumálaráðherra virðist heldur neikvæður gagnvart virkjun á þessu svæði.Sennilega vill Sjálfstæðisflokkurinn virkja þarna. Umhverfismálaráðherra er áreiðanlega á móti virkjun. Þetta getur því orðið ágreiningsmál milli stjórnarflokkanna og milli iðnaðarráðherra og Landsvirkjunar. Fróðlegt verður að sjá hvernig þessu máli reiðir af.

 

Bjöegvin Guðmundsson

Svik við aldraða

Í dag er 22.júlí og engin leiðrétting komin til aldraðra enn.Þetta eru hrein svik.Sagt var,að endurskoðunarnefnd almannatryggingalaga ætti að skila nýju framfærsluviðmiði fyrir lifeyrisþega 1.júlí.Það er ekki komið fyrir almenningssjónir enn og aldraðir og öryrkjar verða ekki varir við neitt.Aldraðir fengu 7,4% hækkun  á lífeyrir sínum 1.feb. sl. þegar láglaunafólk fékk 16% hækkun.Stjórnvöld lofuðu því þegar skorið var á sjálfvirkt tengsl launa og lífeyris,að aldraðir og öryrkjar mundu ekki skaðast af þeirri breytingu. Þeir myndu alltaf fá sömu hækkun og láglaunafólk.Það var svikið 1.febrúar sl. Gefið var í skyn,að þetta yrði leiðrétt  1,júlí en það var ekki gert og hefur ekki verið gert enn. Halda stjórnvöld,að  aldraðir gleymi loforðunum,ef þau humma málið fram af sér nógu lengi? Það gerist ekki. Aldraðir fylgjast með og ætlast til,að stjórnvöld efni loforð sín,þar á meðal kosningaloforð.

 

Björgvin Guðmundsson

 

 

Missa 200 vinnuna við yfirtöku Kaupþings á Spron

Búist er við því að Fjármálaeftirlitið samþykki yfirtöku Kaupþings á SPRON innan tíðar. Enn er nokkurri óvissu háð hvort Samkeppniseftirlitið samþykkir yfirtökuna. Samkvæmt heimildum Morgunblaðsins mun starfsmönnum Kaupþings og SPRON fækka um 150 til 200 manns, í kjölfar yfirtökunnar, verði hún á annað borð samþykkt, líkast til nær 200.

Samkvæmt sömu heimildum er líklegt að meirihluti þeirra starfsmanna sem sagt verður upp, verði úr röðum starfsmanna SPRON.

Hjá SPRON starfa um 250 manns, um 75 eru starfandi í útibúunum en um 175 starfsmenn starfa í höfuðstöðvum sparisjóðsins. Að mati sérfróðra er um mikla yfirmönnun að ræða í höfuðstöðvunum og því viðbúið að þeir sem fyrstir munu sjá uppsagnarbréf verði úr höfuðstöðvum SPRON við Ármúla og þá einkum úr stoðdeildum SPRON, sem eru þrjár talsins, sem í kjölfar yfirtökunnar munu renna saman við stoðdeildir Kaupþings, svo og af ólíkum afkomusviðum SPRON sem eru sex talsins.

Ekki er búist við að mikil fækkun verði meðal starfsmanna útibúa SPRON, sem margir eiga jafnvel margra áratuga starfsferil að baki.

(mbl.is)

Þessi mikjla fækkun starfsfólks,sem rætt er um,er mjög tilfinnanleg,ef af verður.Alls staðar í þjóðfélaginu er nú samdráttur og uppsagnir starfsfólks.Miklar uppsagnir eru í byggingaraðnaðinum og  einnig er byrjuð fækkun í fjármálageiranum. Bankar verða að skera niður ef þeir ætla að komast út úr öldudalnum.

 

Björgvin Guðmundsson

 

Allt að 200 missa vinnu við samruna SPRON og Kaupþings

Morgunblaðið vill meiri einkavæðingu

Morgunblaðið kvartar yfir því í Reykjavíkurbréfi,að ekkert hafi orðið úr einkavæðingu að undanförnu.Minnist blaðið á nokkur fyrirtæki,sem það telur að ætti að einkavæða svo sem Íslandspóst og Leifsstöð. Það á ekki að einkavæða bara til þess að einkavæða. Bæði þessi fyrirtæki ,sem blaðið nefnir eru vel komin í höndum ríkisins. Reikna má með,að póstþjónusta yrði mun verri ef hún væri einkavædd. Það hefur nokkuð borið á því,að íhaldið vildi einkavæða fyrirtæki,sem gengið hafa vel í höndum ríkisins. Nefna má sem dæmi Landsíma Íslands. Hann var sem ríkisfyrirtæki mjög vel rekið fyrirtæki og því bar enga nauðsyn til þess að einkavæða fyrirtækið  nema þá til þess að koma gróðanum í hendur einkaaðila.Rekstur fyrirtækisins batnaði ekki við einkavæðingu en þjónustan versnaði.Það hefði mátt hafa fyriirtækið  ríkisfyrirtæki með takmarkaðri ábyrgð og sjálfstæðan fjárhag.

 

Björgvin Guðmundsson

Þorgerður Katrín orðin forsætisráðherra

Geir H. Haarde, forsætisráðherra, verður erlendis í sumarleyfi frá 21. til 31. júlí. Samkvæmt tilkynningu frá forsætisráðuneytinu gegnir Þorgerður Katrín Gunnarsdóttir, störfum Geirs á meðan.

Þorgerður Katrín hefur staðið sig nokkuð vel í ráðherrastól.Hún hefur komið nokkrum málum fram enda þótt fæðingin væri erfið í fyrstu.Og hún hefur verið nokkuð ákveðin,jafnvel ákveðnari en Geir Haarde.T.d. hefur Þorgerður Katrín verið ákveðnari í Evrópumálum en Geir.

 

Björgvin Guðmundsson

 

 

Þorgerður Katrín leysir Geir af

VG vill kalla þingið saman um efnahagsmálin

Þingflokkur Vinstri grænna fer fram á að Alþingi komi saman eftir verslunarmannahelgi til að fjalla um stöðu og horfur í efnahags- og atvinnumálum og hvað vænlegast er að gera til að verja þjóðarbúið frekari áföllum og endurheimta efnahagslegan stöðugleika.

Þetta kemur fram í bréfi sem þingflokkurinn hefur sent Geir H. Haarde, forsætisráðherra, Sturlu Böðvarssyni, forseta Alþingis, Gunnari Svavarssyni, formanni fjárlaganefndar, og Pétri Blöndal, formanni efnahags- og skattanefndar.

Á fundi sínum í morgun samþykkti þingflokkurinn einnig ályktun um stöðu efnahagsmála. Þar segir að þær ,,alvarlegu" horfur sem nú eru í efnhags- og atvinnumálum hafi verið fyrirsjáanlegar og flokkurinn hafi varað við þeim allt frá árinu 2004.

Það er skynsamlegt að kalla þingið  saman sem fyrst. Ég er raunar þeirrar skoðunar,að þingið eigi að sitja allt árið. Það á aðeins að taka eðlilegt sumarleyfi,t.d. 6 vikur en að öðru leyti á það að sitja að störfum.Þingmenn þurfa ekki lengra sumarleyfi en aðrir landasmenn. Gömlu rökin um að  þingmenn þyrftu að fá leyfi frá þingstörfum til þess að hitta kjósendur eiga ekki lengur við. Þeir geta hitt kjósendur þó þingið starfi.

 

Björgvin Guðmundsson

,,."

Fólk ferðast minna til útlanda en áður

Farþegafjöldi Úrvals Útsýnar hefur dregist saman um 8 prósent á milli ára en Þorsteinn Guðjónsson, framkvæmdastjóri fyrirtækisins, bendir á að seinasta ár hafi verið metár hvað farþegafjölda varðar. Sala á haustferðum er hafinn og hefur sala á ferðum yfir hátíðirnar verið góð. Þetta kom fram í Bítinu á Bylgjunni fyrr í morgun.

Þorsteinn segir að ferðaskrifstofur standi og falli með krónunni. Hann kveðst vera fylgjandi upptöku evru.

,,Við þurfum að hafa stöðugleika," segir Þorsteinn og líkir áætlanagerð sem tekur við að stöðu krónunnar og stöðu efnahagsmála við veðurspár.

Þorsteinn segir að ferðaskrifstofur hafi ekki mikil tækifæri til að bregaðst við slæmum horfum í efnahagsmálum og erfitt sé að bakka út úr flug- eða hótelsamingum með stuttum fyrirvara.

,,Olía fer að verða 50% af heildarkostnaði við flug og það er rosalegt fyrir þá sem standa í flugrekstri," segir Þorsteinn.

Það kemur ekki á óvart,að það  dragi úr ferðalögum til útlanda.Lífskjör hafa rýrnað verulega undanfarna mánuði og fólk er byrjað að spara. Það dregur úr ferðalögum og fólk færir viðskipti sín yfir í lágvöruverðsverslanir,þar sem vörur eru ódýrari.

 

Björgvin Guðmundsson

 

Verðbólgan 14% í ágúst

Verðbólga nær hámarki í ágúst og verður þá rúm 14% gangi spá greiningardeildar Landsbankans eftir. Greiningardeildin telur að það eigi eftir að draga hratt úr verðhækkunum í haust. Þá verði gengi krónunnar orðið stöðugra. Greiningardeildin telur jafnframt að yfir árið mælist verðbólga 12% en telur að stærsti hluti þeirrar hækkunar sé þegar kominn fram.

Ég hygg,að þessi spá LÍ. sé varfærin. Mér kæmi ekki á óvart þó verðbolgan yrði eitthvað meiri. Bensínverðið er t.d. enn að hækka og gengið er enn að lækka nú síðast í morgun.En vonandi rætist það að verðbólgan nái hámark  í ágúst.Forsendur kjarasamninga eru hins vegar brostnar hvort sem verðbólgan er 12 eða 14%.Það verður því óróí á vinnumarkaðnum strax upp úr áramótum.

 

 

Björgvin Guðmundsson 

Endurreisa þarf þjóðhagsstofnun

Margir í stjórnarliðinu vilja nú endurreisa þjóðhagsstofnun.Sú stofnun vann  mjög gott starf á sínum tíma en var lögð niður vegns þess,að Davíð Oddsson varð ósáttur við forstjórann?Nú sjá  menn,að gott hefði verið að hafa slíka stofnun,þegar erfiðleikar eru í efnahagsmálum.

Gallinn við Tryggva Þór Herbertsson,sem ráðinn hefur verið efnahagsráðgjafi forsætisráðherra, er sá,að hann er harður sjálfstæðismaður og hefur verið ákveðinn andstæðingur aðildar Íslands að ESB. Best er,að efnahagsráðgjafar séu hlutlausir í pólitik þannig,að allir flokkar geti treyst þeim.

 

Björgvin Guðmundsson

Ísland haldi yfirráðum yfir fiskimiðum sínum við aðild að ESB

Ef Ísland ætlar að ganga í ESB tel ég nauðsynlegt,að viðunandi samningur náist um sjávarútvegsmál.Ég tel nauðsynlegt að Ísland haldi yfirráðum   yfir  fiskimiðum sínum.Algert skilyrði er að þjóðin ákveði í þjóðarkvæðagreiðslu hvort hún vilji ganga í ESB.Ef þjóðin samþykkir aðildarsamning í þjóðaratkvæði mun ég beygja mig undir það.

 

Björgvin Guðmundsson