Verða breytingar á stjórninni?

Nú nálgast jól og áramót. En ekkert hefur enn verið tilkynnt um breytingar á ríkisstjórninni. Ingibjörg Sólrún sagði,að það yrðu breytingar og Geir Haarde útilokaði ekki að svo yrði.

Það var vitað þegar stjórnin var mynduð,að einhverjar breytingar yrðu á stjórninni,þegar kjörtímabilið væri hálfnað.Umræðan um breytingar á sér stað áður en kemur að þeim tímapunkti.Það er vegna þess,að almenningur krefst breytinga vegna fjármálakreppunnar. Almenningur vill að stjórnmálamenn axli ábyrgð af þeim efnahagsmistökum,sem gerð hafa verið. Oddvitar stjórnarflokkanna hafa gefið í skyn,að breytingar gætu orðið um áramót.

Hvaða breytingar eru líklegastar? Ég tel líklegast,að Björn Bjarnason dómsmálaráðherra hætti. Það lá í loftinu,þegar stjórnin var mynduð,að Björn yrði aðeins hálft kjörtimabilið í ráðherrastól.Þegar stjórnin var mynduð var einnig hvislað um það,að Jóhanna Sigurðardóttir yrði aðeins hálft tímabil en þá mundi koma inn ný kona frá Samfylkingu. Hvort þetta gengur eftir er hins vegar óvíst,þar eð Jóhanna hefur mælst mjög vinsæl í skoðanakönunum. En þar a móti kemur,að ráðuneyti félags-og tryggingamála er mjög erfitt og  álagið á ráðherra mikið. Ég tel hins vegar,að Björgvin G. Sigurðsson verði kyrr í stjórninni.

 

Björgvin Guðmundsson

Dýr handvömm í stjórnkerfinu

Forsætisráðherra segist ekki hafa vitað, fyrir yfirtöku íslenska ríkisins á Landsbanka Íslands, um tilboð breska fjármálaeftirlitsins (FSA) um að gegn 200 milljóna punda fyrirgreiðslu væri FSA tilbúið að færa reikninga Icesave yfir í breska lögsögu. Þetta kemur fram í svari Geirs H. Haarde, forsætisráðherra við fyrirspurn Sivjar Friðleifsdóttur um Icesave-ábyrgðir.

Í svarinu segir Geir að sér sé ekki kunnugt um að embættismenn eða ráðgjafar ráðherra hafi haft slíka vitneskju.(mbl.is)

Enginn í íslenskri stjórnsýslu  kannast við að tilboð  frá Bretum um 200 millj. punda greiðslu v. Ice Save hafi borist,þ.e. um að ef slík greiðsla bærist þá væru Bretar reiðubúnir að færa reikningana yfir í breska lögsögu.Ljóst er,að sú það hefði verið mikið ódýrara fyrir Ísland að greiða 200 millj. pundin í stað þess að þurfa að greiðs 150 milljarða kr  eins og nú er útlit fyrir. Hér hafa átt sér stað handvömm.

Björgvin Guðmundsson 

Vissi ekki af tilboði FSA vegna Icesave

Kaupmáttur minnkað um 7,7%.Verðbólgan 18,1%

Vísitala neysluverðs miðuð við verðlag í desember hækkaði um 1,52% frá fyrra mánuði. Vísitala neysluverðs án húsnæðis hækkaði um 1,71% frá nóvember. Síðastliðna tólf mánuði hefur vísitala neysluverðs hækkað um 18,1%. Verðbólgan hefur ekki verið jafn mikil síðan í maí 1990 er hún mældist einnig 18,1%.

Verð á húsgögnum, heimilistækjum, heimilisbúnaði o.fl. hækkaði um 4,4% (vísitöluáhrif 0,31%) og efni til viðhalds húsnæðis hækkaði um 7,2% (0,31%). Verð á mat og drykkjarvöru hækkaði um 2,1% (0,27%) og verð á áfengi hækkaði um 9,2% (0,15%), að hluta til vegna hækkunar áfengisgjalds. Verð á tómstundavörum, leikföngum og ritföngum hækkaði um 2,4% (0,28%) og flugfargjöld til útlanda hækkuðu um 14,6% (0,17%).

Verð á bensíni og olíum lækkaði um 8,6% (-0,39%) þrátt fyrir hækkun olíugjalds. Kostnaður vegna búsetu í eigin húsnæði lækkaði um 0,5% (-0,07%). Þar af námu áhrif af lækkun markaðsverðs á húsnæði -0,04% og lækkun raunvaxta -0,03%, en vextir hafa ekki haft áhrif til lækkunar vísitölunnar frá nóvember 2005.

Fastskattavísitala neysluverðs var ekki uppfærð nú vegna þess að ekki gafst nægur tími til að meta áhrif af breytingum á áfengis-, tóbaks- og olíugjaldi auk vörugjalda sem samþykktar voru með lögum þann 11. desember. Vísitalan verður næst birt um leið og vísitala neysluverðs í janúar, að því er fram kemur í frétt Hagstofu Íslands.

Sl. tólf mánuði hefur vísitala neysluverðs hækkað um 18,1% en vísitala neysluverðs án húsnæðis um 20,7%. Undanfarna þrjá mánuði hefur vísitala neysluverðs hækkað um 5,5% sem jafngildir 24,0% verðbólgu á ári (29,7% fyrir vísitöluna án húsnæðis).(mbl.is)

Kaupmáttur  launa hefur sl. 12 mánuði minnkað um 7,7%.Það er gífurleg kjaraskerðing. Kaupmáttur lífeyris aldraðra hefur minnkað álíka mikið. Nú þýðir ekkert lengur að  athuga hlutfall lífeyris af launum þar eð hvort tveggja hrapar. Það verður að setja lífeyri í samband við þjóðarframleiðslu.

Björgvin Guðmundsson

 

Verðbólgan mælist 18,1%

Kjaranefnd eldri borgara mótmælir kjaraskerðingu lífeyrisþega

Kjaranefnd  Félags   eldri borgara í Reykjavík  samþykkti á fundi sínum í morgun að mótmæla harðlega kjaraskerðingu  3/4 lífeyrisþega almannatrygginga en sú kjarskerðing tekur gildi um áramót.Aðeins  1/4 v lífeyrisþega fær fullar verðlagsuppbætur á  lífeyri sinn um áramót,þ.e. þeir lífeyrisþegar sem hafa lægstar bætur,130 þús. á mánuði eftir skatt en hinir fá aðeins 9,6% hækkun á lífeyri um áramót í stað 20%,sem þeir hefðu átt að fá til þess að lífeyrir héldi verðgildi sínu og hækkaði í samræmi við lögbundnar verðlagsuppbætur eins og var fram að breytingu,sem alþingi er nú að samþykkja. Ráðherrar sögðust ætla að verja velferðarkerfið en það tókst ekki.

Kjaranefnd FEB benti einnig á,að komin væri ný neyslukönnun  Hagstofunnar og samkvæmt henni ætti lífeyrir eldri borgara að vera 282 þús. kr. á  mánuði án skatta.En FEB hefur samþykkt að lífeyrir eldri borgara eigi að miðast við  þessa neyslukönnun.Skal  lífeyrir eldri borgara leiðréttur í áföngum.

 

Björgvin Guðmundsson

Líkur á málsókn gegn Bretum

Líkur á því að Kaupþing höfði mál gegn breska ríkinu vegna harkalegra aðgerða breskra stjórnvalda gegn dótturfyrirtæki bankans hafa aukist með nýju lögunum sem sett voru í gær.

Sú ákvörðun breskra stjónvalda að beita grípa inn í rekstur dótturfyrirtækis Kaupþings í Bretlandi, Singer og Friedlander, í byrjun október er talin hafa leitt til þess að Kaupþing á Íslandi varð gjaldþrota. Þá voru innlánsreikningar Singer og Friedlander seldir til Hollands og greiðslustöðvun sett á restina af starfsemi bankans.

Strax í október fól Kaupþing bresku lögfræðiskrifstofunni Grundberg Mocatta Rakison að undirbúa málsókn á hendur breskum stjórnvöldum vegna aðgerða þeirra. Ef höfðað verður mál mun það líklega snúast umþað hvort að bresk stjórnvöld hafi farið offari með innripi sínu og jafnvel brotið jafnræðisreglu með því að beita bankann harðari úrræðum en aðra breska banka.

Í gær samþykkti Alþingi lög sem heimila ríkissjóði að styrkja málshöfðun gegn breskum stjórnvöldum vegna aðgerða þeirra gegn íslenskum bönkunum í byrjun október.

Helgi Sigurðsson, framkvæmdastjóri lögfræðisviðs Kaupþings, telur að lagasetningin auki líkur á því að Kaupþing höfði mál gegn breska ríkinu. Með lögunum færist kostnaðurinn við lögsókn frá kröfuhöfum bankans til ríkisins og þar með aukist líkur á að eigendur gamla bankans vilji fara í mál.

Enn hefur þó ekki verið tekin ákvörðun um hvort að Kaupþing höfði mál en búist er við að það skýrist í kringum áramótin. (visir.is)

Ekki kemur annað til greina en að'' lögsækja Breta. Vonandi fá Bretar makleg málagjöld fyrir það níðingsverk,sem þeir unnu á Íslandingum.

 

Björgvin Guðmundsson

Góð tillaga Karls V.Matthíassonar

Það væri góð nýársgjöf til þjóðarinnar að tilkynna að leyfðar yrðu veiðar á 20-30 þúsund tonnum af þorski og að kvótann ætti að bjóða upp á markaði. Þetta segir Karl V. Matthíasson, þingmaður Samfylkingar og varaformaður sjávarútvegs- og landbúnaðarnefndar Alþingis, og leggur ríka áherslu á að bjóða ætti kvótann upp á markaði.

„Ef við myndum leyfa veiðar á 20 þúsund tonnum á þorski og fá 150 krónur fyrir kílóið gæfi það af sér 3 milljarða króna,“ segir Karl og bætir við að féð mætti nota til þess að styðja enn frekar nýsköpun í sjávarútvegi, t.d. með því að ýta undir kræklingarækt og þorskeldi. „Þetta væru góð skilaboð út í samfélagið og myndi auka atvinnu,“ segir Karl.

Bæði Einar K. Guðfinnsson sjávarútvegsráðherra og Arnbjörg Sveinsdóttir, formaður sjávarútvegs- og landbúnaðarnefndar, hafa sagt að yrði kvóti aukinn ætti hann að fara til þeirra sem urðu fyrir skerðingu þegar þorskveiðar voru dregnar saman.(mbl.is)

Þetta er góð tillaga   hjá Karli og gæti verið fyrsta skrefið í að mæta gagnrýni Mannréttindanefndar Sþ. á kvótakerfið en nefndin hefur úrskurðað að í því felist brot á mannréttindum.

 

Björgvin Guðmundsson

 

Forsetinn vill launalækkun

Ólafur Ragnar Grímsson, forseti Íslands, hefur sent fjármálaráðherra bréf þar sem hann óskar eftir því að laun sín verði lækkuð í samræmi við lagafrumvarp um kjararáð. Hann vill að laun sín verði lækkuð á sama hátt og laun forsætisráðherra og forseta Alþingis, handhafa forsetavalds. Forsetinn sendi bréfið fyrir helgi en frumvarpið varð að lögum í gær.

„Það bann við skerðingu kjara forseta á kjörtímabili hans sem kveðið er á um í 2. mgr. 9. gr. stjórnarskrárinnar var sett til að vernda forsetann gagnvart löggjafar- og framkvæmdavaldinu. Þetta ákvæði kemur hins vegar ekki í veg fyrir að forsetinn óski sjálfur eftir launalækkun þegar þjóðarhagur kallar á lækkun launa fjölmargra annarra ráðamanna og Alþingi setur lög þar um. Við slíkar aðstæður er bæði sjálfsagt og eðlilegt að hið sama gildi um forsetann. Því sendi ég yður, hæstvirtur fjármálaráðherra, hér með formlega ósk um slíka sambærilega lækkun launa forseta Íslands," segir Ólafur Ragnar í bréfi sínu til ráðherra.(visir.is)

Það er gott,að forsetinn skuli hafa tekið þetta skref. Ótækt er,að laun hans lækki  ekki eins og annarra æðstu embættismanna landsins.Raunar er það undarlegt,að bannað sé að  lækka laun forsetans samkvæmt stjórnarskránni.

 

Björgvin Guðmundsson

 

Málverkasýning í Finnlandi

Björgvin Björgvinsson og kona hans Pirjo Aaltonen hafa opnað málverkasýningu í Kouvola í Finnlandi. Sýningin stendur til 18.janúar n.k. Þau hjón sýna þarna akril myndir,grafik,koparstungu o.fl.Myndirnar eru flestar málaðar á þessu ári. þarna  eru margar mjög góðar og skemmtilegar myndir.Björgvin hefur haldið nokkrar málverkasýningar á Íslandi  og í Finnlandi.Þau Björgvin og Pirjo eru bæði myndlistarkennarar og búa í Kouvola.

Björgvin er sonur minn en auk   þess er Guðmundur sonur minn   starfandi myndlistarmaður og Hilmar sonur minn er smíðakennari og skólastjóri. Hann hefur m.a. kennt skartgripagerð og smíðað sjálfur skartgripi.Þorvaldur sonur minn  hefur nýlega   byrjað að mála og hefur þegar haldið eina málverkasýningu. Ekki munu synir mínir hafa myndlistar- og smíðahæfileikann frá mér. Munu þessir hæfileikar fremur komnir frá konu minni,Dagrúnu Þorvaldsdóttur.

 

Björgvin Guðmundsson

 

Kjaraskerðing hjá 3/4 lífeyrisþega. Ekkert gert í því að hækka lífeyri samkv. könnun Hagstofunnar.

Samfylkingin sagði fyrir kosningar að hún ætlaði að koma lífeyri  aldraða í sömu upphæð og næmi neysluútgjöldum einhleypinga samkvæmt könnun Hagstofunnar.Þessi upphæð  var allt þetta ár 226 þús. kr .á mánuði án skatta.Ekki var vegferð í áttina að þessu markmiði hafin,þegar kreppan skall á.Lægstu bætur námu 130 þús .á mánuði eftir skatta frá 1.septermber.Það vantaði því tæpar 100 þús. á mánuði upp á að þessar lægstu bætur næmu  meðatalsneysluútgjöldum einhleypinga.Um næstu áramót fá lægstu bætur lögbundna vísitöluhækkun eða tæp 20%  og fara í 144 þús. á mánuði eftir skatt .En neysluútgjöld samkvæmt könnun Hagstofunnar,sem birt var í þesssum mánuðu, eru komin í 282 þús. kr. án skatta.Það vantar því 138 þús. á mánuði upp á að markmið Samfylkingarinnar náist.Samfylkingin vildi jafna þetta í áföngum. Ef þessu markmiði væri náð í 3 áföngum þyrfti að hækka bætur aldraðra um  46 þús. í hverjum áfanga. Fyrsti áfangi þessarar leiðréttingar ætti að koma til framkvæmda um áramótin.

Það sem er slæmt við  aðgerðir ríkisstjórnarinnar í lífeyrismálum aldraðra og öryrkja um áramótin er að hún skerðir kjör 3/4   lífeyrisþega.Aðeins 1/4 fær fulla verðlagsuppbót. Þeir,sem eru skertir fá  9,6% hækkun um áramót en þeir ættu að fá 20% hækkun til þess að fá fulla vérðlagsuppbót eins og lögbundið hefur verið undanfarin ár.Þessu hefur ASÍ mótmælt harðlega og ég tek undir þau mótmæli.

 

Björgvin Guðmundsson

 

Fjárlagafrv.: 365 milljarðar í eigið fé bankanna

Í breytingartillögum meirihluta fjárlaganefndar við fjárlagafrumvarp næsta árs er m.a. lagt til að heimilt verði að leggja ríkisbönkunum þremur til samtals allt að 385 milljarða kr. í eigið fé vegna sérstakra aðstæðna á fjármálamarkaði og að heimilt verði að leggja sparisjóðum til allt að 14 milljarða kr. stofnfé.

Meirihluti fjárlaganefndar leggur einnig til að veitt verði heimild á fjárlögum næsta árs til að selja sendiherrabústaði í New York, Washington, London og Ósló og að hluta söluverðsins verði varið til að kaupa eða leigja annað hentugra húsnæði fyrir sendiherra í þessum borgum. Þetta kemur fram í tillögum meirihluta nefndarinnar við fjárlagafrumvarpið sem dreift var á Alþingi síðdegis fyrir þriðju og síðustu umræðu um frumvarpið.(mbl.is)

Mér líst vel a,að seldir verði einhverjir sendiherrabústaðir nú þegar þjóðin á við efnahagserfiðleika að stríða.

Björgvin Guðmundsson

Sendaherrabústaðir verði seldir