Vöruskiptahalli í júlí

Í júlímánuði voru fluttar út vörur fyrir 34,1 milljarð króna og inn fyrir 51,6 milljarða króna fob (55,8 milljarða króna cif). Vöruskiptin í júlí, reiknuð á fob verðmæti, voru því óhagstæð um 17,5 milljarða króna. Í júlí 2007 voru vöruskiptin óhagstæð um 15,6 milljarða króna á sama gengi.

Fyrstu sjö mánuðina 2008 voru fluttar út vörur fyrir 241 milljarð króna en inn fyrir 282,8 milljarða króna fob (307,1 milljarð króna cif). Halli var á vöruskiptunum við útlönd, reiknað á fob verðmæti, sem nam 41,9 milljörðum en á sama tíma árið áður voru þau óhagstæð um 65,0 milljarða á sama gengi. Vöruskiptajöfnuðurinn var því 23,1 milljarði króna hagstæðari en á sama tíma árið áður, að því er fram kemur á vef Hagstofu Íslands.
 
i

Fyrstu sjö mánuði ársins 2008 var verðmæti vöruútflutnings 27,8 milljörðum eða 13,0% meira á föstu gengi en á sama tíma árið áður. Iðnaðarvörur voru 50,4% alls útflutnings og var verðmæti þeirra 44,8% meira en árið áður. Sjávarafurðir voru 37,0% alls útflutnings og var verðmæti þeirra 5,7% minna en á sama tíma árið áður.  Mest aukning var í útflutningi á áli en á móti kom samdráttur í útflutningi sjávarafurða, aðallega frystra flaka og í útflutningi skipa og flugvéla.

 

Fyrstu sjö mánuði ársins 2008 var verðmæti vöruinnflutnings 4,7 milljörðum eða 1,7% meira á föstu gengi en á sama tíma árið áður. Mest aukning varð í innflutningi á hrá- og rekstrarvörum og á eldsneyti og smurolíum en á móti kom samdráttur í innflutningi á fjárfestingarvöru og flutningatækjum, aðallega flugvélum.(mbl.is)

Samkvæmt þesssum tölum gengur hægt að  koma á jafnvægi í vöruskiptum okkar við útlönd. Halli  vöruskiptum við útlönd nam  42 milljörðum fyrstu 7 mánuði ársins. Þrátt fyriir gengislækkun  og hátt eldneytisverð  flytja Íslendingar meira inn en út. Það er eins og venjuleg efnahagslögmál gildi ekki á Íslandi.

 

Björgvin Guðmundsson

 

 

Aukinn vöruskiptahalli í júlí

Obama orðinn forsetaefni demokrata

Barack Obama, forsetaframbjóðandi Demókrataflokksins, tók formlega við útnefningu sem forsetaefni flokksins á landsþingi í Denver í Colorado í nótt.

Obama ávarpaði um 75.000 stuðningsmenn og hét því í ræðu sinni að hann myndi snúa við niðursveiflu í bandarískum efnahagsmálum verði hann kjörinn næsti forseti Bandaríkjanna. 

Ennfremur lofaði hann að bæta ímynd Bandaríkjanna á alþjóðavettvangi og fullyrti að hann myndi kalla bandaríska hermenn heim frá Írak verði hann kjörinn. 

Þá gagnrýndi Obama ríkisstjórn George W. Bush, forseta, og keppinaut sinn John McCain, frambjóðanda Repúblikanaflokksins. Sagði hann McCain ekki hafa náð tengslum við hinn venjulega Bandaríkjamann, og að hann hafi ekki lagt nóga áherslu á efnahagsmál, heilbrigðismál, og menntun.

Obama er fyrsti blökkumaðurinn sem hlýtur útnefningu sem forsetaframbjóðandi annars stóru flokkanna í Bandaríkjunum.(mbl.is)

Ræða Obama var mjög sterk. Hann lagði mikla áherslu á jafnrétti og lofaði að veita öllum jöfn tækifæri.Mc.Cain hefur verið að leggja áherslu á að Obama væri ekki tilbúinn  til þess að taka við forsetaembættinu,hann skorti reynslu.

 

Björgvin Guðmundsson 

 

E

I

Obama fellst á útnefningu

Samkomulag ríkis og borgar um lausn á húsnæðisvanda geðfatlaðra

Reykjavíkurborg tekur að sér framkvæmd allrar þjónustu við geðfatlaða í byrjun næsta árs. Jóhanna Sigurðardóttir, félags- og tryggingamálaráðherra, og Hanna Birna Kristjánsdóttir borgarstjóri undirrituðu viljayfirlýsingu þess efnis í dag. Við sama tilefni var skrifað undir þjónustusamning um að borgin sinni leysi húsnæðisvanda 44 geðfatlaðra einstaklinga.


Reykjavíkurborg tekur að sér framkvæmd allrar þjónustu við geðfatlaða í byrjun næsta árs. Jóhanna Sigurðardóttir, félags- og tryggingamálaráðherra, og Hanna Birna Kristjánsdóttir borgarstjóri undirrituðu viljayfirlýsingu þess efnis í dag. Við sama tilefni var skrifað undir þjónustusamning um að borgin sinni leysi húsnæðisvanda 44 geðfatlaðra einstaklinga.

„Þetta er viðamesta verkefni sem ríkið flytur yfir til sveitarfélaga á sviði þjónustu við geðfatlaða,“ sagði Jóhanna í ávarpi sínu og lýsti yfir mikilli ánægju með samkomulagið við borgina. Hún sagði afar miklu máli skipta að þjónustan verði á einni hendi.

Reykjavíkurborg tekur yfir m.a. verkefni Straumhvarfa, sem er átaksverkefni á vegum ríkisins, um uppbyggingu þjónustu og húsnæðis í borginni. „Framkvæmdum í Reykjavík verður flýtt og lýkur þegar á næsta ári, í stað ársins 2010. Með því leysist vandi 44 geðfatlaðra einstaklinga sem hingað til hafa búið á stofnunum eða hjá aðstandendum,“ sagði Jóhanna.

Þjónustusamningurinn er fyrsta skrefið í að færa alla ábyrgð á þjónustu við geðfatlaða frá ríki til borgarinnar. Jóhanna sagði að því fælust tímamót þar sem undirstrikaður vilji og áform ríkisstjórnarinnar um flutning málefna fatlaðra til sveitarfélaga.

Samningurinn gildir til ársins 2010 og verður gerð úttekt á framkvæmdinni fyrir þann tíma. Niðurstöðurnar verða lagðar til grundvallar í viðræðum um framhald samningsins. Félags- og tryggingamálaráðuneytið mun á samningstímanum verja 850 milljónum króna í stofnkostnað og rekstur þeirra verkefna sem borgin mun sinna. (mbl.is)

Þetta eru ánægjulegar fréttir. Geðsjúkdómar eru mjög erfiðir sjúkdómar og nógu  efitt að  glíma við þá sjúkdóma þó húsnæðisvandi bætist ekki við. Jóhanna Sigurðardóttir hefur  verið mjög ötul við að reyna að leysa vanda geðfatlaðra.Samkomulagið við borgina  er góður áfangi   á þeirri braut að  leysa þau vandamál.

 

Björgvin Guðmundsson

 

Til baka

Slóð: http://www.mbl.is/mm/frettir/innlent/2008/08/28/husnaedisvandi_44_gedfatladra_einstaklinga_leysist/
Skoðað: 2008-08-28 17:43
© mbl.is/Árvakur hf

mbl.is

• Markaðshandbók
• Hafðu samband
• mbl.is upphafssíða
• Sendu inn frétt
• Um mbl.is
• Veftré

Fréttir

• Forsíða
• Viðskipti
• Íþróttir
• Enski boltinn
• Fólk
• Veður

Þjónusta

• Auðlesinn mbl.is
• Fréttir í tölvupósti
• Fréttir vikunnar
• Hlaðvarp
• RSS straumar
• SMS þjónusta
• WAP og lófatölvur

Sérvefir

• Fasteignir
• Atvinna
• Bílar
• Smáauglýsingar
• Blog.is
• Barnaland
• 24 stundir

Morgunblaðið

• Áskrifendaþjónusta
• Blað dagsins
• Gerast áskrifandi
• Greinasafn
• Kynningaraskrift
• Lífshlaupið
• Myndasafn
• Netföng og símanúmer
• Sendu inn efni
• Sækja um starf
• Um Morgunblaðið

Leita á mbl.is Leita á íslenskum vefsíðum

mbl.is/Árvakur hf. © 2008
Hádegismóum 2, 110 Reykjavík
Sími: 569-1100, Símbréf: 569-1110
Fréttadeild mbl.is | Tæknideild mbl.is

Húsnæðisvandi 44 geðfatlaðra einstaklinga leysist

Eru olíufélögin að misfara með frelsið?

Björgvin G. Sigurðsson, viðskiptaráðherra, hefur óskað eftir upplýsingum um þróun verðlags á olíumarkaði frá Samkeppniseftirlitinu og Neytendastofu. Segist ráðuneytið hafa fengið ábendingar að undanförnu vegna þróunar á eldsneytisverði.(mbl.is)

Það er fagnaðarefni að viðskiptaráðherra skuli taka fyrir verðlagningu olíufélaganna á eldsneyti.Umboðsmaður neytenda tilkynnti einnig nýlega að hann mundi kalla á fulltrúa olíufélaganna til þess að ræða það sama.Mín skoðun er sú,að olíufélögin hafi farið mjög frjálslega með álagningarfrelsið á olíuvörum að undanförnu.Það hefur verið hækkað ótæpilega,þegar verð hefur hækkað erlendis og gengið  fallið en ekki lækkað eins rösklega að sama skapi þegar verð hefur lækkað erlendis eða krónan hækkað.Þá liggur .það fyrir, að álagning olíufélaganna hefur hækkað mjög mikið.Auk  þess breyta olíufélögin alltaf verðinu í takt eins og um samráð sé að  ræða .

 Ef oliufélögon  verða uppvís að því að misnota álagningarfrelsið og ef samkeppni er ekki næg milli þeirra á að svipta þau álagningarfrelsinu.

Björgvin Guðmundsson

 

Sigurbjörn Einarsson látinn

Sigurbjörn Einarsson, biskup, lést á Landspítalanum í morgun, 97 ára að aldri. Sigurbjörn var vígður sem biskup yfir Íslandi árið 1959, þá 47 ára að aldri og gegndi embættinu til ársins 1981.

Dr. Sigurbjörn Einarsson fæddist 30. júní 1911 á Efri Steinsmýri í Meðallandi, Vestur Skaftafellssýslu. Foreldrar hans voru Magnús Kristinn Einar Sigurfinnsson, bóndi á Efri –Steinsmýri í Meðallandi, og Gíslrún Sigurbergsdóttir, húsfreyja.

Sigurbjörn lauk stúdentsprófi frá Menntaskólanum í Reykjavík árið 1931 og nam almenn trúarbragðavísindi, klassísk fornfræði og sögu við Uppsalaháskóla. Hann lauk þaðan prófi í grísku, fornfræðum og sögu árið 1936 og hlaut cand. fil. gráðu frá heimspekideild Stokkhólmsháskóla árið 1937. Kandídatsprófi í guðfræði lauk hann frá Háskóla Íslands árið eftir. Sigurbjörn stundaði framhaldsnám í nýja-testamentisfræðum við Uppsalaháskóla 1939, í trúfræði við Háskólann í Cambridge sumarið 1945 og framhaldsnám veturinn 1947-48, meðal annars í Basel.

Séra Sigurbjörn Einarsson var settur sóknarprestur í Breiðbólstaðarprestakalli á Skógarströnd frá 1. sept. 1939 og vígður í september sama ár. Honum var veitt Hallgrímsprestakall í janúar 1941 og þjónaði þar til 1944 þegar hann var skipaður dósent í guðfræði við Háskóla Íslands þar sem hann hafði verið settur kennari. Hann var skipaður prófessor í guðfræði 1949 og gegndi því starfi til 1959 er hann var vígður biskup Íslands. Hann þjónaði sem biskup Íslands til ársins 1981.

Er Sigurbjörn lét af embætti biskups Íslands sinnti hann margvíslegum verkefnum, kennslu og ritstörfum. Hann var meðal annars leiðbeinandi á kyrrðardögum í Skálholti frá upphafi þeirra og síðast nú í janúar 2008. Sigurbjörn Einarsson var einn afkastamesti predikari sinnar samtíðar og sinnti þeirri köllun sinni til hinstu stundar.

Sigurbjörn Einarsson gegndi fjölmörgum félags-og trúnaðarstörfum. Hann var meðal annars formaður bókagerðarinnar Lilju frá stofnun 1943 og til 1959, formaður Þjóðvarnarfélags Íslendinga 1946 – 50, formaður Skálholtsfélagins frá stofnun þess 1949. Hann sat í stjórn Hins íslenska Biblíufélags frá 1948 og var forseti þess 1959 – 81, forseti Kirkjuráðs og Kirkjuþings 1959-81 og sat í stjórn Nordiska Ekumeniska Institutet 1959 – 81. Sigurbjörn var formaður sálmabókarnefndar 1962-72, formaður þýðingarnefndar Nýja testamentisins 1962-81 og sat í nefnd á vegum Lúterska heimssambandsins um trúariðkun og trúarlíf 1964-68. Hann var formaður Listvinafélags Hallgrímskirkju 1982-87 og Skólanefndar Skálholtsskóla 1972-81.

Sigurbjörn Einarsson var kjörinn heiðursdoktor í guðfræði við Háskóla Íslands 1961 og Háskólann í Winnipeg 1975. Hann var heiðursfélagi Prestafélags Íslands 1978, Félags íslenskra rithöfunda 1981, Hins íslenska Biblíufélags 1982 og Prestafélags Suðurlands 1987.(mbl.is)

Sigurbjörn Einarsson var merkur maður. Hann var mikill kennimaður,góður predikari og skrifaði og talaði mjög gott mál.Hann hafði mjög  ákveðnar skoðanir á þjóðfélagsmálum,var andvígur hersetu í landinu og var einlægur jafnaðarmaður. Hann var í framboði fyrir Alþýðuflokkinn.Eftir að hann var kjörinn biskup hætti hann afskiptum af stjórnmálum.

 

Björgvin Guðmundsson

 

Það er naumt skammtað til eldri borgara

Á heimasíðu Tryggingastofnunar má sjá hvað  ellilífeyrisþegar fá í lífeyri frá TR.  Einhleypur eldri borgari sem ekkert hefur í atvinnutekjur  og ekki er í lífeyrissjóði   fær 123.516 kr.á mánuði fyrir skatt og 113,430 kr. eftir skatt.Með þessari upphæð á hann að greiða húsaleigu eða húsnæðiskostnað,mat,föt,síma,skatta,rekstur bíls ef um hann  er að ræða og allan annan kostnað.Til viðbótar  þessu fær hann nú rúmar 8 þús. kr. á mánuði vegna örlætis ríkisstjórnarinnar  að greiða þeim,sem ekkert fá úr lífeyrissjóði uppbót á ellilífeyri.Þessi eldri borgari fær því samanlagt um 121 þús kr. á mánuði.Húsaleiga í dag fyrir 2 ja herb íbúð  er 100-120 þús. á mánuði.Örlitlar húsaleigubætur fást upp í hana en allir sjá,að það lifir enginn mannsæmandi lífi af þessum upphæðum.Það er ekki unnt að veita sér neitt af þessum peningum. Þetta er aðeins fyrir brýnustu nauðþurftum. Þannig fer eitt ríkasta land í heimi með eldri borgara sína.En á sama tíma getur ráðherra eytt 5 milj. kr. í að skreppa á olympíuleikana.

Sá eldri borgari,sem hefur  50 þús. úr  lífeyrissjóði á mánuði er lítið betur settur en framangreindur einstaklingur.Í raun heldur þessi eldri borgari ekki nema helmingi  af þessum lífeyrissjóðstekjum,þar eð lífeyrir frá TR er skertur um 25 þús. kr. vegna þessara tekna úr lífeyrissjóði.Þá er eftir að reikna skatt,sem verður að greiða af þessum lífeyrissjóðstekjum.Sá  einhleypur eldri borgari,sem hefur 50 þús. á mánuði úr lífeyrissjóði fær 111 þús. á mánuði frá TR fyrir skatt og 105 þús. á mánuði eftir skatt. Síðan bætast tekjurnar úr lífeyrissjóðnum við. Það er naumt skammtað til eldri borgara. Og  umbætur láta á sér standa. Umbætur koma aðeins til þeirra  sem eru á vinnumarkaði en ekki til hinna,sem ekki geta unnið eða telja sig vera búna að skila nægu vinnuframlagi til þjóðfélagsins. Skilaboðin til eldri borgara eru þessi: Farið aftur út að vinna.

 

Björgvin Guðmundsson

30000 fögnuðu komu handboltastrákanna okkar

Það er ótrúleg gjöf að vera Íslendingur," sagði Ólafur Stefánsson, fyrirliði íslenska handboltalandsliðsins, þegar hann ávarpaði mannföldann á Arnarhóli nú undir kvöld. „Það eru bara 300 þúsund manns, sem hafa fengið þá gjöf."

 

Höldum áfram að breyta heiminum og virkja þá sköpunargáfu, sem býr í okkur og verum bara best," bætti landsliðsfyrirliðinn við.

Mikil stemmning var á Arnarhóli . Valgeir Guðjónsson  stýrði dagskránni og fjöldasöng. Mikill mannfjöldi var í miðbænum til að fagna landsliðinu, og áætlar lögreglan að 30 þúsund manns hið minnsta hafi komið þar saman. (mbl.is)

Það var ljóst af móttökunum,sem landsliðið   fékk,að þjóðin var virkilega stolt af frammistöðu  handboltaliðsins og vildi sýna það.

Björgvin Guðmundsson

Ótrúleg gjöf að vera Íslendingur

ASÍ hefur áhyggjur af efnahagsástandinu

Alþýðusamband Ísland hefur þungar áhyggjur af stöðu efnahagsmála, að því er segir í ályktun miðstjórnarinnar í kjölfar verðbólgumælingar Hagstofunnar. Verðbólga hefur ekki verið hærri í tæpa tvo áratugi, en hún mælist nú 14,5%

Þá segir ASÍ mikil vonbrigði að opinberir aðilar skuli hækka gjaldskrár sínar og kynda þannig enn undir verðbólguna. Gerð er krafa um að ríki og sveitarfélög haldi núna aftur af gjaldskrárhækkunum sínum. Nú sé nauðsynlegt að allir axli ábyrgð á verbólguvandanum.

Í ályktuninni kemur einnig fram að forsendur kjarasamninga séu brostnar enda hafi þar verið gert ráð fyrir að böndum yrði komið á verðbólguna og kaupmáttur yrði varinn. Kaupmáttur dragist hinsvegar hratt saman og fjölskyldur standi frammi fyrir miklum vanda.

Miðstjórn ASÍ kallar enn eftir samstarfi ríkisstjórnar, verkalýðshreyfingar og atvinnurekenda, en segir undirtektir ríkisstjórnar hafa valdið vonbrigðum. „Við höfum ítrekað kallað eftir samráði í vor og í sumar, sem byggist þá á því að menn setjist saman yfir viðfangsefnið og leiti lausna. Okkar reynsla er sú að það hafi oft skilað góðum og raunhæfum tillögum sem gengið hafa eftir,“ segir Grétar Þorsteinsson forseti ASÍ.(mbl.is)

Eðlilegt er,að ASÍ hafi áhyggjur af efnahagsástandinu.Forsendur  kjarasamninga eru brostnar  og ríkisstjórnin gerir ekkert til þess að hamla gegn verðbólgunni.Gjaldskrárhækkanir eru miklar en stöðva mætti slíkar hækkanir.Kjör launþega versna nú stöðugt  vegna verðbólgunnar.Það verður strax að gera einhverjar ráðstafanir.Það þolir enga bið.

 

Björgvin Guðmundsson

Orður og titlar,úrelt þing

Forseti Íslands hefur ákveðið að sæma alla liðsmenn handboltaliðsins,íslenska,fálkaorðunni og fyrirliðann stórriddarakrossi.Er þetta ekki  of í lagt? Er ekki nóg að taka myndarlega á móti liðinu við heimkomuna eins og um þjóðhátíð sé að ræða og  gefa Handknattleikssambandinu 50 millj. kr.Það eitt að íslenska liðið skyldi fá silfurverðlaun á Olympíuleikunum og lenda í 2.sæti er mikill heiður fyrir liðið og íslenska þjóðin er mjög stolt af frammistöðu liðsins. En ef fara á út á þá braut að sæma alla íþróttamenn sem skara fram úr heiðursmerki  er nokkuð langt gengið. Íslenskir íþróttamenn hafa áður komist á verðlaunapall án þess að fá fálkaorðuna,t.d. á olympíuleikum fatlaðra. Íslenskir kvikmyndagerðarmenn hafa einnig skarað fram úr á erlendum vettvangi og hlotið fyrstu verðlaun á kvikmyndahátíðum. Íslenskir tónlistarmenn hafa einnig gert það gott á erlendum vettvangi svo og íslenskir rithöfundar.Eiga   allir að fá fálkaorðuna? Þetta er komið út í öfgar. Annað hvort er að láta strangar reglur gilda um orðuveitingar eða að  leggja orðuveitingar niður.

 

Björgvin Guðmundsson 

Ríkisstjórnin verður að taka í taumana

Í stjórnarsáttmála ríkisstjórnarinnar segir svo m.a.:

Eitt brýnasta verkefni nýrrar ríkisstjórnar er að tryggja stöðugleika í efnahagslífinu í þágu heimila og atvinnulífs. Markmið hagstjórnarinnar er að tryggja lága verðbólgu, lágt vaxtastig, betra jafnvægi í utanríkisviðskiptum, jafnan og öflugan hagvöxt og áframhaldandi trausta stöðu ríkissjóðs. 

Því miður hefur ekki tekist að tryggja lága verðbólgu og lágt vaxtastig. Ríkisstjórnin treystir á, að ástandið lagist af sjálfu sér, eða að markaðurinn lagi ástandið. En það er ekki unnt að treysta á það. Ríkisstjórnin verður að gripa inn í og " beita handafli". Þetta gerði mesta auðvaldskerfi heimsins Bandaríkin,miðstöð hins frjálsa markaðar. Ísland  verður einnig að taka í taumana. Við getum ekki látið verðbólguna æða áfram lengur og ekki gengur að láta vextina haldast áfram í hæstu hæðum. Þeir verða að lækka.Ríkisstjórnin getu gert margt til þess að lækka verðbólguna.Hún getur lækkað bensíngjaldið,lækkað tolla af innfluttum landbúnðarvörum o.fl.o.fl.

 

Björgvin Guðmundsson