Aldraðir og öryrkjar þurfa kjarabætur strax!

Ríkisstjórn Katrínar Jakobsdóttir hefur þá stefnu,að athuga eigi kjör þeirra,sem verst eru staddir, í vor.Það er of seint.Það verður að gerast strax.Þú biður ekki þá,sem hafa hungurlús til þess að lifa af, að bíða.Lífeyrir þeirra aldraðra og öryrkja,sem eingöngu hafa tekjur frá almannatryggingum er svo lágur,að enginn leið er að lifa af honum.Ríkisstjórninni ber skylda til þess að leiðrétta hann strax; ekki í vor.Sama er að segja um stefnu ríkisstjórnarinnar varðandi fátæk börn.Ríkisstjórnin ætlar að setja það mál í nefnd!!Það er fáheyrt.Þú setur ekki mál þeirra,sem hafa ekki nóg að borða,í nefnd.Þú leysir það mál strax.

Það á strax að hækka lífeyri aldraðra og öryrkja í 325 þúsund kr á mánuði eftir skatt hjá einstaklingum (420 þúsund  á mánuði fyrir skatt)Með því að þingið er ekki að störfum verður að gefa út bráðabirgalög.Þetta mál þolir enga bið.

 

Björgvin Guðmundsson

VG kaus að verðlauna Sjálfstæðisflokkinn þrátt fyrir aðild þess flokks að hneykslismálum

Stöð 2 valdi í dag Me too (ég líka) hreyfinguna mann ársins. Var þetta tilkynnt í Kryddsíld í dag og fulltrúar Me too á Íslandi voru mættir þar til þess að taka við viðurkenningunni.Þessir fulltrúar voru frumkvöðlar hreyfingarinnar á Íslandi.Á stuttum tíma voru dregin fram dæmi um kynferðislega áreitni á Íslandi og jafnframt dæmi um kynferðislegt ofbeldi.Dómsmálaráðherra ríkisstjórnar Bjarna Benediktssonar veitti dæmdum barnaníðingi uppreist æru.Mikil leyndarhyggja var í kringum það mál og hliðstætt mál.Þessi mál drógu dilk á eftir sér og leiddu til þess að Björt framtíð sleit stjórnarsamstarfinu.Eðlilegt hefði verið,að Sjálfstæðisflokkurinn hefði verið utan stjórnar um skeið eftir aðild að framangreindum hneykslismálum.VG leit ekki svo á.Flokkurinn kaus að verðlauna Sjálfstæðisflokkinn með því að halda honum í stjórn.

Björgvin Guðmundsson

Engin stefnumál VG náð fram að ganga!

 

 

 

VG hefur ekki náð neinum stefnumálum sínum fram í samstarfinu við íhald og framsókn,ekki í hefðbundnum stjórnmálum.Ekki hefur verið samþykkt að bæta kjör aldrara og öryrkja eða láglaunafólks eða annarra sem minna mega sín.Stefnan er óbreytt eins og hún var í síðustu stjórn og þar síðustu en íhaldið réði mestu í þeim báðum.Andres Ingi Jónsson þingmaður VG sagði,þegar hann ákvað að styðja ekki opinberar stjórnarmyndunarviðræður við íhald og framsókn og heldur ekki stjórnarsáttmálann,að hann sæi engin merki VG á samstarfinu.Í stjórnarsáttmálanum er ekkert tekið á fátæktinni í landinu. Málð er sett í nefnd!.Þegar Katrin Jakobsdóttir var spurð að því á alþingi hvort ríkisstjórnin ætlaði að gera eitthvað til þess að bæta hag þeirra,sem minnst mega sín sagði hún,að það yrði athugað í vor í tengslum við fjármálaáætlun!.Bjarni Ben hefði svarað þessu nákvæmlega eins.- Fjárlög fyrir 2018 voru samþykkt á miðnætti sl. .Allar breytingatillögur minnihlutans voru felldar þrátt fyrir orð um að bæta ætti vinnubrögð á alþingi og taka upp samstarf við minnihlutann.Það reyndist marklaust hjal.VG er komin í vist hjá íhaldinu.Flokkurinn,sem einu sinni var sósalistiskur vinstri flokkur er nú litlaus miðjuflokkur,nokkurs konar framsóknarflokkur.Það voru íhaldsfjártlög,sem samþykkt voru í nótt.Ekkert var í .þeim til hagsbóta fyrir þá,sem verst eru staddir,ekkert til þess að auka jöfnuð í þjóðfélaginu

 

Björgvin Guðmundsson.

 

Lög brotin á öldruðum og öryrkjum 2015; lög brotin á þeim nú!

Margir undrast það hve mikill munur er á launahækkunum,sem kjararáð úrskurðar og þeim sem eru ákveðnar á grundvelli 69.gr. laga um almannatryggingar.Kjararáð hefur verið að úrskurða margra tuga prósenta hækkanir fyrir embættismenn,stjórnmálamenn,dómara o.fl. en ríkisvaldið hefur á sama tíma ákveðið innan við 10% hækkun á lífeyri aldraðra og öryrkja,t.d. nú 4,7% hækkun.Hækkanir,sem kjararáð ákveður eru oftast afturvirkar í langan tíma en hækkanir á lífeyri aldraðra og öryrkja eru aldrei afturvirkar; heldur þarf fremur að bíða nokkurn tíma eftir þeim hækkunum.Athugun leiðir í ljós,að þessi mismunun,þetta misrétti er ekki nýtt af nálinni. Til dæmis var þetta einnig á þennan hátt 2015,þegar nær öll stéttarfélög landsins sömdu um miklar launahækkannir.Þá hækkaði lífeyrir aldraðra og öryrkja um 3% í janúar það ár og ekki meira á árinu; lágarkslaun hækkuðu um 14,5% í mai 2015.Ýmsar aðrar stéttir sömdu um miklu meiri hækkanir,t.d. framhaldsskólakennarar um 44% á 3 árum,grunnskólakennarar um 33% á 3 árum og 11% til viðbótar gegn afsali kennsluafsláttar;nýlæknar sömdu um 25% hækkun og aðrir læknar um 40%,hjúkrunarfræðingar sömdu um 23,9% á 4 árum,  BHM fékk 13% a 2 árum og Mjólkurfræðingar 18% hækkun svo helstu stéttarfélgin séu nefnd.En aldraðir og öryrkjar fengu ekki frekari hækkun á árinu þrátt fyrir lagaákvæðið um  að lífeyrir ætt að hækka í samræmi við launaþróun. Lífeyrir var næst hækkaður í janúar 2016 um 9,7% en um svipað leyti voru lágmarkslaun hækkuð á ný um 9,2%.Þarna var því í gangi gróf mismunun og misrétti eins og nú.Það var verið að brjóta lög á öldruðum ög öryrkjum 2015  og það er verið að bjóta lög á þeim nú.

 

Björgvin Guðmundsson

www.gudmundsson.net

Er 242 þúsund á mánuði eftir skatt nóg fyrir eldri borgara?

Lágmarkslaun verkafólks eiga á næsta ári að hækka í 300 þúsund á mánuði fyrir skatt hjá einstaklingi.Það eru 242 þúsund eftir skatt.5% verkafólks eru á þessum taxta.Lífeyrir einhleypra aldraðra og öryrkja á að hækka í það sama.Þetta var ákveðið 2016.Er þetta ekki mikil hækkun? Nei þessi hungurlús breytir engu.Lífeyrir eftir skatt hækkar um 12 þúsund kr,úr 230 þúsund í 242 þúsund á mánuði eftir skatt hjá einstaklingi.Þetta er eftir sem áður við fátæktarmörk.

 

Björgvin Guðmundsson

Jól

Gleðileg jól. Jólin eiga alltaf jafnmikið erindi til okkar mannanna eins og í upphafi.Kærleiksboðskapur jólanna á erindi til okkar.

Ég átti þess kost að fara til Betlehem,fæðingarbæjar frelsarans, fyrir 49 árum.Það var áhrifaríkt.Ég fór einnig í sömu ferð til Nasaret og Jerusalem.Ég var í Jerusalem á föstudaginn langa og gékk þann dag eftir Via Delarosa að Golgata,þar sem Kristur var krossfestur.Mikill fjöldi fólks gékk þann dag upp á Golgata og flestir báru krossa eins og Kristur.Allt hafði þetta mikil áhrif á mig.

 Sá skuggi hvílir yfir jólunum hér nú,að í miðju góðæri er hópur fólks,sem ekki getur haldið áhyggjulaus jól.Þar er um að ræða fátæk börn og foreldra þeirra,lægst launaða verkafólk og aldraða og öryrkja,sem eingöngu hafa tekjur frá almannatryggingum.Barnafátækt á Íslandi er blettur á íslensku samfélagi en því miður hafa stjórnvöld ekkert gert í því máli enn.Lægsti lífeyrir aldraðra og öryrkja dugar ekki til framfærslu.Aldraðir í hjónabandi eða sambúð hafa aðeins 197 þúsund kr í lífeyri frá TR eftir skatt.Það lifir enginn af þvi.Einhleypir aldraðir hafa örlítið hærra en hvergi nærri nóg til framfærslu.Sömu kjör hafa lægst launuðu verkamenn.Ég átti von á því,að ný ríkisstjórn mundi bæta kjör þeirra,sem verst eru staddir,í jólámánuðinum.En svo varð ekki.Þeir fengu ekki eina krónu.

Björgvin Guðmundsson

www.gudmundsson.net

 

 

Kjör stjórnmálamanna og embættismanna "leiðrétt" en ekki kjör aldraðra og öryrkja

Það hefur verið gagnrýnt harðlega undanfarið hvað kjararáð hefur úrskurðað miklar launahækkanir til þingmanna,ráðherra,dómara og embættismanna.Brynjar Nielsson þingmaður tók til varna fyrir kjararáð og sagði,að kjararáð færi eftir lögum og úrskurðaði launahækkanir í  samræmi við launaþróun en tæki einnig tillit til þess að laun þessara aðila hefðu verið fryst og lækkuð.Þessar skýringar hafa heyrst áður. En aldraðir og öryrkjar sættu einnig frystingu á sínum lífeyri og lækkun á kreppuárunum.Þeir hafa ekki fengið neina leiðréttingu á sínum kjörum eins og  framangreindar stéttir.Ríkisstjórn Framsóknarflokksins og Sjálfstæðisflokksins ákvað að lífeyrir einhleypra aldraðra og öryrkja skyldi hækka um 4,7% um næstu áramót til samræmis við hækkun lágmarkslauna verkafólks á árinu 2018.Með því að hækka um þá hungurlús verður lífeyri aldraðra og öryrkja áfram haldið við fátæktarmörk eins og lágmarkslaunum,sem 5% verkafólks er á.Vinstri grænir,sem komnir eru í stjórnina með gömlu íhaldsflokkunum tveimur, hafa ekki breytt neitt þessari gömlu ákvörðun um  4,7% hækkun lífeyris.VG hækkaði ekkert lífeyri í jólamánuðinum og lætur íhald og framsókn ráða hækkuninni 1.janúar n.k. Hungurlúsin á að duga.

Björgvin Guðmundsson

Dýrkeyptur hégómi

 

Vinstri grænir samþykktu á flokksþingi sínu 2016, að þeir vildu fá forsætisráðherrann eftir  þingkosningar 2017.Þetta var orðað svo,að Vinstri græn væru tilbúin að leiða ríkisstjórn um uppbyggingu mikilvægra málefna.Óvenjuleg samþykkt. Í framhaldi vakti það athygli,þegar kosningabaráttan byrjaði 2017, að þá gagnrýndi VG ekkert Sjálfstæðisflokkinn. Þegar fréttamenn spurðu Katrínu Jakobsdóttur í kosningabaráttunni hvort VG gæti hugsað sér stjórnarsamstarf við Sjálfstæðisflokkinn svaraði Katrín alltaf: Við útilokum ekki samstarf við neinn flokk.Þetta var nokkuð annað svar en gefið hafði verið ári áður en þá sagði Katrín : Það er lengst á milli VG og Sjálfstæðisflokksins og því ólíklegt að þeir flokkar nái saman. Bónorðsbréf til Sjálfstæðisflokksins var samið á flokksþingi VG 2016.

 Eftir kosningarnar 2017 sagðist Katrín Jakobsdóttir vilja reyna fyrst viðræður fyrrum stjórnarandstöðuflokka um stjórnarmyndun.Slíkar viðræður byrjuðu áður en Katrín fékk formlegt umboð frá forseta Íslands. Síðan fékk Katrín  umboð.Viðræðurnar gengu vel.Málefnaágreiningur var enginn.Áður en viðræðurnar byrjuðu lét Sigurður Ingi formaður Framsóknar orð falla um , að meirihluti þessara flokka væri tæpur, 32  þingmenn.Ei  að síður tók Sigurður Ingi þátt í  viðræðunum en hljóp svo  í burtu,sagði,að meirihlutinn væri of tæpur.Mönnum varð þá ljóst,að Sigurði  hafði aldrei verið alvara með þátttöku í þessum viðræðum.Hann tók aðeins þátt  til málamynda.Það sem er þó enn alvarlegra er það, að svo virðist sem Katrínu Jakobsdóttur hafi heldur ekki verið full alvara  Eftir 3-4 daga sagði hún við Loga Einarsson,formann Samfylkingarinnar: Eigum við ekki að fara athuga með Plan B. Ekki veit ég  hvað hún  hefur átt við með plani B. Mun hafa verið stjórn VG,Samfylkingar,Framsóknar,Sjálfstæðisflokksins. Lá í loftinu að Framsókn hafði meiri áhuga á stjórn með Sjálfstæðisflokknum en miðvinstri flokkum.Svo virðist sem Katrín Jakobsdóttir hafi einnig haft meiri áhuga á stjórn með Sjálfstæðisflokknum  en  miðvinstri flokkunum.Katrín sleit viðræðum um miðvinstri stjórn eftir 4 daga en viðræður um stjórn með Sjálfstæðisflokknum stóðu í hálfan mánuð.Það var engnn alvöru áhugi á miðvinstri stjórn,ekki rétt,að fullreynt hafi verið að mynda miðvinstri stjórn. Var aldrei reynt að styrkja slíka stjórn með Viðreisn og Flokki fólksins.Það var mögulegt og þá hefði Framsókn ekki þurft  að vera með.

Það er einhver vantmetakennt ríkjandi hjá Framsókn og Vinstri grænum gagnvart Sjálfstæðisflokknum.VG og Framsókn;  vilja  láta Sjálfstæðisflokkinn  hindra framgang sinna stefnumála, ekki nota styrk sinn í miðvinstri stjórn og framkvæma sín stefnumál. Dæmi: VG lagði til í viðræðum við Sjálfstæðisflokk að fjármagsntekjuskattur yrði hækkaður í  30 % Sjálfstæðisfl samþykkti 2 prósentustiga hækkun.Skipti engu máli. Í miðvinstri stjórn hefði  30%  verið samþykkt.Sama er að segja um hátekjuskatt.Miðvinstri stjórn hefði samþykkt hann.Miðvinstri stjórn hefði einnig getað ákveðið  auðlegðarskatt. Sennilega hefðu bæði VG og Framsókn getað samþykkt einhverja hækkun á veiðigjaldi en Sjálfstæðisflokkurinn kemur í veg fyrir slíka hækkun. MÖO: Miðvinstri stjórn hefði geta tekið  peninga þar sem þá er að finna,aukið tekjujöfnuð.. VG vill  auka tekjujöfnuð  og sennilega vill Framsókn það líka en einhver vantmetakennd heldur aftur af þessum flokkum.Þeir telja,að  þeir verði að hafa Sjálstæðisflokkinn eins og einhvern stóra bróður eða stóra pabba með sér. 

  VG ætlaði aldrei ætlað  að mynda neina miðvinstri stjórn.Allt frá  samþykkt var á flokksþingi að VG vildi leiða stjórn,var stefnan tekin á samstarf við Sjálfstæðisflokkinn. Viðræður við aðra flokka  áður voru til málamynda.Margar ástæður eru fyrir því,að VG hefur  mikinn áhuga á  að fá forsætisráðherra,meiri áhuga á því en að koma fram stefnumálum sínum.Þetta var alltaf draumur leiðtoga Alþýðubandalagsins og Sósialista. En þegar formenn Alþýðubandalagsins fengu umboð til stjórnarmyndunar á árum áður var alltaf tekið fram,að þeir fengju ekki forsætisráðherrann; hann félli ekki í hlut kommúnista eða sósialista.Katrin ætlar ef til vill að sýna,að „ sósialisti“ geti orðið forsætisráðherra.  Þetta er dýrkeyptur hégómi.Til  að fá þessum metnaði, hégóma, fullnægt verður VG að fórna mörgum stefnumálum og ráðuneytum; Sjálfstæðisflokkurinn  fær 5 ráðuneyti, valdamesta ráðuneytið,fjármálaráðuneytið. VG fær  2 fagráðuneyti og forsætisráðuneytið,sem er valdalaust. Forsætisráðherra er aðeins fundarstjóri ríkisstjórnarinnar .Það hefur sýnt sig áður að þegar ekki fylgir nægur þingstyrkur forsætisráðueyti er embættið alveg valdalaust.Framsóknarflokkurinn fékk forsætisráuneytið 2004 þó flokkurinn væri miklu minni en Sjálfstæðisflokkurinn.Halldór Ásgrímsson varð þá forsætisráðherra en það varð honum  ekki til góðs.Framsókn tapaði miklu fylgi í sveitarstjórnarkosningum á eftir. Halldór Ásgrímsson varð að láta af störfum sem formaður Framsóknar  í kjölfarið. Hégóminn reyndist dýrkeyptur.

Björgvin Guðmundsson

 

Birt í Mbl.20.desember 2017

 

VG í álögum.Eins og flokkurinn hafi gengið í björg!

Ég hlustaði á Katrínu Jakobsdóttur svara sinni fyrstu óundirbúnu fyrirspurn á þingi í gær sem forsætisráðherra.Logi Einarsson formaður Samfylkingarinnar spurði hana hvort gera ættu strax einhverjar ráðstafanir til þess að leysa bráðavanda þeirra,sem verst væru staddir,aldraðra,öryrkja og þeirra lægst launuðu.Ég ætlaði ekki að trúa mínum eigin eyrum,þegar ég hlustaði á svarið.Það var eins og Bjarni Ben væri að svara.Það var enginn munur á.Hún svaraði nákvæmlega eins og íhaldið.Það er eins og VG hafi gengið í björg, sé í álögum ( það er sá tími!) Hún sagði eitthvað á þessa leið: Við athugum þetta í vor í tengslum við fjármálaáætlun.Merkilegt,að hún sagðist ekki ætla að athuga þetta næsta ár.Bjarni mun brosa í kampinn.Hann hefði ekki svarað þessu betur sjálfur!

Björgvin Guðmundsson

Allir flokkar neikvæðir gagnvart öldruðum

 

 

 

Ég hef unnið að málefnum eldri borgara í 14 ár.Ég lét af störfum fyrir 15 árum fyrir aldurs sakir og hef mestallan  tímann síðan unnið að málefnum eldri borgara, í stjórn Félags eldri borgara í Reykjavík, sem formaður kjaranefndar Félags eldri borgara í Rvk og með því að skrifa greinar í dagblöðin um málefni aldraðra.Ég hef nokkuð góða yfirsýn yfir þennan málaflokk og tel mig hafa þokkalega þekkingu á honum. Því miður er dómur minn sá, að allir stjórnmálaflokkar hafa brugðist eldri borgurum.Það er alveg sama hvaða stjórnmálaflokkar hafa verið við  völd; þeir hafa allir  hundsað  aldraða. Ástæðan er sérstakt rannsóknarefni. Hún er óskiljanleg.Það er hins vegar misjafnt hvað stjórnvöld þykjast gera mikið fyrir eldri borgara.Sumar ríkisstjórnir berja sér á brjóst og látast vera að vinna mikil afrek fyrir aldraða.En yfirleitt  er engin innistæða fyrir þeirri afrekaskrá.Eldri borgarar vona alltaf, að breyting verði á og einstaka sinnum láta ráðamenn einhverja mola falla af borðum til aldraðra. En það hvarflar ekki að ráðamönnum að  taka sér tak í þessum málaflokki og gerbreyta um stefnu, lyfta kjörum aldraðra svo myndarlega upp, að eldri borgarar geti  lifað með reisn síðasta æviskeið sitt. 

Ný stjórn eins og eldri stjórnir 

Ný ríkisstjórn, sem var að taka við völdum, er ekki frábrugðin fyrri stjórnum í þessu efni.Hún fetar troðnar slóðir; gerir ekkert fyrir eldri borgara. Það eina bitastæða, sem mátti sjá í stjórnarsáttmálanum varðandi eldri borgara, var það, að  þeir mættu vinna örlítið lengur en áður án þess að tryggingalífeyrir þeirra yrði skertur.Rétt eins og aldraðir,sem búnir eru að vera á vinnumarkaði alla sína starfsævi, vilji helst fá að vinna meira, þegar þeir eru komnir á eftirlaunaaldur.Fyrsta krafan er að sjálfsögðu sú, að eldri borgarar geti lifað af lífeyri sínum án  þess að vera á vinnumarkaðnum.En það er engin leið að gera það í dag.197 þús kr eftir skatt hafa eldri borgarar, sem eru í sambúð eða hjónabandi; eftir skatt,þeir,sem eingöngu hafa tekjur  frá TR.Þannig  er þetta í  miðju góðærinu.Og það skiptir engu þó Félag eldri borgara hafi sagt frá því, að dæmi væru um að eldri borgarar hringdu til félagsins og segðu, að þeir ættu ekki fyrir mat.Samt gera stjórnvöld ekkert; samt lætur ný stjórn málið vera. Það breytir engu þó vinstri græn séu komin í stjórnina. Það hefði átt að laga kjör aldraðra og öryrkja á fyrsta degi  ríkisstjórnarinnar með útgafu bráðabirgðalaga.Nei það datt ekki nýjum ráðamönnum i hug.En þeir hefðu gert það, ef banna hefi þurft verkfall. Þá hefði ekki staðið á því að gefa út bráðabirgðalög. 

Nú hefur fjárlagafrumvarp nýju ríkisstjórnarinnar verið lagt fram.Ekki ber það þess merki, að vinstri flokkur sé kominn í stjórnina.Frumvarpið hefði sennilega verið alveg eins þó íhaldið og framsókn ein hefðu lagt það fram.Alla vega  er frumvarpið mjög svipað frumvarpinu, sem Benedikt Jóhannesson lagði fram; örlítið meiri framlög til heilbrigðismála og menntamála en lítil framlög til barnafólks,svo sem í barnabætur og til færðingarorlofs og húsnæðismálin  alveg útundan. Ekkert er lagt til útrýmingar á fátækt eða til annarra mála, sem flokkast geta undir félagshyggju.Hálfur milljarður í niðurgreiðslu á tannlæknakostnaði á miðju næsta ári,  sem  átti að koma fyrir 8-10 árum er ræfilslegt framlag; Kristján Þór Júliusson lofaði sem heilbrigðisráðherra 800 millj í þennan málaflokk sl haust  en það var svikið.Nú segist ríkisstjórnin ætla að lækka tannlæknakostnað  aldraðra  en eftir er að sjá hvort betur verður staðið við það en loforðið sem fyrri ríkisstjórn gaf. 

Ekkert gert heldur fyrir öryrkja 

Ég reiknaði með því, að ríkisstjórnin mundi gera eitthvað fyrir öryrkja í jólamánuðinum enda þótt lífeyrir aldraðra væri ekki hækkaður um eina krónu fyrir jólin.En því miður; svo varð ekki.Öryrkjar fengu  ekki heldur  neinar kjarabætur í jólamánuðinum.Öryrkjar hafa verið  enn verr staddir en aldraðir frá því ný lög um almannnatryggingar voru sett 1.anúar sl. Með nýju lögunum var krónu móti krónu skerðingin afnumin hjá eldri borgurum en hún var látin haldast hjá öryrkjum.Það þýddi, að ef öryrki vann sér inn nokkrar krónur, til dæmis 40 þúsund kr, var jafnhá upphæð dregin af lífeyri öryrkjans,framfærsluviðmiðinu.Öryrkinn stóð því í sömu sporum á eftir eins og hann hefði ekki unnið fyrir neinu.Þetta var forkastanlegt.Þetta var refsiaðgerð, sem ríkisstjórn Sigurðar Inga og Bjarna Ben greip til gegn  öryrkjum.Ég hefði haldið, að Vinstri græn mundu leiðrétta þennan ósóma strax fyrir jól  og  hækka lífeyrinn eitthvað í leiðinni, þar eð hann er svo lágur, að enginn leið er að lifa af honum.Þetta gildir bæði fyrir aldraða og öryrkja, sem eingöngu hafa tekjur fra almannatryggingum.Nýr félagsmálaráðherra, Ásmundur Einar Daðason, átti fund með fulltrúum Öryrkjabandalagsins og talaði þar fallega við þá um að hann ætlaði að bæta kjör þeirra og aðstöðu.Fulltrúar Öbi fóru fullir bjarsýni frá ráðherra en vonbrigði þeirra voru mikil, þegar þeir sáu fjárlagafrumvarpið og engar kjarabætur var að finna þar þeim til handa í jólamánuðinum.Því miður ætla Vinstr grænir að staðfesta kenningu mína um, að það sé alveg sama hvaða flokkur sé í stjórn: Þeir hundsa allir eldri borgara og raunar öryrkja einnig.

 Björgvin Guðmundsson

Fréttablaðið 19.desember 2017