"Kjarabætur" lífeyrisfólks: Of seint og of lítið!

 

Ný ríkisstjórn þarf að gerbreyta stefnunni í málefnum aldraðra og öryrkja. Stefnan hefur brugðist öldruðum og öryrkjum.Einkenni stefnunnar hefur verið þetta: Of seint og of lítið.Í hvert sinn,sem almennar launahækkanir hafa orðið í þjóðfélaginu hefur lífeyrir verið hækkaður miklu minna en launin og miklu seinna.Engin viðhlýtandi skýring heftur fengist á þessu háttalagi stjórnvalda.Helst hefur verið nefnd sú skýring,að bíða hafi þurft eftir afgreiðslu fjárlaga.En sú skýring stenst ekki. Lífeyrir aldraðra og öryrkja hefur verið skertur á miðju ári og eins er unnt að hækka lífeyri á miðju ári. En auk þess hafa fjölmargar stéttir opinberra starfsmanna fengið hækkanir á miðju ári og það gengur ekki að mismuna í þessu efni.Það er mannréttindabrot.

 Um langt skeið hefur staðan verið sú,að lífeyrir aldraðra og öryrkja hefur verið svo naumt skammtaður,að hann hefur ekki dugað fyrir framfærsu.Það þýðir,að þeir lífeyrisþegar sem  einungis hafa lífeyri frá almannatryggingum, komast ekki af án annarrar aðstoðar. Þannig hefur ástandið verið mörg undanfarin ár. Mannréttindi hafa því verið brotin. Stjórnarskrárin,67.greinin,brotin.Þetta hefur verið blettur á islensku samfélagi. Og það er tímabært að stefnunni verði breytt og tekin upp gerbreytt stefna sem tryggir öllum mannsæmandi kjör og ekki aðeins rétt til að komast af heldur tryggi ,að aldraðir og öryrkjar geti lifað með reisn.

Þó lífeyrir hafi verið hækkaður 1.janúar sl  lítillega og eigi að hækka á ný um hungurlús 1.janúar 2017 verður lífeyrir einhleypra eldri borgara aðeins 195 þúsund kr á mánuði eftir skatt frá 1.janúar n.k. Það dugar ekki fyrir framfærslukostnaði.Hvernig má það vera,að ríkisvaldið  skammti eldri borgurum 195 þúsund kr á mánuði eftir skatt frá jan.n.k.þ.e. að upphæðin sé ekki hærri þrátt fyrir tvær hækkanir nýlega.Lífeyrir hækkar um 10 þús krónur á mánuði um áramót. .En laun ráðherra hækka um 500 þús  á mánuði og laun þingmanna hækka um  340 þúsund kr á mánuði fyrir skatt.Er þetta haft svona til þess að halda eldri borgurum áfram við hungurmörk,þeim sem aðeis hafa lífeyri frá almannatryggingum. Eldri borgarar fá 10 þús kr hækkun en ráðherrar fá 500 þús kr hækkun eða  50 sinnum meiri hækkun. Er þetta velferðarríkið Ísland, sem státar af jafnrétti.Þetta undirstrikar misrétti og ójöfnuð.Þetta er til skammar fyrir Ísland.

Björgvin Guðmundsson

Skerðingar verði afnumdar.Við eigum lífeyrinn i lífeyrissjóðunum!

Stefna Félags eldri borgara í Reykjavík er sú,að skerðingar lífeyris almannatrygginga vegna greiðslna úr lífeyrissjóði verði afnumdar.Félagið í Reykjavik er langstærsta félag eldri  borgara á landinu og hefur alltaf verið mótandi í kjaramálum eldri borgara.Félagið hefur sömu stefnu varðandi skerðingar og Bjarni Benediktsson formaður Sjálfstæðisflokksins hafði fyrir kosningarnar 2013 þegar hann lofaði að afnema allar tekjutengingar.Hann sveik loforðið.Þegar hann gaf loforðið hafði hann engar áhyggjur af því,að efndir á loforðinu kostuðu mikið.

Víst er það dýrt að afnema skerðingar vegna greiðslna úr lífeyrissjóði.En ríkið er líka  búið að spara sér gífurlegar fjárhæðir með því að seilast óbeint árum saman í lífeyri eldri borgara.Ég reikna ekki með að eldri borgarar láti rikið greiða til baka en við þurfum ekki að hafa samviskubit af því að stöðva skerðingarnar.Ríkið  skuldar einnig eldri borgurum og öryrkjum stórar fjárhæðir vegna fyrirheita sem stjórnvöld gáfu eldri borgurum og öryrkjum og stóðu ekki við.Stjórnvöld skáru á sjálfvirk tengsl milli lífeyris og vikukaups verkafólks 1995 og lofuðu því um leið,að breytingin mundi ekki valda lífeyrisþegum neinu tjóni.En 2006 var reiknað út,að þessi breyting hefði þá verið búin að skaða lífeyrisþega um 40 milljarða.Talið er,að skaðinn síðan sé annar eins.Þetta tjón stendur vel og rúmlega það undir kostnaði við að afnema skerðingarnar.

Þá sviku Sjálfstæðisflokkur og Framsóknarflokkur það loforð,sem þeir gáfu lífeyrisþegum fyrir kosningar 2013 að leiðrétta lífeyri vegna kjaragliðnunar krepputímans.Þau svik hafa kostað lífeyrisþega marga tugmilljarða.Aldraðir og öryrkjar eiga því kostnað við afnám skerðinga margfaldan inni hjá ríkinu.

Lífeyrisþegar geta ekki leyft ríkinu lengur að skerða lífeyri almannatrygginga  vegna lífeyrissjóðanna eins og  ríkið eigi lífeyri okkar í lífeyrissjóðunum. Eldri borgarar eiga lífeyrinn og vilja fá að njóta hans að fullu á eftirlaunaárunum.

Þegar lífeyrissjóðirnir voru stofnaðir var sagt,að þeir ættu að  vera  viðbót við almannatryggingar.Það á að standa.Annað eru svik. Það er komið nóg að svikum við aldraða og öryrkja og mál að linni.

Björgvin Guðmundsson

Bæta þarf kjör aldraðra og öryrkja miklu meira en um þá hungurlús,sem taka á gildi næsta ár

 

Ný ríkisstjórn fær meðal annars það verkefni að bæta kjör aldraðra og öryrkja í samræmi  við það,sem kjósendum var lofað í kosningunum.Ég reikna ekki með,að ný stjórn hafi það eins og frá farandi stjórn að lofa öldruðum og öryrkjum miklum kjarabótum og svíkja það síðan.Sjálfstæðisflokkurnn og Framsóknarflokkurinn gáfu öldruðum og öryrkjum stór kosningaloforð fyrir kosningarnar 2013 og  þau voru svikin.Sjálfstæðisflokkurinn lofaði á landsfundi sínum 2013 að leiðrétta lífeyri vegna kjaragliðnunar krepputimans,2009-2013,sagði,að lífeyrir yrði leiðréttur strax til samræmis við hækkanir lægstu launa.Þetta var svikið.Framsóknarflokkurinn samþykkti á sínu flokksþingi að lífeyrir aldraðra og öryrkja yrði leiðréttur vegna kjaragliðnunar (kjaraskerðingar) krepputímans.Það var svikið. Formaður Sjálfstæðisflokksins,Bjarni Benediktsson,lofaði í bréfi til eldri borgara,að  afnema tekjutengingu við lífeyri TR vegna tekna eldri  borgara. Útreikningur grunnlífeyris,sem allir höfðu fengið fyrir 2009, var leiðréttur þannig, að þeir,sem höfðu háan lífeyri úr lífeyrissjóðum,fengju hann á ný, en að öðru leyti var þetta loforð svikð.

Á síðasta degi þingsins fyrir kosningar afgreiddi fráfarandi ríkisstjórn örlitla hækkun á lífeyri aldraðra og öryrkja ( hungurlús) og dró nokkuð úr skerðingum. Ekki er farið að greiða öldruðum og öryrkjum eina krónu af þessari hækkun. Þeir fá enga hækkun fyrr en 1.janúar 2017.Það er ekki hafður sami háttur á eins og gagnvart ráðherrum og þingmönnum við afgreiðslu launahækkana.Kjararáð afgreiddi kauphækkun til ráðherra og þingmanna,35% til ráðherra og 45% til þingmanna.Þurftu ráðherrar og þingmenn ekki að bíða eftir launahækkuninni til  1.janúar 2017 eins og lífeyrisþegar? Er ekki jafnræði samkvæmt stjórnarskránni.Eiga ekki allir að sitja við sama borð? Nei ekki aldeilis.Þingmenn fengu sína hækkun strax,meira að segja áður en þeir mæta í vinnunni og ráðherrar fengu sina hækkun líka strax.Það þurfti ekki að bíða eftir afgreiðslu fjárlaga.Þetta er gróf mismunun.Það eru nógir peningar til þegar hækka þarf laun ráðherra,þingmanna og æðstu embættismanna.Lífeyrir aldraðra,sem eru i hjónabandi eða sambúð á að hækka um 10 þúsund kr  á mánuði eftir skatt á næsta ári,fara í 195 þúsund á mánuði og hjá einhleypum á að hækka í 227 þúsund kr á mánuði eftir skatt eða um 20 þúsund kr.Þetta er alger hungurlús og munar litlu sem engu.Vissir þingmenn geta hins vegar hækkað í 2 milljónir  á mánuð og ráðherrar fá einnig svimandi hækkanir.Það er ljóst,að það búa tvær þjóðir í þessu landi.Þingfararkaup hækkar um 338 þús kr á mánuði en síðan er greitt sérstaklega fyrir formennsku i nefndum,fyrir þingflokksformennsku og formennsku i flokkum og styrkur fyrir utanbæjarþingmenn sem þurfa að sækja þing til Reykjavíkur.Fleiri sporslur finnast. Ráðherrar hækka um 488 þúsund kr en lífeyrisegar hækka sem fyrr segir á næsta ári um 10 þúsund á mánuði og upp í 27 þúsund krá mánuði.

Það verður að endurskoða þá hungurlús sem fráfarandi ríkisstjórn er að skammt lífeyrisþegum og ákveða miklu  meiri hækkun til lífeyrisþega, ef þeir eiga að komast sæmilega af. Þeir þurfa að fá a.m.k. 400 þúsund kr á mánuði fyrir skatt eins og ég hef  skrifað um áður. Það þýðir 320 þúsund eftir skatt.Það er lágmark og í samræmi við neyslukönnun hagstofunnar. Hér er átt við þá aldraða og öryrkja,sem enungis hafa lífeyri frá almannatryggingum og engan lifeyrissjoð.

 

Björgvin Guðmundsson

www.gudmundsson.net

Mannréttindi brotin á öldruðum á mörgum sviðum

Mannréttindi eru brotin á öldruðum á mörgum sviðum.Grófasta mannréttindabrotið er það að skammta öldruðum og öryrkjum einnig svo nauman lífeyri,að ekki sé unnt að framfleyta sér af honum.Það á við þá,sem einungis hafa lífeyri frá almannatryggingum.Aldraðir sæta einnig mismunun á vinnumarkaðnum og í heilbrigðiskerfinu.Ef samdráttur er á vinnumarkaðnum er öldruðum fyrst sagt upp þó þeir hafi miklu meiri reynslu en þeir yngri.Og mjög erfitt er fyrir eldri borgara, sem eru við góða heilsu að fá nýja vinnu.Mörg dæmi hafa verið nefnd þessu til staðfestingar.Þetta er mannréttindabrot.Það er óheimilt að mismuna eldri borgurum.Í heilbrigðiskerfinu er það sama upp á teningnum.Rannsóknir hafa sýnt,að eldri borgarar verða að bíða lengur eftir læknismeðferð en þeir sem yngri eru.Það er mannréttindabrot.Það eiga allir að sitja við sama borð í þessu efni.Þegar efnahagsáföll verða ( hjá þjóðfélögum) er óheimilt að færa kjör aldraðra til baka nema fyrst sé athugað hvort unnt sé að fara aðrar.Það hefur ekki verið gert hér á landi heldur talið fljótvirkast að  skerða kjör aldraðra og öryrkja strax. Það er mannréttindabrot.Og þannig mætti áfram telja.Það er stöðugt verið að brjóta mannréttindi á öldruðum og öryrkjum.Ég tel einnig,að það sé  mannréttindabrot hvernig komið er fram við aldraða og öryrkja í kjaramálum.Lífeyrisþegar eru hvað eftir annað skildir eftir þegar almennarr launahækkanir eiga sér stað. Þetta var mjög gróft á árinu 2015,þegar almennar launahækkanir áttu sér stað en aldraðir og öryrkjar voru skildir eftir.Og þetta heldur áfram 2016.Laun verkafólks hækkuðu 1.mai um 6% en lífeyrisþegar fengu enga hækkun.Loks,þegar stjórnvöld rumskuðu rétt fyrir kosningar og ákváðu smáhækkun (hungurlús) fyrir  lífeyrisþega var ákveðið,að hún tæki ekki gildi fyrr en 1.jan.2017.Samt hækkuðu þingmenn og ráðherrar tvisvar á þessu ári og háttsettir embættismenn fengu mikla hækkun á árinu sem gilti 19 mánuði til baka.Auk þess fékk verkafólk hækkun á miðju ári.Þetta er klár mismunun og mannréttindabrot.

 

Björgvin Guðmundsson

Stjórnarskráin brotin á lægst launuðu öldruðum og öryrkjum!

 

Réttur aldraðra og öryrkja til   lífeyris frá ríkinu (aðstoðar) er stjórnarskrárbundinn.Í 76.grein stjórnarskrárinnar segir svo: „Öllum,sem þess þurfa,skal tryggður í lögum réttur til aðstoðar vegna sjúkleika,örorku,elli,atvinnuleysis,örbirgðar og sambærilegra atvika.“

Hæstiréttur hefur skýrt umrædda grein á þessa leið ( Í tilefni af Öryrkjadómnum frá 2000):  „Þá var talið að skýra bæri 76.gr. stjórnarskrárinnar til samræmis við alþjóðasamninga,sem ríkið hefur staðfest þannig að skylt væri að tryggja að lögum rétt sérhvers einstaklngs til a.m.k einhverrar lágmarks framfærslu eftir fyrirfram gefnu skipulagi,sem ákveðið væri á málefnalegan hátt.“

 Ég tel samkvæmt framansögðu, að  ríkinu sé skylt samkvæmt stjórnarskránni að veita öldruðum og öryrkjum,sem einungis hafa lífeyri frá almannatryggingum, nægilegan lífeyri til framfærslu.En þannig hefur það ekki verið.Lífeyrir hefur ekki dugað fyrir öllum útgjöldum; lyf og læknishjálp hafa oftast orðið útundan.

 Stjórnarskráin hefur verið brotin á framangreindum öldruðum og öryrkjum,Þær litlu hækkanir, sem taka gildi um næstu áramót, eru ekki nægilegar til þess að koma þessu í lag. Það verður að gera miklu betur í því efni.Það er kominn tími til að virða stjórnarskrána.

 

Björgvin Guðmundsson

www.gudmundssn.net

Félagsmálaráðherra reyndi að kúga Öryrkjabandalagð til hlýðni!

Félagsmálaráðherra,Eygló Harðardóttir, reyndi að kúga Öryrkjabandalag Íslands til hlýðni við tillögur félagsmálaráðuneytisins um starfsgetumat og aðrar breytingar á almannatryggingum.Og þegar Öryrkjabandalagið vildi ekki hlýða,var öryrkjum refsað með því,að þeir fengu ekki sömu kjarabætur og aldraðir!Þetta er svívirðileg framkoma við öryrkja og mannnréttindabrot.Það var meira að segja gengið svo langt gegn öryrkjum,að krónu móti krónu skerðingin,sem hafði verið afnumin í frumvarpinu var tekin upp aftur gagnvart öryrkjum en þó átti það að vera eitt aðalmarkmið nýrra laga um almannatryggingar að afnema þessa skerðingu.

Öryrkjabandalagið er harðort í garð ráðherra út af þessari framkmu gagnvart öryrkjum.Bandalaginu farast m.a. svo orð um málið:

Öryrkjabandalagið hafnar alfarið orðum Eyglóar Harðardóttur, félags- og húsnæðismálaráðherra, bæði á Facebook og í viðtali á RÚV og víðar um að skortur á samstarfsvilja bandalagsins við almannatrygginganefnd sé ástæða þess að að öryrkjar fengu ekki kjarabætur. Með yfirlýsingu sinni hefur ráðherra valið þá leið að kasta ryki í augu almennings með því að gera tilraun til þess að rugla saman tveimur ólíkum þáttum. Það stenst enga skoðun þegar sagt er að kerfisbreytingar séu skilyrði þess að bæta hag örorkulífeyrisþega.

ÖBÍ tók virkan þátt í nefnd um endurskoðun laga um almannatryggingar. ÖBÍ skilaði meðal annars skýrslu til nefndarinnar í maí 2015 með tillögum bandalagsins að heildstæðu starfsgetumatskerfi og framfærslu á grundvelli þess. Lagðar voru til breytingar á kerfinu sem hefðu falið í sér sátt og málamiðlun á milli ólíkra sjónarmiða innan nefndarinnar. Nær ekkert tillit var tekið til tillagna ÖBÍ í skýrslu endurskoðunarnefndarinnar. Niðurstöður nefndarinnar voru einfaldlega aðrar en þær sem ÖBÍ lagði til. Bandalagið gat því ekki skrifað undir skýrslu endurskoðunarnefndarinnar og skilaði séráliti.

Í framhaldi af skýrslu nefndarinnar var ákveðið að vinna að frumvarpi að lögum. Frumvarpið átti að grundvallast á tillögum nefndarinnar. Í starfi nefndarinnar voru allar humyndir ÖBÍ barðar niður og því var rökrétt að ÖBÍ tæki ekki þátt í vinnu við frumvarpið."" "

Ég hef fylgst með stjórnmálum lengi.Ég man aldrei eftir að ráðherra hafi reynt að kúga almannasamtök á þann hátt,sem hann reyndi gagnvart Öryrkjabandalaginu.Og fáheyrt er að ráðherra refsi almannasamtökum fyrir "óhlýðni" á þann hátt sem hann gerði  gagnvart Öryrkjabandalaginu!

 

Björgvin Guðmundsson

 

 

 

Aukin stéttaskipting í íslensku samfélagi,meiri fátækt!

 

 

 

Rauði kross Íslands hefur gefið út skýrslu um stöðu barna í  Breiðholti.Þar kemur fram,að stór hluti barna þar býr við fátækt  og getur af þeim sökum ekki tekið þátt í íþróttum,tónlistarnámi  eða  öðru slíku sem auðgað getur líf þeirra.Hætta er á, að þessi börn einaangrist. Sérfræðingar segjast merkja aukna stéttaskiptingu í íslensku samfélagi og rannsóknir renna stoðum undir það. Hlutfall barna sem líður skort hér á landi hefur farið hækkandi, þetta átti við um 4% barna árið 2009, nú á það við um 9%. Það hlutfall barna, sem líður verulegan skort, hefur þrefaldast. Þessi börn einangrast frekar félagslega, þar sem þau geta ekki stundað íþróttir og tómstundastarf líkt og efnaðri bekkjarfélagar þeirra. Þá verða þau að sögn Ómars Valdimarsson,sem skrifaði skýrsluna, frekar fyrir einelti.

Sár fátæk  ríkir einnig hjá mörg þúsund lífeyrisþegum, þ.e. þeim,sem einungis hafa lífeyri frá almannatryggingum.Enn hefur lífeyrir ekkert hækkað vegna nýju laganna um almannatryggingar og mun ekki hækka fyrr en um áramót. Þó hefur ráðherrum fráfarandi stjórnar margoft verið bent á, að ekki er unnt að lifa af þeim lága lífeyri,sem enn  er í gildi.Margir eldri borgarar hafa hringt  á skrifstofu FEB í Rvk í lok mánaðar  og skýrt frá því,að þeir ættu ekki fyrir mat.Viðvarandi er,að erfitt er fyrir lífeyrisþega að leysa út lyf sín og þeir verða hvað eftir annað að fresta eða sleppa læknisheimsóknum.Þetta hafa fráfarandi ráðherrar vitað en þeir hafa ekkert gert í að leysa þennan bráðavanda.En til þess að leysa hann þarf hækkun lífeyris strax í dag en ekki  um áramót eða síðar.Þetta hafa ráðamenn ekki viljað skilja.Þeir hafa stungið hausnum í sandinn,lokað augunm fyrir bráðum vanda.Þessum vanda verður ekki frestað.Það verður að leysa hann strax í dag.

Björgvin Guðmundsson

 

Lífeyrir aldraðra verði 400 þúsund krónur fyrir skatt strax

 Krafa aldraðra frá því vorið 2015 um 300 þúsund króna lífeyri á mánuði fyrir skatt er úrelt.Þetta voru ekki nema 240 þúsund kr eftir skatt.Húsaleiga hefur stórhækkað síðan og er nú kominn í 200 þúsund kr á mánuði á Stór- Reykjavíkursvæðinu fyrir þokkalega íbúð.Það er þá ekki mikið eftir fyrir öllum öðrum útgjöldum.Annar húsnæðiskostnaður hefur einnig hækkað.Íbúðaverð hefur hækkað mikið.Stjórnvöld hundsuðu kröfu aldraðra um 300 þúsund allt árið 2015 og allt yfirstandandi ár þar til kom að kosningum.En þá ákvað ríkisstjórnin að láta aldraðra fá hækkun upp í 300 þúsund í tveimur áföngum þannig að loks 2018 yrði lífeyrir  kominn í 300 þúsund,240 þúsund eftir skatt á mánuði.Alþingismenn og ráðherrar fengu hins vegar sína hækkun strax og áður en þeir byrja að vinna á alþingi.Embættismenn fengu einnig gífurlegar hækkanir fyrr á árinu strax og til baka.

Nú er staðan sú,að lífeyrir aldraðra þarf að hækka í 400 þúsund fyrir skatt,320 þúsund eftir skatt, sem er í samræmi við neyslukönnun Hagstofunnar.Sama gildir um öryrkja.Þeir eiga að fá sömu hækkun.Og þessi hækkun á að taka gildi strax.Í því efni á það sama að gilda um lífeyrisþega eins og ráðherra og alþingismenn: Hækkun strax.

Jafnframt á að afnema allar skerðingar lífeyris TR vegna tekna lífeyrisþega alveg.Félag eldri borgara í Rvk setti þessa kröfu fram fyrir kosningar.Piratar og Flokkur fólksins voru með þessa kröfu á stefnuskrá sinni.Eg hef lengi barist fyrr því að afnema allar skerðingar. Nú er það timabært.Efnahagur þjóðarinnar leyfir það. Þetta er dýrt en ríkisvaldið hefur einnig haft stórar upphæðir af lífeyrisþegum,ríkið skuldar lífeyrisþegum stórar fjárhæðir. Svikin á stóra kosningaloforðinu frá 2o13  skaða lífeyrisþega það mikið,að það stendur undir kostnaði við að afnema skerðingar.Nú er rétti tíminn til þess að bæta virkilega vel kjör aldraðra og öryrkja.

 

Björgvin Guðmundsson

 

 

 

 

 

 

 

 

Ráðherrar og .þingmenn eru búnir að fá sínar hækkanir; aldraðir fá sina hungurlús 1.jan.

 

 

 

Á miðju ári 2015  taldi ríkisstjórnin (Bjarni Ben) að hún gæti fyrir náð og miskunn látið aldraða og öryrkja fá rúmlega 9% ( 9,4) hækkun á lifeyri sínum en ekki strax,heldur eftir 8  mánuði.Fjármálaráðherrann taldi,að það gæti sett fjárhag rikisins úr skorðum,ef lífeyrisþegar fengju þessa hungurlús á sama tíma og allir aðrr  voru að fá hækkanir en verkafólk fékk 14,5% hækkun á lágarkslaunum  1.mai. það ár.Öðru máli gegndi um hækkanir ráðherranna sjálfra og þingmanna 2015.Þessir aðilar fengu  miklar hækkanir greiddar til baka frá 1.mars,eða 9 mánuði,þannig að ráðherrarnir fengu milljón í vasann fyrir jólin,svona rétt fyrir jólagjöfum.Þessi fjáraustur var ekki talinn raska fjárhag ríkisins; aðeins hækkun lífeyris aldraðra og öryrkja ógnaði fjárhags ríkisins og því fengu lífeyrisþegar ekki krónu hækkun fyrir jólin eins og ráðherrar,þingmenn og raunar flestar aðrar stéttir,sem fengu miklar hækkanir á miðju ári 2015.Nú er leikurinn endurtekinn.Ráðherrar og þingmenn fá á ný miklar launahækkanir eins og rakið hefur verið og þjóðfélagið allt mótmælir nú.Hækkaninar eru að vísu miklu meiri nú,eða 35% hjá ráðherrum og  44% hjá þingmönnum  þó höfðu þessir aðilar fengið hækkun líka á miðju þessu ári.

Ríkisstjórnin sá sér nauðugan einn kost eftir miklar kröfur lífeyrisþega og mikinn mótmælafund í Háskólabíó að hækka lífeyri aldraðra og öryrkja um nokkrar krónur eða um 7%; þetta var mikið örlæti og nauðsynlegt að tilkynna það fyrir kosningar; ef til vill hefur það hjálpað Sjálfstæðisflokknum að halda velli,þar eð aldraðir og öryrkjar eru ekki mjög kröfuharðir.En það mátti alls ekki láta þessa hungurlús koma til framkvæmda strax eins og hjá ráðherrum og þingmönnum; nei þetta varð að bíða fram yfir áramót,ella gæti fjárhagur ríkisins farið úr skorðum.Það kom sem sagt ekki aðeins í ljós með Panamaskjölunum (skattaskjólunum),að tvær þjóðir búa í þessu landi,heldur einnig i kjara-og launamálum.Það gilda aðrar reglur um hækkanir á lífeyri lífeyrisþega en gilda um launahækkanir ráðherra og þingmanna og raunar allra embættismanna.

Boðaður hefur verið útifundur á Austurvelli í dag til þess að mótmæla siðlausum launahækkunum ráðherra og þingmanna. Það er gott og blessað en betra hefði verið, að kjósendur hefðu verið vakandi í þingkosningunum og mótmælt þá.Þú tryggir ekki eftir á.Það liggur við að Sjálfstæðisflokknum hafi verið þakkað fyrir hungurlús lífeyrisþega.

 

Björgvin Guðmundsson

www.gudmundsson.net

Miklar launahækkanir gefa tilefni til hækkunar lifeyris samkvæmt lögum

 

Undanfarin misseri hafa orðið gífurlega miklar  launahækkanir.Í júní og júlí ákvað kjararáð miklar kauphækkanir háttsettra opinberra embættismanna.Var þar m.a. um að ræða forstöðumenn  ríkisstofnana og nefndarformenn en einnig háttsetta embættismenn stjórnarráðsins. Hækkunin var alveg upp í 48%  og 18 mánuði til baka.Laun hækkðu allt upp í 1.6 milljónir kr  á mánuði.En  önnur laun hækkupu upp  í 1,2 millj króna,1,3 millj króna,  og 1,4 millj  króna.Síðan ákvað kjararáð  á kjördag að hækka gifurlega mikið laun alþingismanna,ráðherra og forseta Íslands eins og ég hef skýrt frá. Beðið var með að skýra frá þessar ákvörðun kjararáðs fram yfir kosningar.Laun alþingismanna hækka um 44% strax og laun ráðherra hækka um 35.5  % og fara í 1,8 milljónir kr. Áður höfðu laun lækna hækkað um yfir 40% og laun framhaldskólakennara höfðu hækkað mjög mikið.

Ljóst er af framansögðu,að launaþróun á þessu  ári og undanfarin 2 ár hefur einkennst af mjög miklum launahækkunum og miklu meiri hækkunum en nemur hækkunum þeim sem aldraðir og öryrkjar hafa fengið.Samkvæmt lögum á lífeyrir aldraðra og öryrkja að taka mið af launaþróun. Það er ekkert getið um það í lögunum, að miða eigi við þróun  lægstu launa. Það er því ljóst að taka á einnig tillit til hækkana hærri launa. Hækkun hærri launa gefur tilefni til þess að lífeyrir aldraðra og öryrkja verði hækkaður miklu meira en átti sér stað í upphafi þessa árs og verða á 2017 0g 2018..

Lífeyrir hækkaði ekki  einu sinni á þessu ári eins og lágmarkslaun hækkuðu. Hækkun lágmarkslauna 1.mai  2015 og 1.jan. 2016 nam  20,7%. En hækkun lífeyris 2015 og 2016 nam 12,7%. Þar vantaði því 8 prósentustig.Auk þess hækkuðu lágmarkslaun síðan aftur 1.mai 2016 um 5,5% án þess að lífeyrir hækkaði. Ekki verður meiri hækkun lifeyris á þessu ári. Hungurlúsin sem fráfarandi ríkisstjórn skammtaði lífeyrisþegum kemur ekki til framkvæmda fyrr en á næsta ári.

Framangreint leiðir i ljós,að aldraðir og öryrkjar hafa algerlega dregist aftur úr í kjaramálum,þeir hafa  verið skildir eftir eins og áður.Það er tími til komnn að bæta úr  þessu ,bæta fyrir  þá töf, sem orðið hefur á því,að aldraðir og öryrkjar fengju sambærilega hækkun og aðrir. Og það þarf að taka tillit til þess hvað lífeyrisþegar þurfa sér til framfærslu miðað við neyslukönnun Hagtofunnar.Ef miðað er við hana á lífeyrr að vera tæpar 400 þúsund fyrir skatt á mánuði eða 320 þúsund eftir skatt. Það er lágmark að mínu áliti. Eldri tölur eru orðnar úreltar vegna mikillar hækkunar húsnæðiskostnaðar.

 

Björgvin Guðmundsson