Fylgið að hrynja af Viðreisn?

 

!

 

Samkvæmt nýrri könnun Capacent hrynur fylgið af Viðreisn áður en ríkisstjórnin hefur verið mynduð.Ljóst er að kjósendur kunna ekki að meta það að Viðreisn ætli að viðhalda völdum Sjálfstæðisflokksins þrátt fyrir,að spilling sé mikil í Sjálfstæðisflokknum og tveir ráðherrar flokksins hafi verið í skattaskjólum en sloppið með það án afsagnar á sama tíma og Sigmundur Davíð þurfti að segja af sér vegna þess að eiginkona hans var með fjármuni i skattaskjólum.Viðreisn ætlar að svíkja kosningaloforð sín til þess að komast i stjórn með Sjálfstæðisflokknum.Ég spái því að fylgið eigi eftir að halda áfram að hrynja af Viðreisn, þegar kjósendur sjá betur,að flokkurinn hefur beitt blekkingum til þess að ná fylgi(Jónas Kristjánsson kvað sterkar að orði).Ég spái því einnig,að Björt framtíð muni tapa miklu fylgi,sennilega þurrkast út.Flokkurinn hefur látið Viðreisn teyma sig til samstarfs við Sjálfstæðisflokkinn til þess eins að fá ráðherrastól eða stóla en engin stefnumál.Samkvæmt könnun Capacent fær Viðreisn 7,4% atkvæða og er komin í neðsta sæti,niður fyrir Samfylkinguna. En Samfylkingin fær 7,5% og er eini flokkurinn sem bætir við sig fylgi.VG fær 20%,Piratar 14,6%,Sjálfstæðisflokkurinn 29%,Framsókn 8,9% og Björt framtíð 8,7%.Viðreisn fékk 10,4% í alþingiskosningunum 29.oktober á þessu ári.

 

Björgvin Guðmundsson

www.gudmundsson.net

 

Lokaþáttur myndunar Engeyjarstjórnar!

Ég sagði strax í nóvember,að þeir Bjarni og Benedikt væru búnir að mynda ríkisstjórn.Hefði sennilega verið ákveðið í fjölskylduboði hjá þeim.Viðræður í framhaldi af því hefðu verið leikrit.Það er nú komið á daginn,að þetta var rétt.Aðrar viðræður hafa verið til málamynda og ætlað að slá ryki í augu annarra stjórnmálamanna og almennings.Fordæmanleg er framkoma Benedikts Jóhannesssonar,formanns Viðreisnar, í þessu máli öllu.Skýrast kom leikaraskapur hans í ljós í stjórnarmyndunarviðræðum Katrínar Jakobsdóttur um 5 flokka stjórn,þegar hann stóð skyndilega upp að tilefnislausu og tilkynnti Katrínu,að hann sæi ekki,að þessar viðræður mundu bera neinn árangur og síðan fór hann. En á þessum tímapunkti hafði ekki slitnað upp úr viðræðum um neitt málefni.Hann rauk samt á dyr vegna þess að hann hafði lofað Bjarna að mynda stjórn með honum.Í ljós kom þarna,að Benedikt  hafði allan tímann verið að blekkja hina 4 flokkana og meinti ekkert með þátttöku i viðræðunum.En það sem verra var: Hann endurtók leikinn aftur þegar Birgitta Jónsdóttir hafði fengið umboðið; þóttist þá enn vilja taka þátt i myndun stjórnar með félagshyggjuflokkunum 4  en hann meinti ekkert með því frekar en áður og sýndi engan vilja á málamiðlnun en núna stendur upp úr þeim Benedikt og Proppe í hverju viðtali,að menn verði að samþykkja málamiðlanir og geti ekki fengið allt sitt fram.Allt í einu þegar rætt er við íhaldið þarf ekki að standa fast á neinum málefnum.Nú má slaka á öllu til þess að komast í ráðherrastóla.Þetta er allt eitt sjónarspil.Og það er komið í ljós,að Benedikt hefur villt á sér heimildir þegar hann kom inn í stjórnmálin; þóttist vera prinsipfastur og heiðarlegur og  vilja ný vinnubrögð en í ljós er komið,að hann er enn verri en eldri stjórnmálamenirnir,meiri refur og meiri kafbátur.Jónas Kristjánsson fyrrv  ritstjóri segir,að Benedikt hafi logið sig inn á þjóðina; hann hafi náð fylgi á fölskum forsendum.Benedikt þóttist vera miðjumaður í stjórnmálum en er lengra til hægri en stóra íhaldið.Jónas segir,að Benedikt hafi náð fylgi krata með fölskum málflutningi.En Benedikt sleit viðræðum við Birgittu um myndun 5 flokka stjórnar á sama hátt og hann sleit viðræðum við Katrínu án þess að upp úr einhverju ákveðnu máli slitnaði.Ljóst er,að í báðum tilvikum óttaðist Benedikt að samkomulag væri að nást um myndun 5 flokka stjórnar.

En hvað þá með kosningaloforð Benedikts um þjóðaratkvæðagreiðslu um aðildarviðræður um ESB og um að setja aflaheimildir á uppboðsmarkað.Og kjaftæði Viðreisnar og Bjartrar framtiðar um kerfisbreytingu og aukna samkeppni í landbúnaði.Og hvað um loforðið um að vinna ekki með Framsókn. Ekki verður staðið við neitt af þessu.Þessu verður ýmist frestað eða vísað til alþingis.Alla vega verður þetta svæft á einhvern hátt.Samið verður við Framsókn á bak  við tjöldin um að hún veiti stjórninni hlutleysi og komi hugsanlega inn í stjórnina síðar; þannig ætlar Benedkt að blekkja þjóðina og frændi hann Bjarni með honum.Fréttablaðið segir í dag,að Framsókn fái að launum formennsku í fjárlaganefnd og Lilja Alfreðsdóttir fái það embætti.Kannski fær Framsókn forseta alþingis og fleiri nefndir.Alla vega verður þetta sami grautur í sömu skál,ef Viðreisn og Bjartri framtíð tekst að viðhalda völdum Sjálfstæðisflokksins með loforði um að Framsókn komist að síðar.Það stefnir í mestu blekkingar og svik við kjósendur sem sést hafa um langt skeið.Og það eru nýir flokkar,Viðreisn og Björt framtíð sem standa að þessum blekkingum og svikum með Sjálfstæðisflokknum!

 

Björgvin Guðmundsson

Hverjar eru kröfur aldraðra í dag?

 

Nú þegar stutt er til áramóta, nýtt alþingi hefur komið saman og  kjörtimabilið er að hefjast má segja, að kaflaskipti séu í kjaramálum aldraðra.Það er eðlilegt við slík  tímamót, að athugað sé hver aðal baráttumál aldraðra eigi að vera  á nýju tímabili.

Ég tel, að helstu baráttumál aldraðra eigi að vera þessi:

Lífeyrir aldraðra,sem einungis hafa lífeyri frá almannatryggingm, á að vera 400 þúsund kr á mánuði fyrir skatt.Það þýðir 320 þúsund kr á mánuði eftir skatt.Hér er miðað við einhleypinga.Það vill svo til, að þessi upphæð er alveg samhljóða upphæð meðaltalsneyslu einhleypinga samkvæmt neyslukönnun Hagstofunnar en niðurstaða þeirrar könnunar var 321 þúsund kr á mánuði,án skatta.

Í könnun Hagstofunnar er könnuð meðaltalsneysla einhleypinga í landinu.Hagstofan kannar einnig meðaltalsneyslu heimila í landinu.Þegar velferðarráðuneytið kannaði dæmigert neysluviðmið fyrir nokkrum árum studdist ráðuneytið við neyslukönnun Hagstofunnar.

Eru 321 þúsund krónnur á mánuði of mikið til framfærslu fyrir aldraða? Nei, því fer víðs fjarri. Þessi upphæð er síst of há og í rauninni er erfitt að framfæra sig af lægri upphæð.Upphæðin,sem Tryggingastofnunn skammtar öldruðum í dag en hins vegar alltof lág, þ.e. 207 þúsund   kr á mánuði  hjá einhleypingum en sú upphæð á að hækka upp í 227 þúsund á mánuði  um áramót. Upphæðin hjá giftum og sambýlisfólki er hins vegar aðeins 185 þúsund kr í dag og mun hækka  í 195 þúsund um áramót.Þessi upphæð er furðulega lág og óskiljanlegt hvernig hún hefur ratað á blað.Hér er í öllum tilvikum rætt um upphæðir eftir skatt.

Ég hef bent á, að nýja upphæðin,sem koma á til framkvæmda um áramótin, er strax orðin úrelt.195 þús kr á mánuði dugar hvergi nærri til framfærslu.Og  hæpið er, að 227 þúsund á mánuði hjá einhleypingum dugi. Hér er alla vega svo naumt skammtað, að það er til  skammar. Og athugum, að hér er um nýja upphæð að ræða,  sem  á að vera betri en gamla upphæðin en framförin er sáralítil sem engin.

Við kaflaskipti í kjaramálum aldraðra þarf einnig að gera stórsókn til þess að „endurheimta“ lífeyri  lífeyrissjóðanna, sem daglega er óbeint verið að hrifsa af okkur með stófelldum skerðingum lífeyris almannatrygginga. Þessu verður að linna strax.Ég tel,að afnema verði skerðingarnar alveg, annað hvort í einu eða tvennu lagi.Það gengur ekki lengur, að þeir sem greitt hafa í lífeyrissjóð alla sína starfsævi, vakni upp við það á lífeyrisaldri, að ríkið taki óbeint af lífeyrissparnaðinum stórar fúlgur. 

 

Björgvin Guðmundsson

Fréttablaðið 30.desember 2016

 

 

 

 

 

 

Verið að íta eldri borgurum út af vinnumarkaðnum!

 

Nú eru aðeins 3 dagar þar til ríkisvaldið og Tryggingastofnun ítir stórum hluta eldri borgara út af vinnumarkaðnum en þá taka gildi ný lög um almannatryggingar,sem auka skerðingu tryggingalífeyris vegna atvinnutekna.  Þórunn Sveinbjörnsdóttir formaður Félags eldri borgara í Reykjavik var i viðtali við RUV í   fyrradag.Rætt var um hin nýju lög um almannatryggingar.Þórunn sagði, að staða eldri borgara á vinnumarkaðnum mundi stórversna við gildistöku nýju laganna.Frítekjumark vegna atvinnutekna aldraðra væri í dag 109 þúsund krónur á mánuði  en það mundi lækka um  áramót i 25 þúsund kr á mánuði.Ríkisstjórnin hefði boðað áður, að hún ætlaði að greiða fyrir atvinnuþátttku aldraðra en þetta hefði öfug áhrif.Þórunn hvaðst óttast alvarleg áhrif af nýjum lögum ríkisstjórnarinnar að þessu leyti til. Til dæmis hefðu margir eldri borgarar verið leiðsögumenn og hefðu menntað sig til þess.Þeir mundu hætta störfum vegna  nýju laganna.Það gæti haft alvarleg áhrif fyrir ferðamannaiðnaðinn. Einnig hefðu margir eldri borgarar setið yfir í prófum.Þeir mundu einnig hætta, þar eð það borgaði sig ekki að vinna, þegar nýju lögin tækju gildi.

Björgvin Guðmundsson

www.gudmundsson.net

Lög og stjórnarskrá brotin á öryrkjum og öldruðum 2009-2015!

 

 

 

Upplýsingar þær, sem ég birti í gær um, að kaupmáttur tekna öryrkja hafi aðeins hækkað um 1 prósent á tímabilinu 2009-2015 á   sama tíma og kaupmáttur lágmarkslauna hækkaði um 17 prósent leiða í ljós, að  fráfarandi ríkisstjórn  og ríkisstjórnin, sem sat á undan   henni, hafa verið að brjóta lög á öryrkjum.Ég tel það sama gilda um kaupmátt lífeyris aldraðra, þar eð á fyrrnefndu tímabili hefur lífeyrir öryrkja og aldraðra hækkað jafn mikið.Það er sök stjórnvalda á þessu 6 ára tímabili, að lífeyrir skuli ekki hafa hækkað í samræmi við hækkun launa.En lögum samkvæmt á lífeyrir að hækka í samræmi við launahækkanir  ( taka mið af launaþróun).Og einnig segir i lögunum, að ef vísitala neysluverðs hækki meira en laun eigi lífeyrir að hækka i samræmi  við hækkun vísitölunnar.

  Það er Hagfræðistofnun HÍ ,sem reiknaði út framangreindar tölur.Þær verða ekki véfengdar.Þær leiða í ljós,að stjórnvöld á tímabilinu 2009-2015 hafa haldið lífeyri öryrkja niðri á sama tíma og laun hækkuðu langt umfram lífeyri.Ég tel,að stjórnvöld hafi haldið lífeyri  aldrara jafnmikið niðri.Ráðherrar og alþingismenn á umræddu tímabili hafa hér gerst sekir um alvarlegt lögbrot; hafa gerst sekir um að brjóta lög á öryrkjum og öldruðum. En jafnframt tel ég að stjórnarskráin hafi verið brotin á þessu fólki,þar eð  lífeyrir var svo naumt skammtaður,að hann nægði ekki til framfærslu.Og samkvæmt stjórnarskránni  eiga aldraðir og öryrkjar rétt á aðstoð frá rikinu,ef þörf er á.Og hér var svo sannarlega þörf á aðstoð.

Björgvin Guðmundsson

 

Samkomulag Bjarna og Benedikts strax í nóvember; leikrit siðan!

Ég sagði strax,þegar Bjarni fékk umboð forseta til stjórnarmyndunar og hann hóf að tala við alla flokka á sama hátt og forsetinn hafði gert,að þetta væri bara leikrit.Þeir Bjarni og Benedikt væru búnir að ákveða að mynda stjórn ( sennilega ákveðið í fjölskylduboði) Viðræður við aðra flokka væri bara leikrit,Aðeins var eftir að ákveða hver hækjan yrði,Björt framtið eða Framsókn.Lokaþáttur leikritsins var að vísu tilþrifamikill.Þá kom nýr leikari fram á sjónarsviðið,Brynjar Nielsson og sagði í morgunþætti RÚV,að Viðreisn og Björt framtíð hefðu stillt Sjálfstæðisflokknum upp við vegg og viljað fá breytingu í sjávarútvegsmálum og landbúnaðarmálum og þjóðaratkvæðagreiðslu um ESB.Það vantaði aðeins að hann segði: Héldu þessir flokkar,að þeir fengju eitthvað annað en stóla.Brynjar var mjög hneykslaður; átti góðan leik!.Bjarni sagði við fréttamenn: Við leysum auðveldalega þessi ágreiningsmál.Hann hefur sagt við frænda sinn: Við förum ekki að láta " vinstra liðið" komast til valda út af þessum smáatriðum! Bjarni sagði, að ekki tæki nema nokkra daga að semja stjórnarsáttmála. Hann mun þar lofa öllu fögru,þar á meðal þjóðaratkvæðagreiðslu um ESB einhvern tímanna á kjörtímabilinu.En hann fer létt með að svikja það eins og síðast.Hann sveik öll kosningaloforðin,sem hann gaf öldruðum og öryrkjum og komst upp með það. Hann sveik afnám verðtryggingar með aðstoð Sigmundar Davíðs og komst upp með það.Það skiptir því engu máli hverju hann lofar Viðreisn og viðhenginu,Bjartri framtíð.Hann fer létt með að svíkja það.

Björgvin Guðmundsson

Aldraðir og öryrkjar fái gjaldfrjálsa heilbrigðisþjónustu!

Það er kominn tími til,að aldraðir og öryrkjar á Íslandi  njóti sambærilegra kjara og aldraðir og öryrkjar á hinum Norðurlöndunum.En mikið vantar upp á,að svo sé.Lífeyrir aldraðra og öryrkja á hinum Norðurlöndunum  er miklu hærri en hér.Og nú á að festa í lög og reglugerð frá 1.febrúar n.k. miklu hærri greiðsluþáttöku  sjúklinga hér í heilbrigðiskostnaði.Það þýðir,að aldraðir og öryrkjar hér þurfa að greiða miklu meira i kostnaði við heilbrigðisþjónustu en gerist á hinum Norðurlöndunum. Hvernig má þetta vera,þegar hagvöxtur er meiri hér en á hinum Norðurlöndunum og stjórnarherrarnir berja sér stöðugt á brjóstt og tala um hvað hér sé mikið góðæri og ástandið gott.Hverjir njóta þessa góðæris? Eru það aðeins hinir ríku? Alla vega njóta aldraðir og öryrkjar þess ekki.

1.febrúar n.k. taka gildi ný lög og reglugerð um greiðsluþáttöku sjúklinga í heilbrigðisþjónustu.Hugsunin var sú,að setja þak á greiðsluþátttöku sjúklinga en gallinn á nýja kerfinu er sá,að það er ekki ríkið sem greiðir kostnaðinn,sem fer umfram þakið heldur er honum jafnaða á aðra sjúklunga!!.M.ö.o. Þeir,sem nota litla heilbrigðisþjónustu eiga að fara að borga fyrir þá sem nota mikla heilbrigðisþjónustu.Það gengur ekki.Ríkið verður að sjálfsögðu að greiða það,sem er umfram þakið. Þannig er það á hinum Norðurlöndunum.En síðan er það krafa Öryrkjabandalagsins og aldraðra að heilbrigðisþjónusta verði gjaldfrjáls fyrir aldraða og öryrkja og helst ætti hún að vera gjaldfrjáls fyrir alla.

Þátttaka almennnings í kostnaði við heilbrigðisþjónustu hefur hækkað þrátt fyrir " góðærið". Landlæknir hefur vakið athygli á þessu og vill,að kostnaður almennings verði lækkaður.

Krafan er : Gjaldfrjálsa heilbrigðisþjónustu fyrir aldraða og öryrkja.

Björgvin Guðmundsson

 

Alþingi frestaði vanda aldraðra og öryrkja!

Formaður stærsta stjórnmálaflokksins hefur sett fram þá nýstárlegu kenningu í stjórnarmyndunarviðræðum,að í stað þess að liggja lengi yfir erfiðum vandamálum í viðræðunum megi fresta slíkum vandamálum til þess að geta myndað ríkisstjórn.Þessu mun hafa verið hreyft í viðræðum formannsins við formann VG en ekki náðist samkomulag um þá aðferð.Ef til vill fellur Viðreisn fyrir þessu bragði! Ég tel að leysa eigi vandamálin þó það taki lengri tíma.Ekki á að fresta lausn þeirra.En ef stjórnmálamennirnir geta ekki komið sér saman og geta  ekki gert nauðsynlegar málamiðlanir án þess að fresta mestu vandamálunum á forseti Íslands að mynda embættismannastjórn,utanþingsstjórn. Þingið ræður þá ekki við verkefnið.

Alþingi mun hafa beitt frestunaraðferðinni í nokkrum málum. Til dæmis valdi fjárlaganefnd og alþingi að fresta vanda aldraðra og öryrkja.Alþingismenn hældu hver öðrum mikið fyrir að hafa náð samkomulagi um fjárlagafrumvarpið en þeir frestuðu stórum vandamálum svo sem vanda aldraðra og öryrkja og fullnaðarlausn á vanda Landspítalans.Fjárlaganefnd gerði ekkert í vandamálum aldraðra og öryrkja.Alþingi og nefndin taldi,að 185 þúsund kr á mánuði eftir skatt dygði í jólamánuðinum fyrir þá sem byggju með öðrum og  207 þúsund á mánuði eftir skatt væri nóg fyrir einhleypinga.Þetta gerðist enda þótt embættismenn,ráðherrar og alþingismenn hefðu fengið miklar launahækkanir á árinu og sumir tvisvar.Sumir þingmenn töluðu digurbarkalega um að þeir ætluðu að láta afturkalla miklar kauphækkanir sem kjararáð ákvað.En ekkert varð af því.Samþykktur var einhver kattarþvottur á starfsemi kjararáðs.En þingmenn létu sér vel líka mikla kauphækkun sem þeir fengu sjálfir um leið og þeir "gleymdu" öldruðum og öryrkjum! Það er of mikil vinna og fyrirhöfn að lagfæra kjör aldraðra og öryrkja rétt fyrir jólin; miklu þægilegra að vera ekki að rugga bátnum.Nýtt alþingi: Sami grautur í sömu skál. Ekkert hefur breyst.

 

Björgvin Guðmundsson

Boðskapur jólanna: Friður og kærleikur

Jólin ganga í garð í kvöld.Á jólahátíðinni geta kristnir menn sest niður og íhugað boðskap jólanna.Að mínu mati er boðskapur jólanna friður og kærleikur.Kristnir menn ættu að strengja þess heit á þessum jólum að gera heiminn friðvænlegri. Stórveldin verða að hætta að fara með vígbúnað inn í önnur ríki.Það hefur sjaldan orðið til góðs.Afskipti stórveldanna af innanlandsátökum í Sýrlandi og í Írak urðu ekki til góðs.Þau gerðu illt verra.Gífulegur flóttamannastraumur til Evrópu er ein afleiðing þessara átaka og íhlutunar í þau.Í samræmi við kærleiksboðskap jólanna og kristinnar trúar þurfa Evrópubúar að aðstoða flóttafólkið og Íslendingar þurfa að taka meiri þátt í þeirri aðstoð en  verið hefur.

  Hér innan lands eru einnig mörg vandamál,sem þarf að leysa.Margir búa við mikinn vanda í húsnæðismálum.Það er orðið erfiðara en áður fyrir láglaunafólk að fá húsnæði á viðráðanlegu verði.Kjör hinn lægst launuðu eru of lág og það sama er að segja um kjör aldraðra og öryrkja.Kjör þeirra eru algerlega óásættanleg.Það er engin leið að lifa mannsæmandi lífi af þeim lága lífeyri sem ríki og Tryggingastofnun skammtar öldruðum og öryrkjum,sem verða að treysta eingöngu á lífeyri almannatrygginga. Sú hungurlús,sem lífeyrisfólk fær um áramótin, breytir engu þar um. Alþingismenn og allir ráðamenn ættu að stengja þess heit um þessi jól að bæta hér úr á nýju ári.Þjóðin hefur efni á því að veita öldruðum og öryrkjum sómasamleg kjör.  Það er í samræmi við kærleiksboðskap jólanna að gera það.-Gleðileg jól.

Björgvin Guðmundsson

Launum (lífeyri) aldraðra og öryrkja haldið niðri! Fengu enga "jólagjöf" frá alþingi

Biskup segir,að lífeyrir aldraðra og öryrkja hafi setið eftir og ekki hækkað til jafns við önnur laun.Það er rétt: Launum (lífeyri) aldraðra og öryrkja hefur verið haldið niðri.

Í desember voru laun ráðherra,þingmanna,embættismanna og lífeyrisfólks  á mánuði,fyrir skatt sem hér segir:

Ráðherrar  2 milljónir 

Alþingismenn  1,1  milljón

Landlæknir,ríkislögreglustjóri 1,6 milljónir

Aldraðir og öryrkjar  212 þúsund  ( þeir,sem búa með öðrum.)

Alþingismenn fengu mikla kauphækkun á kjördag.Framangreindir embættismenn og fjöldi annarra embættismanna fengu kauphækkun á miðju ári með gildistíma 18 mánuði til baka!En aldraðir og öryrkjar eru ekki farnir að fá sina hækkun,sína hungurlús, enn.Fá hana ekki fyrr en um áramót.Hafa ekki fengið neina hækkun síðan um síðustu áramót en allar framangreindar stéttir hafa fengið hækkanir á árinu og verkafólk fékk hækkun í byrjun árs og á miðju ári.Hvers eiga aldraðir og öryrkjar að gjalda? Er ástæðan sú,að Bjarni og Eygló töldu,að þeir hefðu nóg,212 þúsund fyrir skatt og 185 þúsund kr á mánuði eftir skatt,sem hækka á um 10 þúsund rúmar um áramót.Hafa hungurlús í dag og verða með hungurlús eftir hækkun.-Ég sagði fyrir nokkrum dögum,að alþingi gæti tekið rögg á sig og leiðrétt kjör aldraðra og öryrkja fyrir jólin. En svo varð ekki.Það var til of mikils ætlast.Alþingi féll á því prófi.

Björgvin Guðmundsson