Réttlætið: Þingmenn 55% hækkun,aldraðir og öryrkjar 9,7%!

ASÍ vekur athygli á því í fréttabréfi sínu,að alþingismenn fengu 55% kauphækkun á síðasta ári. Á sama tíma hækkaði lífeyrir aldraðra og öryrkja um 9,7%.Ráðherrar fengu á sama tíma 46% launahækkun.Þetta eru þeir aðilar,þingmenn og ráðherrar sem neita öldruðum og öryrkjum um mannsæmandi kjarabætur; skammta þeim 9,7% hækkun á sama tíma og þeir taka sér sjálfir 46-55% kauphækkanir! Er ekki kominn tími til þess að alþingi og ríkisstjórn hysji upp um sig buxurnar og leiðrétti myndarlega kjör aldraðra og öryrkja.Þessir aðilar vita,að það er ekki unnt að lifa af 200 þúsund króna lífeyri.Þeir sem hafa einungis lífeyri frá almannatryggingum geta ekki dregið fram lífið án aðstoðar ættingja eða hjálparstofnana.Breytt skerðingarákvæði hjálpa ekki þessum verst stöddu. Það breytIr engu fyrir þennan hóp þó ríkisstjórnin segist ætla að draga úr skerðingum vegna atvinnutekna einhvern tímann á kjörtímabilinu.

Þessi hópur hefur engar atvinnutekjur.

 

Björgvin Guðmundsson

Ný stjórn ætlar ekki að bæta kjör aldraðra; eflir heldur ekki heilbrigðiskerfið!

 

 

 

Það er nú alveg komið í ljós,að ný ríkisstjórn ætlar ekkert að gera til þess að bæta kjör aldraðra og öryrkja.Stjórnin ætlar heldur ekkert að gera til þess að efla Landsspítalann eða heilbrigðskerfið.Það verður ekkert gert til þess að efa velferðarkerfið.

  Bæði Viðreisn og Björt framtíð lofuðu því fyrir kosningar að bæta stöðu aldraðra og öryrkja og þessir flokkar lofuðu því einnig að efla heilbrigðiskerfið.En þessar yfirlýsingar hafa allar reynst svik og lygi.Það er ekki meiningin að gera neitt til þess að efna þessi loforð. Óttar Proppe formaður Bjartrar framtíðar segir nú,að  þetta hafi ekki verið kosningaloforð heldur kosningaáherslur.Þessi nýi ráðherra er með öðrum orðum strax kominn með sömu klækina og þeir sem lengi hafa verið ráðherrar; því er nú haldið fram,að loforð,sem hann gaf fyrir kosningar hafi ekki verið loforð,heldur áherslur!!

Það er alveg ljóst,að fagurgali Viðreisnar og Bjartrar framtíðar fyrir kosningar hafði aðeins þann tilgang að hjálpa þessum flokkum að ná völdum en ekki að standa við stórar yfirlýsingar um bætta stöðu aldraðra eða bætt heilbrigðiskerfi.Það kom skýrt fram á alþingi við umræður um ríkisfjármálaáætlun næstu 5 árin,að ekki er ætlunin að láta neitt nýtt fjármagn i Landspítalann eða heilbrigðiskerfið.Án nýs fjármagns verður heilbrigðiskerfið ekki eflt.Ákvæði stjórnarsáttmála um að heilbrigiskerfið sé í forgangi er marklaust án nýs fjármagsn.

Björgvin Guðmundsson

Skattar á lífeyri eru alltof háir

80% af fjármagni lífeyrissjóðanna eru  vextir og verðbætur.Það ætti því að skattleggja lífeyrinn eins og fjármagnstekjur en ekki eins og venjulegar tekjur eins og gert er í dag.A.m.k. ætti að skattleggja 4/5 hluta hans sem fjármagnstekjur.Einnig eru skattar á lífeyri almannatrygginga alltof háir.Lífeyrir aldraðra og öryrkja,sem einungis hafa lífeyri frá almannatryggingum er það lágur,að hann ætti að  vera skattfrjáls.

Það mundi bæta kjör aldraðra og öryrkja verulega, ef framangreindar kröfur næðu fram að ganga: 20 % skattur af lífeyri úr lífeyrissjóðum og skattfrelsi lífeyris frá TR.

Björgvin Guðmundsson

Neikvæð afstaða stjórnvalda til öryrkja!

Árið 2003 var gert samkomulag um það  milli öryrkja og stjórnvalda að taka upp svonefnda aldurstengda örorkuuppbót.Skyldi hún fyrst og fremst verða til aðstoðar þeim, sem hefðu orðið eða yrðu ungir öryrkjar og fengju því ekki greiðslur úr lífeyrissjóði (eða mjög lágar greislur.) Garðar Sverrisson var þá formaður Öryrkjabandalags Íslands og Jón Kristjánsson var heilbrigðisráðherra af hálfu Framsóknarflokksins.Þetta var mjög mikilvægur áfangi í réttindabaráttu öryrkja.Samkomulagið var mjög mikilvægt.Samkvæmt því átti ríkið að láta 1,5 milljarða í framkvæmd þess fyrsta árið.En þegar til kom stóð ríkið ekki við samkomulagið að fullu,heldur lét aðeins 1 milljarð í framkvæmdina.  Það  strandaði á Sjálfstæðisflokknum,samstarfsflokknum,að fá allt umsamið fjármagn í aldurstengdu örorkuppbótina.Ekki í fyrsta og eina skiptið sem slíkt strandar á Sjálfstæðisflokknum.En þrátt fyrir það var mikil bót að þvi fyrir öryrkja að fá aldurstengdu örorkuuppbótina.

En fyrir mörgum árum var aldurstengda örorkuuppbótin í raun felld inn í framfærsluuppbótina.Guðmundur Magnússon,sem þá var formaður Öryrkjabandalagsins mótmælti því harðlega og sagði: Öryrkjar njóta ekki aldurstengdu örorkuuppbótarinnar lengur,þar eð hún fellur inn í framfærsluuppbótina.Þetta ( aldurstengda örorkuuppbótin) er þvi ónýtur bótaflokkur. 

Því miður kemur það hvað eftir annað fram,að stjórnvöld eru neikvæð gagnvart öryrkjum.Þetta kom vel fram hjá síðustu ríkisstjórn  ,sem ætlaði að skilja öryrkja eftir,þegar breytingar voru gerðar á almannatryggingalögunum;´það átti að refsa öryrkjum af því að þeir vildu ekki samþykkja starfsgetumat.Að lokum voru öryrkjar hafðir með í frumvarpinu en með miklu verri ákvæðum en aldraðir; krónu móti krónu skerðingin gildir áfram  fyrir öryrkja,þannig að ef þeir fá aðrar tekjur en lífeyri TR t.d.,20-50 þúsund kr er sama upphæð dregin af lífeyri þeirra strax! Þetta er fáheyrt og sýnir neikvæða afstöðu stjórnvalda til öryrkja.

 

Björgvin Guðmundsson

Mannréttindi brotin á öldruðum og öryrkjum!

Ísland er aðili að mörgum alþjóðlegum mannréttindasáttmálum.Mikilvægastur þeirra er mannréttndayfirlýsing Sameinuðu þjóðanna.Samkvæmt henni eiga allir rétt á félagslegu öryggi.Og allir eiga rétt á lífskjörum,sem nauðsynleg eru til verndar heilsu og vellíðan þeirra og fjölskyldna þeirra svo og rétt á félagslegri þjónustu,rétt til öryggis vegna veikinda,elli eða annars sem skorti veldur.Öll mismunun er bönnuð; eldri borgarar eiga að njóta sama réttar og aðrir þegnar þjóðfélagsins.Einnig eru ákvæði í stjórnarskránni,sem segja,að veita eigi aðstoð öldruðum og öryrkjum, ef þörf er á.Það er ekki verið að framfylgja mannréttindaákvæðum  eða ákvæðum í stjórnarskrá á sama tíma og ákveðinn fjöldi aldraðra og öryrkja hefur ekki fyrir mat í lok mánaðar; verður hvað eftir annað að neita sér um að fara til læknis og getur iðulega ekki leyst út lyfin sin.Það er til skammar,að slíkt skuli eiga sér stað á Íslandi,sem vill telja sig velferðarríki.Ráðamenn verða að taka sig til og bæta kjör þeirra,sem verst eru staddir i þjóðfélaginu.Það er ekki nóg að stórbæta kjör þeirra,sem vel eru settir,embættisanna,dómara,alþingismanna og ráðherra.Það þarf að jafna kjörin í landinu.

Björgvin Guðmundsson

Einkavæðing heilbrigðiskerfisins?

 

 

Það  hefur verið óttast,að valdataka hægri stjórnarinnar gæti leitt til þess,að einkarekstur yrði innleiddur að einhverju leyti í heilbrigðiskerfinu.Upplýst var í gær,að fyrstu skrefin í þessa átt hefðu verið stigin.Leyfi hefur verið veitt til þess að stofna einkarekna legudeild í Ármúla, lítinn einkaspítala. Engum mun hafa dottið í hug, að einkarekstur í heilbrigðiskerfinu mundi  hefjast svo fljótt eftir að ný hægri stjórn hefði tekið við völdum.

Það er  Klinikin í Ármúla sem sótti um leyfi til þess að reka 5 daga legudeild í Ármúla 9. Hjálmar Þorsteinsson framkvæmdastjóri Klinikurinn,bæklunarlæknir segir,að legudeildin verði opnuð til þess að stytta biðlista.Klinikin rekur 4 skurðstofur í Ármúla og eru þær útbúnar til kennslu. Klinikin á eftir að semja við Sjúkratryggingar Íslands.- Klinikin sinnir bæklunarlækningum,æðaskurðlækningum og gigtarlækningum.

Ég óttast, að með því að hefja einkarekstur legudeilda sé opnuð leið til þess að halda áfram á þeirri braut.Hægri ríkisstjórnir eru tregar til þess að veita fjármagni til reksturs heilbrigðiskerfisins. Ekki fékkst ein einast króna í að bæta við heilsugæslustöðvum fyrstu ár Krisjáns Þórs Júlíussonar sem heilbrigðisráðherra en um leið og hann ákvað að stofna einkaheilsugæslustöðvar voru nógir peningar til.Og þá voru stofnaðar nýjar heilsugæslustöðvar.Okkar  spítalar hafa  verið reknir af hinu opinbera og ég tel best,að þannig verði það áfram.En ríkið verður að leggja þeim til nægilegt fé.87 þúsund  Íslendingar skrifuðu  undir undirskriftasöfnun Kára Stefánssonar um að þeir vildu leggja heilbrigðiskerfinu til 11% af landsframleiðslu eins og hin Norðurlöndin.En samt lætur nýja ríkisstjórnin ekkert nýtt fjármagn í heilbrigðiskerfið!

Björgvin Guðmundsson

Engir peningar í heilbrigðiskerfið eða bætt kjör aldraðra!

Ríkisstjórnin ætlar ekki að láta neitt nýtt fjármagn í heilbrigðiskerfið eða málefni aldraðra.Þetta var staðfest við umræður um stefnuræðu forsætisráðherra. Katrín Jabobsdóttir formaður VG vakti athygli á þessu og sagði,að Sjálfstæðisflokkurinn ætlaði aðeins að treysta á hagsveifluna!

Samkvæmt þessu er setningin: Heilbrigðiskerfið verður í forgangi, dauður bókstafur.Það gerist ekkert til þess að efla heilbrigðiskerfið á ný,þegar ekkert fjármagn er látið í það.Það er aðeins blekking.

Ekki er minnst á það einu orði í stjórnarsáttmálanum að bæta eigi kjör aldraðra og öryrkja enda þótt Viðreisn og Björt framtíð töluðu fallega fyrir kosningar um það.En það voru líka blekkingar.Það eina,sem á að gera er að auka eitthvað á ný frítekjumark vegna atvinnutekna einhvern tímann á kjörtímabilinu!

Síðan er ríkisstjórnin að gæla við það á ný að taka upp starfsgetumat fyrir öryrkja og afnema læknisfræðilegt mat.Fyrri ríkisstjórn hætti við þá ráðagerð vegna andstöðu Öryrkjabandalagsins.Ekkert hefur heyrst hvort Öbi hafi breytt um skoðun á málinu og samþykkt málið.Starfsgetumati verður ekki komið á í andstöðu við 0ryrkja.Síðan er ríkisstjórnin einnig aftur að tala um að koma sem flestum öryrkjum út á vinnumarkaðinn.Ef einhver árangur á að nást í því efni þarf atvinnulífið alveg að breyta um afstöu til öryrkja og taka upp jákvæðari afstöðu,samþykkja hlutastörf og átta sig á,að öryrkjar hafa ekki fullt starfsþrek.En ekkert heyrist frá ríkisstjórninni um að hún vilji bæta kjör þeirra, sem verst eru staddir meðal öryrkja og aldrðra.Þeir virðast eiga að hafa áfram 200 þúsund krónur á mánuði og rúmlega það eftir  skatt á sama tíma,sem peningum er rótað í alþingismenn,ráðherra og embættismenn. Það eru nógir peningar til þegar þessir hópar eru annars vegar.

 

Björgvin Guðmundsson

Logi:Kjör aldraðra ekki fullnægjandi!

 

 

 

Logi Einarsson formaður Samfylkingarinnar gagnrýndi stjórnarsáttmála nýrrar ríkisstjórnar í umræðu um stefnuræðu forsætisráðherra. Sagði hann að lítið samræmi væri á milli hans og þeirra kosningaloforða sem flokkarnir gáfu.

Logi nefndi þar loforð eins og þjóðaratkvæðagreiðslu um aðildarviðræður að Evrópusambandinu, breytingar á stjórnarskrá og uppbyggingu heilbrigðis- og menntakerfis.Þegar vörur væru gallaðar væri unnt að skila þeim.   Ekki vægt hægt að skila atkvæði eins og gallaðri vöru.

Logi nefndi að vísitölur segðu litla sögu - á bak við þær byggi fólk við alltof ólík kjör. Yfir 6000 börn byggju við fátækt á Íslandi og kjör aldraðra og öryrkja væru ekki fullnægjandi. Jafna þyrfti byrðar fólks. Ríkisstjórnin boðaði hins vegar meiri ójöfnuð.

Þá sagði hann að ekki væri sjálfgefið að ungt íslenskt fólk veldi að búa á Íslandi. Það þyrfti að grípa til aðgera til að ungar fjölskyldur lentu ekki á vergangi vegna of hárrar leigu og of hás húsnæðiskostnaðar. Stjórnarsáttmálinn setti húsnæðismálin ekki í forgang. Hann lagði einnig áherslu á að þó að þeim störfum fjölgaði sem unnin væru með tölvum ætti að tryggja að ágóðinn af því rynni einnig samfélagsins, ekki aðeins til fyrirtækjanna-Ný skoðunarkönnun Maskínu leiðir í ljós,að fylgi stjórnarflokkanna er komið niður  i 25%. Það er óvenju lítið hjá  nýrri ríkisstjórn.

Björgvin Guðmundsson

 

 

Aukagreiðsla þingmanna hærri en mánaðarlaun aldraðra og öryrkja! Alþingi brást!

 

 

 

Nær þriðjungur þingmanna getur fengið 265 þúsund krónur í fastar greiðslur ofan á þingfararkaup sitt samkvæmt reglum Alþingis.

Mikið hefur verið rætt um miklar launahækkanir alþingismanna,ráðherra og embættismanna, sem kjararáð ákvað sl haust.Laun þingmanna hækkuðu þá um 44% og föst laun þingmanna hækkuðu i 1100 þúsund krónur á mánuði fyrir skatt. En þar með er  ekki nema hálf sagan sögð um laun þingmanna.Með öllum aukagreiðslum geta laun þingmanna,sem sitja sem formenn nefnda og eiga lögheimili út á landi,farið í 2 milljónir á mánuði og rúmlega það. Árið  2015 hafði 1/3 hluti þingmanna 265 þúsund króna aukagreiðslur á mánuði vegna húsnæðisuppóta, ferðakostnaðar og starfskostnaðar.Formenn nefnda böfðu  97.717 kr aukagreiðslu á mánuð fyrir það starf.Varaformenn nefnda höfðu rúmlega 65 þúsund kr  aukagreiðslu á mánuði.2.varaformaður nefndar hafði 32 þúsund kr aukagreiðslu á mánuði fyrir starfið .Þingmenn landsbyggðarinnar höfðu 128.800 kr á mánuði  í aukagreiðslur fyrir húsnæðis-og  dvalarkostnaði og þar til viðbótar 40% álag ef viðkomandi þingmaður verður að halda 2 heimili eða alls 180 þúsund kr á mánuði.-Trúlega hafa framangreindar greiðslur hækkað eitthvað frá 2015.

Árið 2015 voru laun þinganna,þingfararkaup, 651 þúsund kr á mánuði.Nú er það 1100 þúsund á mánuði fyrir skatt.Það hefur hækkað um 68% en lífeyrir aldraðra og öryrkja er nú 197 þúsund  á mánuði eftir skatt hjá giftum og sambúðarfólki; hefur hækkað um 14%. Frá 2015. Þingmenn hafa  hins vegar tekið sér 68% kauphækkun fastakaups frá 2015 en á sama tíma og þeir hafa aðeins látið aldraða og öryrkja fá 14% hækkun,þ.e. þá sem eingöngu hafa lífeyri frá almannatryggingum.Lífeyrir giftra eldri borgara er enn innan við 200 þúsund á mánuði en fastakaup þingmanna 1100 þúsund á mánuði.Geta þingmenn horft framan í þjóðina eftir þessa frammistöðu.Þeir taka sér sjálfir 1100 þúsund kr á mánuði fyrir utan aukagreiðslur en láta aldraða og öryrkja,sem búa með öðrum fá 197 þúsund kr á mánuði eftir skatt.Þingmenn skjóta sér á bak við kjararáð en það dugar ekki. Kjararáð starfar á ábyrgð alþingis.Alþingi lét það viðgangast,að embættismenn,alþingismenn og ráðherrar fengju gífurlegar launahækkanir sl haust og mun meiri en verkafólk og launamenn almennt höfðu fengið.Alþingi brást í málinu.Það sat með hendur í skauti og lét málið renna í gegn.Alþingismenn verða að taka sér tak.

Björgvin Guðmundsson

 

Afnema á skerðingu vegna greiðslu úr lífeyrissjóði!

Þegar lífeyrissjóðirnir voru stofnaðir var gert ráð fyrir því,að þeir yrðu viðbót við almannatryggingar.Það kom aldrei til greina,að lífeyrissjóðirnir yrðu til frádráttar lífeyri almannatrygginga.Um þetta ber öllum verkalýðsleiðtogum,sem fylgdust með málinu,saman.Lífeyrissjóðirnr voru stofnaðir til þess að sjóðfélagar gætu notið þeirra í hærri lífeyri á eftirlaunaaldri.

Þegar eldri borgarar,sem hafa greitt í lífeyrissjóð alla sína starfsævi, komast á eftirlaun og  ætla að fara að njóta sparnaðarins í lífeyrissjóðnum er það algert reiðarslag fyrir þá að verða þess varir, að Tryggingastofnun hefur hrifsað drjúgan hluta lífeyrissjóðsins eða ígildi hans.Það var ekki það,sem um var talað, þegar lífeyrissjóðirnir voru stofnaðir.Margir eldri borgarar líta á þessa skerðingu sem svik.

Nú,þegar mynduð hefur verið ný ríkisstjórn,m.a. með tveimur flokkum,sem sögðu fyrir kosningar,að þeir vildu bæta kjör aldrarða,þe. Björt framtíð og Viðreisn verður að gera þá kröfu til ríkisstjórnarinnar að hún afnemi þessa skerðingu tryggingalífeyris vegna lífeyrissjóða.Nýr félagsmálaráðherra,sem hefur með málefni almannatrygginga að gera,ætti að taka þetta mál strax fyrir.Það þarf að afnema skerðinguna strax.Þjóðfélagið hefur það mikið af peningum í dag,að þetta ætti að vera auðvelt.Til þess að auðvelda framkvæmdina mætti framkvæma málið í tvennu lagi.Aðalatriðið er,að það verður að leiðrétta þetta ranglæti.Eldri borgarar,sjóðfélagar,eiga lífeyrinn í lífeyrissjóðunum.Ríkið,Tryggingastofnun  hafa ekki neitt leyfi til þess að skerða þennan lífeyri.Það verður að afnema skerðinguna.

 

Björgvin Guðmundsson