"Frumvarpið herðir sultaról hinna verst settu"

Harpa Njáls félagsfræðingur  hefur ritað Eygló Harðardóttur félagsmálaráðherra opið bréf um frumvarpið um almannatryggingar.Hún segir: "Boðaðar breytingar munu herða sultaról hinna verst settu og njörva fjölda fólks í fátæktargildru.Því verður að afstýra.Ég skora á ráðherra að stoppa fyrirhugaðar breytingar á lögum áður en skaðinn er skeður.Því er skorað á ráðherra að halda grunnlífeyri óbreyttum,sem rúmlega 90% aldraðra njóta óskerts,frítekjumörk atvinnutekna verði óbreytt og frítekjumörk lífeyrissjóðsgreiðslna verði hækkuð til samræmis við hin fyrrnefndu.Það mun draga úr fátækt og skorti.

Ég er sammmála Hörpu Njáls. Ég hef gagnrýnt það harðlega að frumvarpið skuli ekki gera ráð fyrir neinni hækkun á lægsta lífeyri Ég tel nauðsynlegt að hækka hann verulega,í 300 þúsund á mánuði.Ég tek undir hugmynd Hörpu Njás um að frítekjumark atvinnutekna verði óbreytt.En helst vildi ég afnema alveg tekjutengingar.

Björgvin Guðmundsson

Stjórnarskráin brotin á öldruðum og öryrkjum!

Samkvæmt 76.grein stjórnarskrárinnar skal tryggja öldruðum og 0ryrkjum aðstoð, ef þarf.Það liggur fyrir bæði hjá Félagi eldri borgara í í Reykjavík og hjá hjálparstofnunum, að þeir lægst launuðu meðal aldraðra og öryrkja þurfa aukna aðstoð. Þeir geta ekki framfært sig af 186 þúsund krónum á mánuði eftir skatt,þeir sem búa með öðrum en það er sú upphæð,sem ríkisstjórnin skammtar þessum hóp aldraðra og öryrkja.Það er engin leið að láta enda ná saman með þessari hungurlús frá ríkisstjórninni.Auk þess tel ég ,að jafnræðisregla stjórnarskrárinnar sé brotin á öldruðum og öryrkjum,þegar allar stéttir þjóðfélagsins fá miklar kjarabætur eins og gerðist á síðasta ári en aldraðir og öryrkjar voru þá einir skildir eftir og þeim sagt,að þeir gætu beðið fram á þetta ár!.Það fengu nær allir aðrir afturvirkar kjarabætur!

Eygló Harðardóttir félagsmálaráðherra mundi allt í einu eftir stjórnarskránni þegar hún var í viðtali við RÚV í fyrradag um frv um almannatryggingar.Hún vitnaði þá í 76.gr stjórnarskrárinnar, ekki því til staðfestingar að hækka þurfti lægsta lífeyrinn,nei heldur til að rökstyðja það að aðeins þyrfti að aðstoða þá,sem ekki hefðu lífeyrissjóð.En hún vitnaði ekki í rétta grein.Samkvæmt stjórnarskránni er eignarrétturinn friðhelgur.Það má því ekki skerða lífeyri aldraðra og öryrkja í lífeyrissjóðum.En ég lit þannig á,að þegar Tryggingastofnun skerðir lífeyri aldraðra hjá TR vegna greiðslna úr lífeyrissjóði sé það ígildi eignarnáms á lífeyri aldraðra,sem þeir hafa sparað á langri starfsævi.Ríkið má ekki skerða þennan lífeyri eða ígildi hans.Ég tel slíkt brot á stjórnarskránni.Það er ekkert til sem heitir eignarnám að hluta til. Þess vegna verður að afnema skerðinguna alveg. Ekki er nóg að draga úr henni.

Frumvarpið um almannatryggngar gerir ekki ráð fyrir,að lægsti lífeyrir hækki um eina krónu.Hann er óbreyttur.

Eygló ætti að sjá sóma sinn í því að hækka verulega lægsta lífeyri aldraðra og öryrkja við afgreiðslu frv á alþingi.Lífeyrir verður að duga til framfærslu.Annað er brot á stjórnarskránni.

Björgvin Guðmundsson

 

Uppgjör föllnu bankanna kom vel út fyrir ríkið

 

Steingrímur J.Sigfússon fyrrverandi fjármálaráðherra var í kastljósi í  fyrradag í viðtali um prívatskýrslu Vigdísar Hauksdóttur og  Guðlaugs Þórs um endurreisn viðskiptabankanna í upphafi bankahrunsins.Helgi Seljan ræddi við Steingrím.

Í prívatskýrslunni er Steingrímur J. Sigfússon borinn þungum sökum. Hann er sakaður um að hafa afhent kröfuhöfum bankana á alltof lágu verði. Steingrímur J sagði,að ekki væri fótur fyrir þessum áskunum. Hann rifjaði upp,að þeir Árni J.Mathiesen þá fjármálaráðherra og Davíð Oddsson þá Seðlabankastjóri hefðu í bréfi til Alþjóðagjaldeyrissjóðsins fullvissað sjóðinn um það,að  við yfirtöku og endurreisn bankanna yrði farið að lögum og stjórnarskrá,þar á meðal skiptalögum og  ekki tekið meira af kröfuhöfum en lög leyfðu. Ríkisstjórnin  hefði ekki haft neitt sjálfdæmi um það  hvað mikið yrði tekið af kröfuhöfum. Það hefði verið háð mati óháðra endurskoðunarfyrirtækja.Ríkisstjórnin hefði falið endurskoðunarfyrirtækjum,innlendum og erlendum, að framkvæma hlutlaust mat á verðmæti eigna slitabúa bankanna. Það mat hefði verið lagt til grundvallar,þegar ríkisstjórnin ákvað að  selja  kröfubhöfum stóran hlut í föllnu bönkunum. Kröfuhafar áttu stærstan  hluta þessara banka og ríkið hafði ekki bolmagn til þess að eignast þá.Almennt var talið,að ríkið hefði farið vel út úr endureisn viðskiptabankanna.Og endanlegt uppgjör leiðir í ljós,að ríkið fer með hagnað út úr þessum viðskiptum.

Gagnrýni Vigdísa Hauksdóttur og Guðlaugs Þórs gengur m.a. út á það,að fjármálaráðuneytið hafi tekið fram fyrir hendurnar á Fjármálaeftirlitinu með  samningum við  kröfuhafa föllnu bankanna. Þessari fullyrðingu hafnar Fjármálaeftirlitið  í yfirlýsingu 29.janúar 2015 og segir,að viðræður fjármálaráðuneytisins við kröfuhafa hafi verið í fullu samræmi við skilyrði  Fjármálaeftirlitsins og  Alþjóðagjaldeyrissjóðsins.

 Mín skoðun: Það er einnig algert rugl,að Steingrímur hafi verið að semja við kröfuhafana á einhverjum óeðlilegum grundvelli ( gefið kröfuhöfum bankana!).Það var fjöldi virtra sérfræðinga í samninganefnd fjármálaráðuneytsins,sem annaðist samninga fyrir ráðuneytið. Og samninganefndin studdist við mat virtra endurskoðunarfyrirtækja á verðmæti þrotabúanna.Einnig er það rangt, að ráðuneytið eða ríkisstjórnin hafi haft eitthvað með það að gera  hverjir fengu afskriftir í bönkunum. Um það var ekkert fjallað fyrr en nýju bankarnir höfðu tekið til starfa  og þeir bankar störfuðu sjálfstætt og tóku ákvarðanir um allar afskriftir án afskipta stjórnvalda.“Skýrsla“ Vigdísar og Guðlaugs er algert vindhögg.Það var misnotkun á þingnefnd að kenna "skýrsluna" við meirihluta fjárlaganefndar."Skýrslan" var aldrei lögð fyrir nefndina.

Björgvin Guðmundsson

Sameining lífeyrisflokka bætir ekki kjörin

 

 

 

Eygló Harðardóttir félagsmálaráðherra  var í viðtali á RUV í gær um frumvarpið um almannatryggingar. Þar sagði hún, að með frumvarpinu væru margir bótaflokkar sameinaðir í einn flokk,sem kallaður yrði ellilífeyrir.Talaði hún mjög fjálglega um þessa sameiningu eins og þetta væri einhver kjarabót fyrir lífeyrisþega. En svo er ekki.Það felst engin kjarabót í sameiningu margra lífeyrisflokka. Í dag eru helstu flokkarnir þessir: Grunnlífeyrir,tekjutrygging,heimilisuppbót og síðan sérstök uppbót sem kölluð er framfærsluuppbót.Þessir flokkar verða allir sameinaðir í einn.En það bætir ekki kjörin.Eygló sagði ekki eitt einasta orð um nauðsyn þess að bæta kjör þeirra lífeyrisþega,sem verst hefðu kjörin.

Eygló viðurkenndi,að staða þeirra eldri borgara,sem væru á vinnumarkaði mundi versna ,þar eð frítekjumörk væru felld niður og 45% skerðingarhlutfall kæmi í staðinn; reyndar gildir það vegna allra tekna sem lífeyrisþegar hafa aðrar en frá almannatryggingum.Hins vegar mundi skerðing vegna greiðslna úr lífeyrissjóði minnka. Spyrjandi RÚV spurði hvort ekki mætti afnema allar tekjutengingar. Fólk væri búið að spara alla sína starfsævi í lífeyrissjóði og ætti þann sparnað. En Eygló neitaði því.Hún sagði,að ríkið ætti aðeins að greiða lífeyri (aðstoða  ) til þeirra,sem þyrfu á því að halda en ekki til þeirra sem hefðu bærilegan lífeyrissjóð.Þetta er alrangt.Lífeyrissjóðirnir áttu að vera viðbót við almannatryggingar en ekki að koma í stað þeirra.Ekki von, að Framsóknarmenn viti það.Almannatryggingar eru fyrsta stoðin og lífeyrissjóðir önnur stoðin en ekki öfugt.Það er alltaf verið að halda því fram í seinni tíð,að almannatryggungar eigi að vera einhver fátækraframfærsla.En það er ekki rétt. Þetta eru tryggingar,sem allir vinnufærir menn eru búnir að greiða til alla sína starfsævi með tryggingagjaldi og sköttum.Borgararni eiga rétt á á greiðslum úr almannatryggingum.Þetta er engin ölmusa,sem misvitrir stjórnmálamenn geti ráðskast með.Það verður að laga frumvarpið,hækka lægsta lífeyrinn,sem er smánarlega lágur í dag,186 þúsund krónur eftir skatt hjá þeim,sem búa með öðrum. Það verður einnig að taka upp á ný eitthvað frítekjumark fyrir atvinnutekjur svo staða þeirra,sem eru á vinnumarkaði verrsni ekki eins og frv gerir ráð fyrr. Helst ætti að afnena alveg tekjutengingar og fella allar skerðingar niður.

Björgvin Guðmundsson

 

 

Lífeyrir hækki myndarlega strax!

Í gær rann út frestur til þess að senda alþingi umsögn um frv um almannatryggingar.Ég sendi umsögn í tæka tíð.Það,sem ég lagði áherslu á í umsögninni var eftirfarandi:

Hækka þarf lífeyri myndarlega strax hjá þeim öldruðum og öryrkjum,sem eru á " strípuðum lífeyri" ,þ.e, hafa hvorki greiðslur úr lífeyrissjóði né tekjur af atvinnu eða fjármagni.Ekki er gert ráð fyrir neinni hækkun á þessum lífeyri í frumvarpinu. Hann er upp á krónu óbreyttur þó ótrúlegt sé.Þannig lagði Eygló og ríkisstjórnin frumvarpið fram.Þá lagði ég einnig til,að dregið yrði úr skerðingu lífeyris almannatrygginga vegna atvinnutekna svo eldri borgarar gætu farið í hlutastörf eða full störf,ef þeir hefðu áhuga á því og heilsa leyfði.En samkvæmt frv eykst skerðing vegna atvinnutekna frá því sem nú er. Einnig sagði ég,að æskilegast væri að afnema tekjutengingar alveg,þ.e. afnema allar skerðingar á lífeyri TR vegna tekna aldraðra og öryrkja.

 Það er með ólíkindum,að frumvarpið skuli hafa verið lagt fram með óbreyttum lífeyri og aukinni skerðingu vegna atvinnutekna. Stjórnvöld segjast vilja greiða fyrir atvinnuþátttöku aldraðra. Þetta er skrítin aðferð til þess.

Björgvin Guðmundsson

Frv bætir ekki hag þeirra,sem verst eru staddir!

Í dag rennur út frestur til þess að senda alþingi umsögn um frumvarp ríkisstjórnarinnar um almannatryggingar. Allir geta sent umsögn.Því miður bætir frumvarpið ekki hag þeirra,sem verst eru staddir,þ.e. þeirra sem eru á "strípuðum lífeyri" sem svo er kallaður.Samkvæmt frumvarpinu á lífeyrir þessara eldri borgara og öryrkja áfram að  vera 212 þúsund á mánuði fyrir skatt eða 186 þúsund á mánuði eftir skatt, hjá þeim,sem búa með öðrum.Mér finnst það furðulegt að ráðherra og ríkisstjórn skuli leggja frumvarpið fram með þessum lága lífeyri,þegar það liggur fyrir,að hann dugar ekki til framfærslu.Harpa Njáls,sem er sérfróð um þessi mál segir,að frumvarpið muni hneppa fleiri í skort og fátækt.Hún skorar á ráðherra að draga frumvarpið til baka og endurbæta það.Ég tek undir það.

Þá er það svo,að skerðing lífeyris almannatrygginga vegna atvinnutekna mun aukast samkvæmt frumvarpinu. Það verður því verra en áður fyrir eldri borgara að fara út á vinnumarkaðinn. Skerðing lífeyris TR vegna greiðslna úr lífeyrissjóðum mun hins vegar minnka. En ég tel,að afnema eigi þá skerðingu með öllu,þar eð sjóðfélagar eiga lífeyrinn í lífeyrssjóðunum og greiðslur úr þeim eiga ekki að valda neinni skerðingu lífeyris TR að mínu áliti. Samkvæmt frumvarpinu verður grunnlífeyrir felldur niður.Af þeim sökum og fleiri ástæðum styður Félag eldri borgara í Reykjavík ekki frumvarpið.Ljóst er,að frumvarpið er meingallað og ekki tækt til afgreiðslu.

Ég tel,að hvorki velferðarnefnd né alþingi geti afgreitt frumvarpið nema lægsti lífeyrir verði áður stórhækkaður. Hann verður að duga til framfærslu

Björgvin Guðmundsson

Vita ekki,að lægsti lífeyrir er undir 200 þúsund á mánuði!

 

Mér finnst ótrúlegt hvað almennt er lítið vitað um bág kjör þeirra, sem verst eru staddir meðal aldraðra og öryrkja.Jafnvel  finnast alþingismenn, sem vita ekki, að hópur aldraðra og öryrkja býr við skort.

 Einhverju sinni  hafði ég skrifað grein um kjaramál aldraðra og öryrkja og nefndi tölur um lægsta lífeyrinn.Ég sagði, að þeir sem ekki hefðu greiðslur úr lífeyrissjóði eða af atvinnutekjum væru með 185 þúsund krónur á mánuði eftir skatt, ef þeir væru í sambúð eða hjónabandi. Og einhleypir hefðu 207 þúsund eftir skatt.Blaðamanninum,sem tók við greininni frá mér, þóttu þessar tölur svo ótrúlegar,að hann sendi mér tölvupóst og spurði hvort tölurnar voru réttar, hélt að þetta væri prentvilla eða pennaglöp. En tölurnar voru réttar og eru réttar. En þær  eru ótrúlegar. En ennþá ótrúlegra er þó það, að fyrir alþingi skuli liggja lagafrumvarp um að þessar lágu upphæðir  verði  lögfestar óbreyttar.Og sumir þingmenn telja, að frumvarpið bæti kjör allra og þar á meðal þeirra, sem hafa lægsta lífeyrinn!

Þeir, sem hafa 500-600 þúsund á mánuði  í laun og jafnvel 7-800 þúsund á mánuði eiga erfitt með að skilja,að einhver hafi í kringum 200 þúsund og eigi að lifa af því; eigi þar af að greiða öll útgjöld sín, þar á meðal húsaleigu eða afborgun og vexti af íbúðarlánum, rafmagn og hita,matvæli,fatnað, rekstur bíls eða annan samgöngukostnað, afnotagjöld af síma, sjónvarpi og tölvu, afþreyingu, gjafir til barnabarna, lyf og lækniskostnað. Það er engin leið að láta þessa  hungurlús,sem ríkisstjórnin skammtar til aldraðra og öryrkja duga fyrir öllum þessum útgjöldum (þá sem eru á lægsta lífeyrinum).Enda hefur Félag eldri borgara í Reykjavík  margoft upplýst, að vissir eldri borgarar hringi til félagsins í lok  mánaðar og segi frá því, að þeir eigi ekki fyrir lyfjum, læknishjálp eða jafnvel mat. Þetta er í velferðarþjóðfélaginu,Íslandi, þar sem ráðherrar guma af því nær daglega, að ástandið í þjóðfélaginu sé mjög gott!

Alþingi heldur ekki þingfundi næstu daga, ekki fyrr en á mánudag. Það verða nefndafundir.Það styttist því enn sá tími sem ráðherrar og stjórnarliðar hafa til þess að efna stóru kosningaloforðin, sem þeir gáfu öldruðum og öryrkjum 2013.Það eru aðeins 7 þingfundardagar eftir. En ef vilji er fyrir hendi dugar það.Stjórnarliðar ættu að taka  rögg á sig og efna loforðin á þessum 7 dögum og ganga til kosninga með hreint borð.Ef þeir gera það ekki er hinn kosturinn þessi: Að hætta við framboð og draga sig i hlé vegna þess að þeir hafa svikið kjósendur.Þeirra er valið.

 

Björgvin Guðmundsson

 

Sigurður Ingi hefur ekkert gert í kjaramálum aldraðra og öryrkja!

Sigurður Ingi Jóhannsson forsætisráðherra sagði í ræðu 17.júní,að enginn ætti að líða skort á Íslandi.Ég sagði í beinu framhaldi af því,að það væru hæg heimatökin hjá Sigurði Inga,að gera eitthvað í því máli.Hann gæti hækkað lífeyri aldraðra og öryrkja.Það mál heyrði undir ríkið og hann sem forsvarsmaður ríkisins gæti tekið til hendinni þar.Þeir,sem verst væru staddir meðal aldraðra og 0ryrkja ættu ekki fyrir öllum útgjöldum,svo naumt skammtaði ríkið.Þeir yrðu að neita sér um að fara til læknis eða sleppa því að leysa út lyf sín og stundum ættu þeir ekki fyrir mat í lok mánaðar samkvæmt því sem Félag eldri borgara hefði upplýst.Þetta allt vissi Sigurður Ingi. En hann gerði ekkert í því.Ég sendi honum opið bréf og skoraði á hann að leiðrétta kjör þessa fólks. En hann hefur ekki hreyft legg né lið í þessu efni. Ræða hans um málið 17.júní voru  innan tóm orð,sem hann meinti ekkert með.Frumvarp ríkisstjórnarnnar um almannatryggingar hneppir fleiri í skort og fátækt,eykur ójöfnuð og dýpkar gjána milli ríkra og fátækra, eftir því sem Harpa Njáls segir en hún er sérfróð um þessi málefni.

Þeir aldraðir og 0ryrkjar,sem verst eru staddir, hafa 112 þúsund krónur á mánuði fyrir skatt,185 þúsund eftir skatt,miðað við þá sem búa með öðrum.Þessi upphæð er nákvæmlega eins í frumvarpi ríkisstjórnarinnar,112 þúsund á mánuði,hækkar ekki um eina krónu.Þetta er miðað við þá,sem verða eingöngu að reiða sig á almannatryggingar,hafa engan lífeyrissjóð og geta ekki verið á vinnumarkaðnum.Það er hneyksli að leggja frumvarpið fram með þessari upphæð óbreyttri.

Mér virðist Sigurður Ingi hafa fallið á prófinu. Hann hefur ekki staðið sig betur í þessum málaflokki en Sigmundur Davíð eða Bjarni Ben.Sem varaformaður Framsóknarflokksins og forsætisráðherra ber hann jafnmikla ábyrgð og Sigmundur Davíð á að standa við loforðin við aldraða og 0ryrkja frá 2013. En hann hefur svikið þessi loforð rétt eins og Sigmundur Davíð og Bjarni.Það eru 8 dagar eftir af þingtímanum,ef hann vill bæta ráð sitt.

 

Björgvin Guðmundsson

 

Þingrof 29.sept.Efna þarf loforðin fyrir þann tíma!

Tilkynnt var í gær,að þingrof yrði 29.september.Stjórnarflokkarnir þurfa að efna kosningaloforðin fyrir þann tíma.Geri þeir það ekki hafa þeir framið einhver mestu svik á kosningaloforðum í sögunni.

Aðeins 9 þingdagar eru eftir.Alþingismenn vinna ekki mikil afrek á þeim tíma miðað við afköstin á sumarþinginu.Vonir eldri borgara og öryrkja um,að stjórnarflokkarnir efni kosningaloforðin,sem þeim voru gefin í kosningunum 2013 fara dvínandi.Það vantar allan áhuga hjá ráðherrum ríkisstjórnarinnar og raunar öllum stjórnarmeirihlutanum á því að standa við kosningaloforðin,sem öldruðum og öryrkjum voru gefin.Þeir virðast telja í lagi að gefa kjósendum langt nef..Fjármálaráðherrann,Bjarni,hefur margoft sýnt það,að hann er beinlínis fjandsamlegur eldri borgurum og öryrkjum.Það kom greinilega fram í ummælum hans á alþingi við afgreiðslu fjárlaga í fyrra.Það má því reikna með að hann standi gegn öllum raunverulegum kjarabótum til aldraðra og öryrkja.Sigurður Ingi forsætisráðherra er algerlega áhugalaus.Hann vill ekki rugga bátnum.Hann kýs að láta Bjarna ráða.Eygló félagsmálaráðherra lagði fram frumvarp,sem gerir ráð fyrir óbreyttum lífeyri til þeirra,sem minnst hafa. Þeir eiga ekki að fá eina krónu í hækkun. Og þegar minnst var á þetta vandamál á alþingi gerði hún lítið úr málinu og talaði um hvað það væru fáir,sem hefðu lægsta lífeyrinn.Karl Garðarson sagði,að þeir væru 9000.

Fram til þessa hefi ég talið að ríkisstjórnin mundi koma með eitthvað lítilræði,einhverja hungurlús,rétt fyrir kosningar.En ég er nú kominn á þá skoðun,að ráðherrarnir geri ekki neitt.Þeir reyna að afgreiða þetta frumvarp,sem ekkert gagn er í. Harpa Njáls segir,að það muni hneppa fleiri í skort og fátækt,auka ójöfnuð og dýpka gjána milli ríkra og fátækra.

Björgvin Guðmundsson

Allir fengu miklar hækkanir nema aldraðir og öryrkjar.Ekki jafnrétti

Sveinbjörn Eyjólfsson fyrrum aðstoðarmaður Guðna Ágústssonar þá ráðherra,býður sig fram til formanns gegn Sigmundi Davíð Gunnlaugssyni.Sveinbjörn segist leggja mesta áherslu á grunnngildi Framsóknarflokksins,félagshyggju og jafnrétti.Spurningin er þessi: Er það í samræmi við þessi grunngildi,að skilja aldraðra og öryrkja eftir í kjaramálum,þegar allar aðrar stéttir eru að fá miklar kjarabætur.En þannig var það 2015,þegar lágmarkslaun hækkuðu um 14,5% frá 1.mai  og allar aðrar stéttir fengu miklar hækkanir, sumar meira en þetta og alþingismenn,ráðherrar og embætismenn fengu miklar kauphækkanir greiddar 9 mánuði til baka.Tillaga um að veita öldruðum og öryrkjum einnig afturvirkar hækkanir til baka voru felldar af ríkisstjórn Framsóknarflokksins og þingmeirihluta.Varla var þetta í samræmi við jafnrétti og félagshyggju.lífeyrisþegar fengu 3 % hækkun 1.janúar 2015 en enga frekari hækkun á árinu þrátt fyrir gífurlega miklar hækkanir allra annarra.

 

Björgvin Guðmundsson