Allir leiðtogar stjórnarflokkanna hafa brugðist öldruðum og öryrkjum!

Hvaða leiðtogar stjórnarflokkanna,Framsóknar og Sjálfstæðisflokks bera ábyrgð á algerum svikum á kosningaloforðunum,sem veitt voru öldruðum og öryrkjum 2013? Svarið er: Allir leiðtogarnir bera ábyrgð  á svikunum.

Af hálfu Framsóknar bera 3 flokksleiðtogar ábyrgð á þessum miklu svikum: Sigmundur Davíð formaður og forsætisráðherra lengst af,Sigurður Ingi varaformaður og forsætisráðherra nú og Eygló Harðardóttir félagsmálaráðherra.Af hálfu Sjálfstæðisflokksins bera þessir höfuðábyrgð á svikunum: Bjarni Benediktsson formaður og fjármálaráðherra og Kristján Þór Júlíusson varaformaður og heilbrigðisráðherra.

Eins og ég hef margoft tekið fram var stærsta. loforðið,sem stjórnarflokkarnir gáfu öldruðum og öryrkjum það,að lífeyrir yrði leiðréttur vegna kjaragliðnunar krepputímans.Sjálfstæðisflokkurinn samþykkti á flokksþingi sínu 2013 að lífeyrir aldraðra yrði strax ( að lokunm kosningum) hækkaður til samræmis við hækkun lægstu launa.Skýrara gat þetta ekki verið. En svikin eru einnig alveg skýr: Ekkert hefur verið gert í þessu máli.Ekkert hefur verið gert til þess að efna þetta fyrirheit.Það hefur verið algerlega svikið.

Framsóknarflokkurinn samþykkti á sínu flokksþingi 2013 að leiðrétta lífeyri vegna kjaragliðnunar ( kjaraskerðingar) krepputímans,2009-2013.Sigmundur Davíð og Sigurður Ingi bera jafna ábyrgð á þessu loforði ásamt Eygló Harðardóttur sem gerð var að ráðherra málaflokksins,málefna aldraðra og öryrkja o.fl. En þau öll sviku þetta loforð.Sigurður Ingi minnist aldrei á, að eftir sé að uppfylla það. Sigmundur Davíð er sá eini af þeim þremenningum sem viðurkennir að eftir sé að efna loforðið við aldraðra og öryrkja.En vegna fyrri svika treysta menn honum ekki.Sigurður Ingi talaði um það í ræðu 17.júní,að enginn ætti að líða skort hér en samt hefur hann ekkert gert í því að bæta kjör aldraðra og öryrkja enda þótt þeir verst stöddu meðal þeirra eigi ekki fyrir mat í lok mánaðar. Ræða hans reyndist orðagjálfur.-Það þarf að hækka lífeyri um a.m.k. 23%,56.580 kr til þess að efna þetta stóra loforð;mundi skipta sköpum.

Ég geri engan mun á leiðtogum stjórnarflokkanna í þessu efni. Þeir bera allir jafnmikla ábyrgð á þeim miklu svikum sem þeir hafa framið gegn öldruðum og öryrkjum.Það eru örfáir dagar eftir af þinginu. Þeir geta hækkað lífeyri aldraðra og öryrkja verulega á þeim tíma,ef þeir vilja. Það tekur einn dag. Það tók einn dag að hækka eftirlaun ráðherra og æðstu embættismanna þjóðarinnar; þegar þau voru hækkuð umfram eftirlaun allra annarra í þjóðfélaginu.Það var eitthvað mesta skammarverk,sem alþingi hefur unnið.

 Björgvin Guðmundsson 

Er Framsókn að klofna?

Sigurður Ingi forsætisráðherra skýrði frá því í gær,að hann ætlaði að bjóða sig fram til formanns gegn Sigmundi Davíð sitjandi formanni Framsóknarflokksins.Þetta kom mörgum á óvart,þar eð Sigmundur Davið hafði tilnefnt Sigurð Inga sem forsætisráðherra fyrir skömmu.Það kom einnig fram í dag,að samkvæmt frásögn Sigmundar Davíðs hafði Sigurður Ingi heitið Sigmundi Davíð því að fara ekki fram á móti honum.Sigurður Ingi fór heldur ekki eftir því að halda fundi með Sigmundi Davíð til þess að halda honum upplýstum um gang mála eins og um hafði verið talað.Það stefnir í blóðug átök milli þessara tveggja manna á flokksþingi Framsóknar. Í viðtali við RÚV og Stöð 2 sagði Sigmundur Davíð,að hann ætlaði ekki að  stíga til hliðar og hætta í stjórnmálum.Það lá þó við,að fulltrúi Stöðvar 2 reyndi að fá Sigmund Davíð til þess að stíga til hliðar! Þeir,sem voru helstu stuðningsmenn Sigmundar Davíðs, keppast nú við að snúa við honum baki,nú síðast Eygló Harðardóttir.Menn eru fljótir að skipta um skoðun,þegar þeir telja, að völd séu að skipta um hendur.Eins gott að menn veðji á réttan hest.Augljóst er, að svo mikil átök eru í uppsiglingu,að vandséð verður hvernig klofningi verður afstýrt.Ef Sigmundur Davíð telur,að Sigurður Ingi hafi svikið hann verður hann ekki mjög sáttfús ef illa fer fyrir honum á flokksþinginu. Ef til vill verður Sigurður Ingi fúsari til sátta,ef hann bíður lægri hlut, en þó kann það að fara eitthvað eftir því hvað  Sigmundur Davíð dregur það skýrt fram,að hann telji Sigurð Inga hafa svikið sig. Það eru mikil átök framundan og fullkomin hætta á klofningi hjá Framsókn.

Björgvin Guðmundsson

 

Aldraðir hafa 40 000 atkvæði!

 

Bylgjan hafði samband  og átti samtal við mig um kjaramál aldraðra.Það  var Þorgeir Ástvaldsson, sem hafði samband. Hann hafði greinilega verið að  lesa grein mína í Fréttablaðinu á fimmtudag, þar sem ég ræddi m.a  lífeyrissjóðina.Fyrirsögnin á greininni var: Ríkið seilist bakdyramegin i lífeyrissjóðina. Og ég gat einnig í greininni um það hversu miklu betur hin Norðurlöndin gerðu við sína eldri borgara og öryrkja.Grunnlífeyrir er þrefalt hærri í grannlöndum okkar en hér.Og ég gat um það, að stjórnvöld væru miklu jákvæðari í garð eldri borgara þar en hér.Hér eru stjórnvöld neikvæð í garð eldri borgara.Þorgeir spurði mig um nýja frumvarpið um almannatryggingar og hvort ekki hefði komið til greina að eldri borgarar byðu fram til alþingis.

Ég sagði Þorgeir,að frumvarpið um almannatryggingar væri meingallað og bætti ekki kjör þeirra,sem verst væru verst  staddir um eina krónu.Frumvarpið gerir ráð fyrir,að lífeyrir þeirra verst stöddu  verði upp á krónu eins og áður.Það taldi ég furðulegt, þar eð ekki væri unnt að framfleyta sér af þeim lífeyri.Þá skýrði ég frá því ,að staða þeirra,sem væru á vinnumarkaðnum versnaði vegna aukinna skerðinga,sem frumvarpið gerði ráð fyrir. Kjör þeirra,sem hafa lífeyrissjóð batnar hins vegar örlítið. En ég vil,að tekjutengingar verði alveg afnumdar og skerðingar vegna lífeyrissjóða verði því úr sögunni.Það er ekki nóg að draga úr skerðingum.Við eigum lífeyrinn í lífeyrissjóðunum.

Það hefur stundum komið til greina,að eldri borgarar byðu fram.Atkvæði eldri borgara eru nú orðin 40.000 og  því ljóst,að eldri borgarar hafa mikið afl ef þeir standa saman. Þeir buðu fram í Ísrael og fengu 20 % atkvæða. Skoðanakönnun Capacent sem gerð var hér fyrir nokkrum árum leiddi í ljós,að eldri borgarar fengju  25% atkvæða ef þeir byðu fram. Mörgum eldri borgurum gremst mjög  hvað stjórnvöld eru skeytingarlaus um hag eldri borgara og beinlínis neikvæð gagnvart þeim.Ég fæ margar fyrirspurnir frá eldri borgurum sem spyrja hvort við ættum ekki að bjóða fram.Mín afstaða hefur verið þessi: Kjósum þá,sem bæta kjör eldri borgara og öryrkja.Og þá sem sýna raunhæfan vilja á að vilja bæta kjörin.

Björgvin Guðmundsson

Ríkið skuldar lífeyrissjóði ríkisstarfsmanna hundruð milljarða þrátt fyrir framlag sitt

 

 

 

Samkomulag um samræmt lífeyriskerfi er gallað.Mjög er loðið orðalagið um það hvernig samræma á launakjör opinberra starfsmanna og launafólks á almennum markaði.En það er forsenda fyrir samkomulaginu, að það verði gert. Vegna óvissu um þetta atriði neitaði Landssamband lögreglumanna að skrifa undir samkomulagið.Þeir brenndu sig á því  áður að taka mark á loðnum yfirlýsingum ríkisvaldsins um launauppbætur til lögreglumanna sem síðan var ekki staðið við.Ætla ekki að brenna sig á því aftur.

Þá sýnist mér vera beitt blekkingum í sambandi við uppgjör á skuldum ríkisins við lífeyrissjóði ríkisstarfsmanna.Gefið er til kynna,að skuldin verði gerð upp með framlagi rikissjóðs, 91 milljarði en svo er ekki .Hér er eingöngu fjallað um A deild lífeyrissjóðs ríkisstarfsmanna. En skuld ríkisins er aðallega við  B-deildina.Þegar kjaranefnd Félags eldri borgara í Reykjavík ræddi þetta síðast var skuld ríkisins við lífeyrssjóðina  tæpir 400 milljarðar (Lífeyrissjóður hjúkrunarfræðinga meðtalinn).Ríkið ætlar að greiða 91 milljarð,hluta af því með skuldabréfi.En það eru samt hundruð milljarða eftir af skuldinni. Ekki er minnst á það í fréttum af samkomulaginu, heldur látið líta út eins og búið sé að greiða alla skuldina.Það er því ekki búið að fullfjármagna lífeyriskerfi opinberra starfsmanna. Það er langur vegur þar frá. Þetta heita blekkingar á íslensku.

Hins vegar ber að fagna því að ætlunin sé að samræma lífeyrisréttindi á almennum vinnumarkaði og á opinberum markaði..En það þarf ekki að rifja það upp,að þegar opinberir starfsmenn fengu betri lífeyrisréttindi en almenni markaðurinn þurftu þeir að borga fyrir það með lakari launakjörum.Þeir eiga því  að fá sambærileg launakjör og almenni markaðurinn býður þegar lífeyrisréttindin eru orðin eins.Það verður vandinn meiri að tryggja það.

Björgvin Guðmundsson

viðskiptafræðingur

Er búið að bæta kjör aldraðra og öryrkja nóg?

Stjórnmálaumræður voru í sjónvarpi RUV í gærkveldi.Fram komu allir oddamenn framboða í alþingiskosningunum. Þar á meðal voru leiðtogar stjórnarflokkanna,Framsóknar og Sjálfstæðisflokksins,sem mynduðu ríkisstjórnina 2013,þeir Sigmundur Davíð Gunnlaugsson og Bjarni Benedktsson.Þeir ræddu m.a. málefni lífeyrisþega en voru ekki sammmála um það hvernig til hefði tekist.Sigmundur Davíð sagði,að því hefði verið lofað að leiðrétta kjör aldraðra og öryrkja og það væri eftir að standa við það loforð. Bjarni Benediktsson barði sér hins vegar á brjóst og sagði,að staðið hefði verið við loforðin við aldraða og öryrkja og þuldi upp tölur um það hvað gífurlega mikið hefði verið gert til þess að efla almannatryggingar og bæta kjör aldraðra og öryrkja.Það mætti ætla að þessir menn hefðu ekki setið í sömu ríkisstjórninni.

 Aldraðir og öryrkjar finna það á eigin skinni hvernig kjör þeirra hafa  verið bætt í tíð þessarar ríkisstjórnar.Það er jafn erfitt fyrir þá að láta enda ná saman í dag eins og var þegar ríkisstjórnin tók við og ef eitthvað er þá er það verra.Bjarni  viðurkenndi  að vísu að hann gæti ekki lifað á 186 þúsund á mánuði eftir skatt eins og ætlast er til að aldraðir lifi af,ef þeir búa með öðrum.Samt felldi hann á alþingi fyrir ári síðan,að veita öldruðum og öryrkjum afturvirkar kjarabætur frá 1.mai það ár eins  og öðrum á sama tíma og hann fékk sjálfur 9  mánuða uppbót, 900 þúsund krónur  til baka.Það skiptir engu máli hvað Bjarni þylur upp háar tölur um aukin útgjöld almannatrygginga á meðan kjör þeirra,sem verst standa eru ekki bætt. Og þau eru ekki einu sinni bætt í frumvarpi því,sem ríkisstjórnin lagði fyrir alþingi um almannatryggingar. Í því frv hækkar lífeyrir þeirra lægst launuðu meðal aldraðra og öryrka ekki um eina krónu.Það eina,sem ríkisstjórnin gerði á sumarþinginu 2013 var að láta þá lífeyrisþega,sem höfðu góðan lífeyrissjóð fá grunnlífeyri á ný en hann hafði verið felldur alveg niður hjá þeim sem höfðu 332 þúsund á mánuði og meira úr lífeyrissjóði og síðan jók hún frítekjumark vegna atvinnutekna á ný í 109 þúsund krónur á mánuði. Þetta er hvort tveggja afnumið á ný í frv ríkisstjórnarinnar um almannatryggingar.

 Sem betur fer hafa kjör launþega verið bætt nokkuð með kjarasamningunum í fyrra en þá fengu launþegar 14,5% hækkun og sömdu um að hækka í 300 þúsund á mánuði. Þetta er að vísu fyrir skatt og dugar því tæpast fyrir framfærslu.En aldraðir og öryrkjar voru þá skildir eftir og fengu aðeins 3% hækkun á árinu.Á árunum til samans, 2015 og 2016, fengu launþegar 20,7% hækkun en lífeyrisþegar 12,7%.Tölur,sem ég hef birt sýna einnig,að þrátt fyrir " góðærið" hefur lífeyrir hækkað minna í hlutfalli við lágmarkslaun í tíð þessarar ríkisstjórnar en í tíð kreppustjórnarinnar sem Jóhanna stýrði. Það er ótrúlegt en staðreynd.  Þær tölur segja allt sem segja þarf.Kosningaloforð Bjarna og Sigmundar Davíðs hafa nær öll verið svikin og öll þau stærstu og það viðurkennir Sigmundur Davíð.

Björgvin Guðmundsson

Sigmundur Davíð sýni í verki,að honum sé alvara!

 

 

Sigmundur Davíð Gunnlaugsson formaður Framsóknarflokksins viðurkennir,að rikisstjórnin hafi lofað að bæta kjör aldraðra og örykja.Hann segir,að ætlunin hafi verið að bæta efnahags-og fjármálaástandið fyrst.Það hafi verið gert og  ekkert að vanbúnaði að bæta kjör aldraðra og öryrkja.

Ef Sigundur Davíð meinar þetta, hvers vegna lætur hann ekki ríkisstjórnina strax hækka lífeyri aldraðra og öryrkja? Ef ríkisstjórnin vill ekki samþykkja það, getur Sigmundur Davíð flutt frumvarp um stórhækkun lífeyris ,til dæmis í 300 þús kr á mánuði. Stjórnarandstaðan mundi styðja það  og ég trúi ekki öðru en Sigmundur Davíð gæti fengið  nægilega marga stjórnarliða til þess að styðja slíkt frv þannig að það yrði samþykkt. Með öðrum orðum: Sigmundur Davíð verður að sýna í verki að honum sé alvara.Kosningaloforðin,sem öldruðum og öryrkjum voru gefin í síðustu kosningum eru óuppfyllt. Annað hvort verður að efna þau að fullu eða samþykkja frumvarp strax um stórhækkun lífeyris aldraðra og öryrka.

 Björgvin Guðmundsson

Ríkið fer bakdyramegin inn í lífeyrissjóðina!

 

 

 

Eiga stjórnvöld eitthvað með að skerða lífeyri eldri borgara hjá almannatryggingum vegna greiðslna  til þeirra úr lífeyrissjóði? Ég segi: Nei. Þau eiga ekkert með það. Þegar lífeyrissjóðirnir voru stofnaðir, var gert ráð fyrir því, að þeir yrðu viðbót við almannatryggingar.Þeir áttu ekki að skerða almannatryggingar neitt.Ef slíkar ráðagerðir hefðu verð uppi, hefði launafólk aldrei greitt neitt í lífeyrissjóðina. 

Farið bakdyramegin inn í lífeyrissjóðina! 

Þegar ríkisstjórn er að skerða lífeyri aldraðra hjá almannatryggingum eins og gerist nú, er eins og ríkisstjórnin sé að fara bakdyramegin inn í lífeyrissjóðina og láti greipar sópa þar um eigur okkar sjóðfélaga.Áhrifin eru nákvæmlega eins.Það verður að stöðva þetta strax. Það er ekki nóg að draga úr skerðingum. Þetta er ekkert samningsatriði. Við eigum þennan lífeyri í lífeyrissjóðunum.Við viljum fá hann óskertan á eftirlaunaaldri, hvorki meira né minna. Stjórnvöld þurfa ekki að vera að gorta af því að þau dragi úr skerðingum. Það á að afnema  skerðinguna alveg, rétt eins og Bjarni Ben lofaði fyrir síðustu kosningar 2013 þó hann sé nú búinn að gleyma þessu loforði! 

Þekkist ekki  á hinum Norðurlöndunum 

Þessar miklu skerðingar, sem hér eru, tíðkast ekki á hinum Norðurlöndunum. Þar fá eldri borgarar þann lífeyri, sem þeir hafa greitt í lífeyrssjóð óskertan.En auk þess er  grunnlífeyrir þar miklu hærri en hér, þrefalt hærri.Hann er 120-130 þúsund krónur á mánuði þar.Nú vilja stjornvöld fella grunnlífeyrinn niður hér. Heildarlífeyrir er einnig miklu hærri þar .Samt er hagvöxtur meiri  hér og afkoma ríkissjóðs góð. Eftir hverju eru stjórnvöld þá að bíða? Aðstæður til þess að greiða öldruðum og öryrkjum hærri lífeyri eru góðar.Það vantar bara viljann. 

Aldraðir greiða sjálfir mest af ellilífeyrinum 

Athuganir hafa leitt í ljós, að  lífeyrisþegar hér greiða miklu stærri  hlut sjálfir í lifeyrinum til aldraða en gerist á hinum Norðurlöndunum.Það stafar af því, að lífeyrissjóðirnir  greiða svo mikið af lífeyrinum  og  ríkið skerðir á móti sínar greiðslur á vegum almannatrygginga. Tölur leiða  í   ljós, að hér greiða lífeyrisþegar sjálfir 60% af ellilífeyri sinum.Þetta er miklu hærra hlutfall en á hinum Norðurlöndunum.Þar verður ríkið að greiða megnið af ellilífeyrinum en hér greiða eldri borgarar sjáfir stærsta hlutann af lífeyrinum. Samt kvartar og kveinar ríkið miklu meira hér en á hinum Norðurlöndunum og vill ekkert gera fyrir eldri borgara.Það er eins og ríkisstjórnin hér sé á móti eldri borgurum.

 

Björgvin Guðmundsson

viðskiptafræðingur

   Birt í Fréttablaðinu 22.sept. 2016

 

 

 

 

 

 

 

 

 

 

 

 

 

Algert virðingarleysi stjórnarflokkanna fyrir kjósendum!

Enda þótt aðeins fáir dagar séu eftir af starfstíma alþingis er ekkert, sem bendir til þess að stjórnarflokkarnir ætli að efna kosningaloforðin,sem þeir gáfu öldruðum og öryrkjum fyrir kosningarnar 2013.Samkvæmt forsetabréfi eiga alþingiskosningar að fara fram 29.oktober og þing verður rofið sama dag. En samkvæmt starfsáætlun alþingis lýkur þingið störfum 29.september.Einn dagur fer í eldhúsdagsumræður.

Stjórnarflokkarnir,Framsókn og Sjálfstæðisflokkur, sýna kjósendum algera lítilsvirðingu.Það hvarflar ekki að þeim að efna stór kosningaloforð,sem þeir gáfu öldruðum og öryrkjum fyrir kosningar 2013.Þeir hafa sennilega aldrei ætlað að efna þau.Það var vísvitandi verið að ljúga að kjósendum til þess að plata þá til að kjósa stjórnarflokkana.Og þeir þingmenn og ráðherrar,sem léku þennan ljóta leik 2013 ætla að endurtaka hann nú.Ef þessir menn hefðu einhverja sómatilfinningu ættu þeir að draga sig í hlé og hætta.

Stærsta kosningaloforðið var að kjaragliðnun krepputímans,2009-2013  yrði leiðrétt með hækkun lífeyris til samræmis við hækkun lægstu launa.Þetta þýðir a.m.k. 23% hækkun lífeyrir eða 56.580 kr hækkun.Þetta er fyrir skatt.Það hefði skipt sköpum fyrir aldraða og öryrkja,ef staðið hefði verið við þetta.Þeir hefðu þá allir haft að borða og getað leyst út lyfin sín.Hitt stóra kosningaloforðið er loforðið,sem Bjarni Benediktsson gaf eldri borgurum  í bréfi til eldri  borgara. Þar lofaði hann að afnema allar tekjutengingar vegna lífeyris aldraðra. Hann hefur svikið það og hefur sennilega aldrei ætlað að efna það.Afnám tekjutenginga, afnám allra skerðinga, er gífurlega mikil kjarabót fyrir aldraða .  Þetta var svikaloforð eins og hitt.Þeir sem gefa svona loforð eru loddarar.Þeir sem bera ábyrgð á svikunum eru auk Bjarna fyrst og fremst Sigurður Ingi og Sigmundur Davíð.En þingmenn stjórnarflokkanna bera einnig ábyrgð á svikunum.Ábyrgð stjórnarflokkana er mikil.

Björgvin Guðmundsson

 

Lífeyrir hækki í 300 þúsund og tekjutengingar verði afnumdar!

Lífeyrir þeirra aldraðra og öryrkja,sem  hafa hvorki greiðslur úr lífeyrissjóði né tekjur af atvinnu eða fjármagni á að hækka í 3oo þúsund kr á mánuði eins og verkafólk samdi um.Jafnframt á að afnema allar tekjutengingar eins og Bjarni Ben lofaði að gera fyrir kosningarnar 2013. Það er algert lágmark til mannsæmandi lífs að hafa 300 þúsund á mánuði.Þetta sagði Björgvin Guðmundsson í viðtali (upptöku) sjónvarpsþáttar Helga Péturssonar á Hringbraut í dag.Harpa Njáls var einnig í þættinum.

 Þau voru sammmála um það,að það væri furðulegt að leggja fram frumvarp um almannatryggingar,sem gerði ekki ráð fyrir neinni hækkun lífeyris til þeirra,sem verst væru staddir.

Helgi Pétursson lagði út af síðustu grein Björgvins í Fréttablaðinu þar sem neikvætt viðhorf stjórnvalda til aldraðra var rætt.Allir þátttakendur í þættinum voru sammmála um það, að þetta viðhorf stjórnvalda til aldraðra væri furðulegt og rannsóknarefni.Björgvin sagði,að ef til vill væri ástæða neikvæðrar afstöðu til aldraðra sú, að stjórnvöld óttuðust ekki eldri borgara eða samtök þeirra á sama hátt og þau óttast verkalýðshreyfinguna.Verkalýðshreyfingin hefði verkfallsvopnið og gæti stöðvað atvinnulífið með verkfalli.Það óttast stjórnvöld en þau telja sig geta hundsað aldraða af því þeir hafa ekkert slíkt vopn. En eldri borgarar eru orðnir 40000 talsins og ef þeir standa saman eru þeir mikið afl.Stjórnmálaflokkarnir óttast framboð af hálfu aldraðra og vissulega gæti komið til þess.

Farið var vítt yfir sviðið í þætti Helga. Harpa Njáls lagði mikla áherslu á að bæta þyrfti kjör þeirra,sem verst stæðu,þ.e. þeirra,sem byggju við fátækt.Björgvin  tók undir það.

Björgvin Guðmundsson

Svikin innsigluð á alþingi

Alþingi kemur saman á ný í dag eftir nokkra daga hlé á þingfundunm vegna nefndadaga.Nú eru aðeins fáir dagar eftir af starfstíma alþingis,þar eð þingið verður rofið vegna kosninganna 29.september.

Það bólar ekkert á frumvörpum um að efna stóru kosningaloforðin,sem stjórnarflokkarnir gáfu  öldruðum og öryrkjum.Þau verða greinilega svikin.Stjórnarflokkarnir sýna kjósendum algera lítilsvirðingu,hundsa þá og eru svo óforskammaðir að ætla að bjóða sig fram til þings á ný án þess að efna fyrst þessi kosningaloforð.Frumvarp félagsnmálaráðherra og ríkisstjórnarinnar er gagnslítið.Það hækkar ekki lífeyrir þeirra,sem verst eru staddir um eina krónu; gerir ráð fyrir óbreyttum lífeyri hjá þeim sem eru á "strípuðum lífeyri",fellir niður grunnlífeyri og eykur skerðingu lífeyris TR vegna atvinnutekna.Staða þeirra eldri borgara,sem eru á vinnumarkaði versnar.Skerðing lífeyris TR vegna greiðslna úr lífeyrissjóði batnar nokkuð en ekki nóg.Það á að afnema alveg skerðingu lífeyris TR vegna greiðslna úr lífeyrissjóði eins og Bjarni Benediktsson lofaði fyrir síðustu kosningar. Hann lofaði reyndar að afnema allar tekjutengingar en svíkur það.

Samtök lífeyrissjóða gagnrýna í umsögn til alþingis hvað skerðingarhlutfall er hátt í frumvarpinu eða 45%.Samtökin telja að það ætti að vera miklu lægra. Þá gagnrýna samtökin að félagsmálaráðherra skuli leggja það fram,að lífeyrissjóðirnir eigi að vera fyrsta stoðin í lífeyriskerfi landsmanna.Samtökin minna á,að þegar almannatryggingar og lífeyrissjóðir voru stofnaðir hafi verið lagt upp með það,að almannatryggingar væru fyrsta stoðin og lífeyrissjóðir önnur stöðin. Lífeyrissjóðirnr áttu m.ö.o. að vera viðbót við almannatryggingar en ekki öfugt.Samtökin segja: Með frumvarpi þessu er grunnlífeyrir almannatrygginga aflagður og tekjutengingar miklar,sem leiða til þess að almannatryggingar  verða einkum fyrir þá,sem engin eða lítil réttindi hafa í lífeyrissjóðum.Síðan segir: Þetta há skerðingarhlutföll vegna lífeyrisgreiðslna og annarra tekna kunna að vera varasöm út frá stjórnskipunarvernd eignarréttinda og aflahæfis einstaklinga.

Ríkisstjórnin er að eyðileggja almannatryggingarnar með þessu frumvarpi sínu.Harpa Njáls segir: Það hneppir fleiri í  skort og fátækt,eykur ójöfnuð og dýpkar gjána milli ríkra og fátækrra.Hún vill að frumvarpið verði dregið til baka og það endurbætt. Ég tek undir það.

 

Björgvin Guðmundsson