Á leiguíbúðir fyrir 8 milljarða.Leigan spennt upp!

Mikið er rætt um húsnæðismál um þessar mundir.Menn eru ekki á eitt sáttir um það hvers vegna ástandið er svo slæmt í húsnæðismálunum sem raun ber vitni. Ég tel,að fjárfestingarfélög,sem keypt hafa mikið af íbúðum, eigi stóran þátt í hækkun íbúðaverðsins.Þetta eru gróðafélög,sem hafa gróðann í fyrirrúmi.Eitt þessara félaga er Gamma.Það hefur safnað að sér íbúðum,í þvi skyni að hækka verð á þeim,einkum leigu en einnig s0luverð.Félagið á nú orðið 1100 íbúðir.Eignir félagsins nema 8 milljörðum.Það er nauðsynlegt að reisa einhverjar skorður við því,að  fjárfestingarfélög geti spennt upp verð á leigu og söluverði íbúða.

 

Björgvin Guðmundsson

Þingmenn gagnrýna sölu Arion til vogunarsjóða.Ísland á betra skilið!

 

Theodóra S.Þorsteinsdóttir formaður þingflokks Bjartrar framtíðar  gagnrýndi það harðlega á alþingi, að það væri verið að selja vogunarsjóðum 29% hlut í Arion banka.Hún undraðist það, að ráðamenn væru að fagna því að vogunarsjóðir væru að kaupa í bankanum. Hún kvaðst ekki geta tekið undir fögnuð þeirra.Fjölskylda hennar varð fyrir barðinu á vogunarsjóðunum í kreppunni og gerði Theodóra kvikmynd um málið,sem vakti mikla athygli.Thodóra sagði,að íslenska þjóðin ætti betra skilið en að selja vogunarsjóðum bankann.Þórunn Egilsdóttir formaður þingflokks Framsóknarflokksins tók undir orð Theodóru.Hún gagnrýndi einnig söluna til vogunarsjóða og sagði,að íslenska þjóðin ætti betra skilið.

Björgvin Guðmundsson

 

 

 

Ríkisstjórnin er fallin.Viðreisn og Björt framtíð þurrkast út! Viðreisn á að slíta stjórninni strax!

Ríkisstjórnin er fallin samkvæmt nýrri skoðunarkönnun,sem Fréttablaðið birti í morgun.Samkvæmt könnuninni fengju Viðreisn og Björt framtíð enga þingmenn.Sjálfstæðisflokkurinn héldi velli en það dugar ekki til.Þessi úrslit koma ekki á óvart. Viðreisn og Björt framtíð hafa ekki komið neinum stefnumálum sínum fram.Til dæmis lofuðu báðir þessir flokkar að efla heibrigðskerfið og að bæta stöðu og kjör aldraðra en hvort tveggja hefur verið svikið.Sjálfstæðisflokkurinn hefur ráðið öllu í ríkisstjórninni og samstarfsflokkarnir engu komið fram.Það eina,sem má nefna er það,að Þorgerður Katrín Gunnarsdóttir virðist koma fram örlítilli samkeppni í landbúnaðinum en ekki er vitað enn hvernig því reiðir af; bændur hafa snúist gegn tillögunum.

Hvers vegna sögðu Viðreisnarmenn sig úr Sjálfstæðisflokknum? Það var aðallega vegna óánægju með stefnu Sjálfstæðisflokksins í Evrópumálum en sú óánægja náði hámarki,þegar  Sjálfstæðisflokkurinn sveik kosningaloforð sitt um að láta fara fram þjóðaratkvæðagreiðslu um framhald aðildarviðræðna að ESB. Þetta var var eitt aðalstefnumál Viðreisnar í þingkosningunum.Það vakti því mikla undrun þegar Viðreisn fór í stjórn með Sjálfstæðisflokknum án þess að ná þessu máli fram.En ekki nóg með það: Flokkurinn fórnaði einnig stefnumáli sínu um  myntráð ( fastgengi)fyrir ráðherrastóla.Sama var að segja um það stefnumál flokksins að bjóða upp aflaheimildir og markaðsvæða verð aflaheimilda.Viðreisn fórnaði því máli einnig en bæði Samfylkingin og VG vildu samþykkja þessi mál.Eftir að Viðreisn hafði fórnað öllum helstu stefnumálum sínum var ekki von til þess að flokkurinn heldi fylgi sínu enda hefur það hrunið af honum.Flokkurinn á aðeins tveggja kosta völ: Að slíta stjórninni strax, ef flokkurinn vill ekki þurrkast út eða að setja Sjálfstæðisflokknum afarkosti: Að samþykkja þjóðaratkvæði um ESB,myntráð og uppboð aflaheimilda.Ef flokkurinn gerir hvorugt mun hann deyja drottni sínum.

Svipað ástand er hjá Bjartri framtíð.Sá flokkur átti aldrei erindi í stjórn með Sjálfstæðisflokknum.Þetta er miðjuflokkur með mikinn áhuga á félagshyggju sem á ekki upp á pallborðið hjá Sjálfstæðisflokknum.Flokkurinn fær 3,8% í könnun Fréttablaðsins og engan þingmann.Flokkurinn hefur ekki fengið nein mál fram.Lína Bjarna er þessi: Ekkert nýtt fjármagn í neina málaflokka .Það er sjálfsmorð fyrir flokkinn að vera áfram í stjórn með  Sjálfstæðisflokknum.

Björgvin Guðmundsson

 

 

5 milljarðar sóttir til ríkisins fyrir aldraða með málsókn!

 

 

 

Málaferli gegn ríkinu eru í uppsiglingu vegna ólögmætrar skerðingar Tryggingastofnunar ( ríkisins)  á lífeyri aldraðra hjá TR vegna greiðslna úr lífeyrissjóðði í janúar og febrúar á þessu ári.Þegar ný lög um almannatryggingar voru samþykkt á alþingi haustið 2016 féll niður heimild til skerðiingar á lífeyri þeirra aldraðra, sem fengu greiðslur úr lífeyrissjóði. Í stað þess að láta alþingi setja inn nýja heimild í lögin fyrir áramótin síðustu var farin sú leið að skerða lífeyri aldraðra án lagaheimildar. Það gerðist í tæpa tvo mánuði.

Í lok febrúar var heimild til skerðingar sett inn í lög um almannatryggingar á ný. Þá nam ólögmæta skerðingin orðið 5 milljörðum króna.Einhverjir stjórnarþingmenn sögðu á alþingi, að menn hefðu vitað,að umrædd skerðing ætti að vera í gildi.Þetta eru furðuleg ummæli.Í fyrsta lagi lýsa þau algerri óvirðingu við lagasetningu alþingis; nánast er sagt,að ekki skipti máli hvort lagatextinn sé réttur eða ekki. Í öðru lagi horfir umræddur þingmaður ( þingmenn) framhjá því, að eldri borgarar eru flestir andvígir umræddri skerðingu lífeyris og telja það himnasendingu, að heimild alþingis til slíkrar skerðingar falli niður.Stór hluti eldri borgara vill að skerðing tryggingalífeyris vegna lífeyrissjóða verði afnumin með öllu og bætur greiddar fyrir skerðingu fyrr ára.

Skorað á LEB að fara í mál við ríkið

Flokkur fólksins sendi Landssambandi eldri borgara bréf,áskorun um , að sambandið færi í mál við ríkið vegna ólögmætu skerðinganna í janúar og febrúar á þessi ári.Tilkynnti flokkurinn, að ef þetta yrði ekki gert innan 10 daga mundi flokkurinn sjálfur fara í mál við ríkið vegna ólögmætu skerðinganna.Málið stendur þá þannig, að annað hvort fer Landssamband eldri borgara  í mál við ríkið eða Flokkur fólksins  gerir það vegna þess máls, sem hér hefur verið gert að umtalsefni.

Ég tel þetta gott framtak hjá Flokki fólkisns. Ég er eindregið þeirrar skoðunar að stefna eigi ríkinu vegna ólögmætu skerðinganna á lífeyri aldraðra í janúar og febrúar á þessu ári.En ekki á að láta þar við sitja.Einnig á að undirbúa mál á hendur ríkinu vegna stöðugra  fyrri skerðinga á lífeyri aldraðra hjá TR vegna lífeyrissjóða.  En það var  lagt til í stjórn Félags eldrri borgara í Reykjavík. Safna þarf gögnum til staðfestingar því, að það hafi verið skilningur þeirra, sem stóðu að stofnun lífeyrissjóðanna og þeirra sem  fylgdust með því, að lífeyrissjóðirnirr hafi átt að vera viðbót við almannatryggingar.Lítið er til af skriflegum staðfestingum á því,að svo hafi átt að vera og því  þarf að rita niður slíkar staðfestingar og það tekur nokkurn tíma. Nauðsynlegt er að fara í mál við ríkið vegna fyrri skerðinga til þess að fá þeim hnekkt og tryggja fullan rétt aldraðra.Stjórnvöld hver, sem þau eru, fást ekki til þess að afnema skerðingar án málsóknar.Það er mitt mat.

 

Björgvin Guðmundsson

Fréttablapið 23.mars 2917

www.gudmundsson.net

 

Frábær sópransöngkona

Ingibjörg Aldís Ólafsdóttir sópransöngkona hélt tónleika í Hörpu í gær.Þetta voru frábærir tónleikar.Ingibjörg Aldís er afbragðs sópransöngkona enda á hún ekki langt að sækja sönghæfileikana:Hún er sonardóttir Sigurveigar Hjaltasted óperusöngkonu.Ingibjörg er dóttir Ólafs Beinteins Ólafssonar kennara og tónlistarmanns.

Ingibjörg Aldís söng aríur úr þekktum óperum,sem allar eiga það sameiginlegt að vera ævintýri eða sögur úr þekktum goðsögnum.

Þessi verk voru á efnisskránni:Ach,ich fühl´s .Aría Pamínu úr Töfraflautunni eftir Mozart.

Chi il bel sogno di Doretta.

Aria  Mögdu úr óperunni La Rondine eftir Puccini.

Ah!Je ris de me voir si belle.

Aria Margarítu úr óperunni Fást eftir Gounod.

Einsam in trüben Tagen.

Aria  Elsu úr óperunni Lohengrin eftir Wagner.

Mesícku na nebi hlubokém

Aria Rúsölku úr óperunni Rusalka eftir Dvorák.

Ingibjörg Aldís hefur mjög góða söngrödd,háa og fallega og skilaði hún öllum verkunum frábærlega vel.

Ég naut tónleikanna mjög vel.

 

Björgvin Guðmundsson

 

 

 

 

Ellert tapaði fyrsta leiknum!

Ellert Schram formaður FEB pantaði tíma hjá nýjum félagsmálaráðherra eftir gamla fyrirkomulaginu,sat á biðstofu ráðherra og var kallaður inn þegar röðin kom að honum.Hann ræddi mörg hagsmunamál eldri borgara við ráðherrann en aðalumræðuefnið var skerðing stjórnvalda um síðustu áramót á frítekjumarki vegna atvinnutekna  aldraðra en fyrrverandi ríkisstjórn sem Bjarni Benediktsson var fjármálaráðherra í skar frítekjumarkið niður með einu pennastriki  úr 109  þúsund krónum á mánuði í 25 þúsund krónur á mánuði.Þetta gerðu þeir Bjarni og Sigurður Ingi eftir að þeir höfðu lýst því yfir, að þeir vildu greiða fyrir atvinnuþátttöku aldraðra!Félagsmálaráðherrann sagði við Ellert,að hann hefði sagt,að þetta yrði leiðrétt en það yrði gert í áföngum á 4 árum.M.ö.o.: Það tekur 4 ár að leiðrétta niðurskurð á frítekjumarki vegna atvinnutekna,sem framkvæmdur var með einu pennastriki.Bjarni Ben réði þessum málum í fyrrverandi ríkisstjórn og hann ræður þeim áfram í nýju stjórninni.Félagsmálaráðherrann virðist engu ráða en þó er fjármálaráðherrann í sama flokki.Það er þvi ljóst,að Ellert hefur tapað fyrstu lotunni í glímunni við stjórnvöld.Hann tapaði fyrsta leiknum.

En m.a.o: Er það ekki úrelt fyrirkomulag,að talsmaður eldri borgara þurfi að panta tíma hjá þeim,sem eiga að þjóna almenningi og sitja á biðstofu hjá þeim. Er ekki nær að ráðherrann komi til samtaka eldri borgara og ræði við þau hvað hann geti gert til þess að bæta kjör og aðstöðu þeirra.Ég tel það.Það er tímabært að breyta fyrirkomulaginu.

Björgvin Guðmundsson

 

Nýir eigendur í Arion banka í skattaskjólum! Eðlileg krafa,að sölunni á 29% verði rift!

RUV upplýsti í gærkveldi,að eignarhald nýrra eigenda að Arion banka (vogunarsjóða,hrægamma)teygðu sig að hluta til alla leið til skattaskjóla á Cayman eyjum.Þar er greinilega komin að hluta til skýring á því hvers vegna ekki hefur verið upplýst hverjir eru eigendur vogunarsjóðanna,sem eru að kaupa 29% í Arion banka.Sigmundur Davíð Gunnlaugsson fyrrverandi forsætisráðherra varð að segja af sér sem forsætisráðherra á síðasta ári,þar eð upplýst var að hann og kona hans ættu fjármuni í skattaskjóli á Tortola.Vitneskja um þetta fékkst í svokölluðum Panamaskjölum. Í ljós kom,að Bjarni Benediktsson þá fjármálaráðherra var einnig í Panamaskjölunum.Hann sagði ekki af sér líka.Þvert á móti er hann nú forsætisráðherra og sem slíkur leiðir hann nú ásamt fjármálaráðherranum  hrægamma/vogunarsjóði til eignarhalds á 29% í Arion banka enda þótt eignargald þessara sjóða teygi sig til skattaskjóls á Cayman eyjum.Það er fádæma ósvífni að leiða aðila úr skattaskjólum til þess að  eignast stóran hlut í Arion banka eftir það sem á undan er gengið í skattaskjólsmálum á Íslandi.Eftir að þetta hefur verið upplýst í ríkisfjölmiðlinum er það eðlileg krafa að þessari sölu á 29% í Arion banka verði rift.

 

Björgvin Guðmundsson

 

y  

Kjör aldraðra skert á margan hátt um áramót!

 

Það er alltaf að skýrast  betur og betur myndin af því, sem gerðist hjá öldruðum og öryrkjum um síðustu áramót,þegar fyrrverandi ríkisstjórn þóttist ætla að stórbæta  lög um almannatryggingar.Helstu atriðin eru þessi:

4500 eldri  borgarar misstu grunnlífeyri sinn. Auk þess  varð stór hluti eldri borgara fyrir skerðingu á lífeyri sínum frá TR.Þeir eldri borgarar,sem voru á vinnumarkaðnum sættu aukinni skerðingu tryggingalífeyris og urðu margir að hætta störfum af þeim sökum.Lífeyrir þeirra eldri borgara,sem eingöngu hafa lífeyri   frá almannatryggingum og engar aðrar tekjur,átti upphaflega ekki að hækka neitt. Frumvarpið um almannatryggngar var lagt fram með o króna hækkun. Og loks þegar ákveðin var smávægileg hækkun var það alger hungurlús: Lifeyrir þeirra eldri borgara,sem eru í hjónabandi eða  sambúð hækkaði um  12 þúsund kr á mánuði og hjá einhleypum var hækkunin 20 þúsund  á mánuði.Til þess að kóróna ósómann voru síðan 5 milljarðar teknir af eldri borgurum í óheimilum skerðingum fyrstu 2 mánuði ársins.

Björgvin Guðmundsson

 

Hrægammar( vogunarsjóðir) kaupa 29% í Arion banka!

 Vogunarsjóðir,sem Sigmundur Davíð kallaði hrægamma hafa keypt 29% í Arion banka.Íslensku lífeyrissjóðirnir höfðu verið í viðræðum um kaup á bankanum en þeir eru ekki inni í myndinni i þeim viðskiptum,sem nú hafa verið tilkynnt.Stjórnvöld hafa greinilega frekar viljað eiga viðskipti við hrægammana en lífeyrissjóðina.Þessir hrægammar,vogunarsjóðir,   eignuðust hluti í þrotabúi Kaupþings á hrakvirði og fyrrverandi ríkisstjórn átti ekki nógu sterk orð til þess að gagnrýna atferli þessara aðila. En nú eru hrægammarnir komnir í náðina hjá íslenskum stjórnvöldum.Fram til þessa hefur verið talið slæmt að selja vogunarsjóðum hluti í bönkum,þar eð vogunarsjóðir kaupa ætíð til skamms tíma; kaupa á lágu verði og selja fljótt aftur á miklu hærra verði. Við höfum ekkert að gera við slíka aðila. Það er ekkert að marka það þó einhver talsmaður vogunarsjóðs segi,að þeir ætli að eiga bankann í meðallangan tíma.Sagan segir annað.

Sigmundur Davíð gagnrýnir stjórnvöld harðlega fyrir að hafa enga stefnu varðandi fjármálakerfið.Enginn hefur gagnrýnt hrægammana meira en hann.Hrægammarnir,vogunarsjóðirnir, eru nú leiddir til áhrifa í íslensku þjóðfélagi.Og Engeyjarfrændur eru ánægðir.

Björgvin Guðmundsson

Örorkulífeyrir er skammarlegur segir Mikael

 

Örorkubætur og lágmarkslaun hér á landi eru skammarleg, sagði Mikael Torfason í Silfrinu í gær en hann hefur undanfarna mánuði kynnt sér líf fátæks fólks á Íslandi. „Þetta er bara fólk sem við höfum skilið eftir á bótum sem eru skammarlegar. Og við viljum að þær séu skammarlegar, að þær séu lágar, því við viljum ná að kúga þetta fólk til að hætta þessu,“sagði Mikael.

Talsverð umræða hefur skapast um útvarpsþætti Mikaels, Fátækt fólk, sem eru á dagskrá Rásar 1 á laugardagsmorgnum.

Mikael var mjög harðorður í garð ríkisstjórnarinnar, sem hann kallaði „ríkisstjórn atvinnulífsins“, og þá sérstaklega Þorsteins Víglundssonar, félagsmála- og jafnréttisráðherra. „Hann vill engin lög á leigufélög. Vegna þess að rétturinn til að græða á fátæku fólki er svo ríkur. Það er eignarréttur kvótakóngsins, sem græddi tvö þúsund milljónir í fyrra á því að leigja fátæku fólki sem hefur ekki efni á að kaupa sér íbúð,“ sagði Mikael. „Íslenskir kjósendur eiga líka bara að skammast sín, fyrir að kjósa verstu ríkisstjórn sem við höfum kosið.“

Í þáttunum fjallar Mikael ekki aðeins um fólk á lífeyri ( bótum) sem lifir við örbirgð, heldur einnig menntað fólk, eins og hjúkrunarfræðinga og kennara, sem fá laun sem, samkvæmt viðmiðum Velferðarráðuneytisins, duga alls ekki til að ná endum saman. „Við búum bara ekki í sanngjörnu samfélagi þegar 370 þúsund krónur eru byrjunarlaun hjúkrunarfræðings. Þegar fólk á að lifa á örorku, sem er  180 þúsund á mánuð. Þegar við leggjumst á koddann í kvöld, þá eigum við að skammast okkar,“ segir Mikael.

Ummæli Mikaels eru hörð en stundum þarf hörð orð til þess að vekja menn.vissulega er lífeyrir öryrkja skammarlega lágur og það sama gildir um lífeyri aldraðra,þeirra,sem einungis hafa lífeyri almannatrygginga.Mikael heldur því fram,að fólk vilji halda öryrkjum niðri.Það er alvarleg fullyrðing.

.

Björgvin Guðmundsson

 

.