Nýju almannatryggingalögin eitt allsherjarklúður; flóknari en áður!

 

Ráðherrarnir hamast nú við að hæla ímynduðum afrekum sínum á síðustu metrunum áður en þeir hrökklast úr stólunum, m.a. í kjaramálum aldraðra og öryrkja. Þeir eru ekki enn farnir að tala um heimsmet eins og Sigmundur Davíð gerði en það vantar ekki mikið á það. En það er broslegt að sjá ráðherrana tala um mikil afrek fyrir aldraða og  öryrkja.Þeir ætla að hækka lífeyri aldraðra í hjónabandi um 5% um næstu áramót, þ.e. úr 185 þúsund á mánuði eftir skatt í 195 þúsund kr á mánuði eftir skatt og kalla þetta mestu kjarabætur fyrir aldraða í marga áratugi! Þetta er þvæla. Hafa þessir ráðamenn ekki menn í ráðuneytunum til þess að reikna fyrir sig og fletta upp staðreyndum.Ríkisstjórn Jóhönnu hækkaði lífeyri aldraðra og öryrkja um tæp 20% um áramótin 2009/2010, þeirra,sem höfðu eingöngu lífeyri frá TR.Það eru tæp 7 ár síðan þannig að  „ methækkun“Bjarna  og Sigurðar Inga fellur við fyrstu athugun.Þetta  vita fulltrúar í velferðarráðuneyti og fjármálaráðuneyti. Ráðherrarnir eru því vísvitandi að reyna að blekkja kjósendur á síðustu metrunum í valdastólum.

  Það tekur því heldur ekki að flagga 5% hækkun lífeyris, 10 þúsund krónum, sem miklu afreki.Ráðherrum og þingmönnum hefði ekki þótt það mikil hækkun fyrir sig sjálfa fyrir jólin í fyrra, þegar þeir fengu 9 mánaða afturvirkar kjarabætur um leið og þeir neituðu öldruðum og örrkjum um afturvirkar uppbætur og neituðu þeim raunar um allar kjarabætur til samræmis við hækkanir launamanna.Ráðherrarnir fengu þá tæpa milljón í afturvirka uppbót! Og þingmennirnir fengu einnig góða afturvirka summu.En sammt greiddu allir þingmenn stjórnarflokkanna atkvæði gegn afturvirkum kjarabótum aldraðra og öryrkja og gegn öllum kjarabótum þeim til handa; sögðu að þeir gætu beðið fram á næsta ár, í 8 mánuði! Ekki er farið að bæta lífeyrisþegum upp þessa töf enn.Þeir hafa fengið hungurlús á pappír en enga hækkun í raun.

Nýju almannatryggingalögin eru eitt allsherjarklúður. Aðalmarkmiðið með lagasetningunni  átti að vera það að gera lögin einfaldari, þar eð þau væru svo flókin.En við lokaafgreiðslu málsins voru sett inn ýmis ákvæði sem flæktu lögin á ný,þannig að þau eru jafnvel orðin flóknari nú en þau voru áður.Þar munar mest um furðuleg ákvæði fyrir öryrkja. Ákveðið var að láta öryrkja fá smáhækkun þrátt fyrir „óhlýðni“ þeirra. En til þess að mismuna þeim og láta þá ekki fá sömu kjör og aldraða var ákveðið að hækkun til öryrkja yrði byggð á framfærsluuppbót,sem sett var inn í lögin á ný.Það þýðir, að ef öryrki vinnur sér inn smátekjur,20-30 þúsund eða meira,  er framfærsluuppbótin lækkuð um nákvæmlega sömu upphæð.M.ö.o: Krónu mótu krónu skerðingin er komin inn á ný. En félagsmálaráðherra gumaði mikið af því, að það væri verið að fella hana niður.Hungurlúsin,sem öryrkjar fá í „ kjarabætur“ er minni en aldraðir fá þó erfitt sé að skera hungurlús niður. Öryrkjar treystu sér ekki til þess að samþykkja tillögur um starfsgetumat; töldu það illa undirbúið og óvissu um hvernig tækist að útvega öryrkjum hlutastörf. Félagsmálaráðherra ákvað að refsa öryrkjum fyrir þessa  „óþægð“ og þess vegna fá öryrkjar verri kjör í lögunum en aldraðir. Þetta er að sjálfsögðu mannréttindabrot.

 

Björgvin Guðmundsson

Aldraðir eiga að fá 195 þúsund á mán. um áramót!! Ekki unnt að lifa af þeirri hungurlús!

Árið 2015 voru meðallaun vinnandi stétta í landinu 612 þúsund kr á mánuði.Neyslukönnun Hagstofunnar segir,að meðaltalsútgjöld einhleypinga séu 321 þúsund á mánuði.Það er án skatta.Fyrir skatt samsvarar það 400 þúsund á mánuði.En ríkisstjórnin  skammtar öldruðunm 185  þúsund krónur á mánuði eftir skatt,til þeirra,sem eru í hjónabandi eða sambúð og ætlar fyrir náð og miskunn að hækka það um næstu áramót í 195 þúsund á mánuði!5% hækkun.Hér er átt við þá sem hafa einungis lífeyri frá TR. Ráðherrarnr segja,að þetta verði mesta hækkun í marga áratugi.Ég hef sýnt fram á,að það er lygaáróður.En hvernig dettur þessum mönnum í hug að skammta öldruðum 195 þúsund krónur á mánuði,þegar meðalaun í landinu eru yfir 600 þúsund krónur og þeir eru sjálfir með yfir 1 milljón á mánuði.Það er margbúið að sýna sig ,að ´það er ekki unnt að lifa af þessari hungurlús.Einhver útgjöld verða útundan,læknishjáp,lyfjakaup eða jafnvel matur í vissum tilvikum.Lífsgæði þeirra,sem fá þessa hungurlús eru miklu verri en annarra i þjóðfélaginu.Þeir geta t.d. ekki rekið bíl og  ekki tölvu.Það er algert lágmark að miða við neyslukönnun Hagstofunnar og hækka lífeyrinn í rúmar 300 þúsund eftir skatt.Ísland hefur efni á því í dag að veita eldri borgurum og öryrkjum sómasamleg lífskjör.Það er brot á mannréttindum að halda kjörum lífeyrisþega svona niðri.

Björgvin Guðmundsson

 

 

 

Minni hækkun aldraðra nú en í kreppunni!

Stjórnarflokkarnir reka nú þann áróður að þeir hafi bætt kjör aldraðra  meira en svo áratugum skipti.Þetta er lygaáróður.Í fyrsta lagi er lífeyrir ekki farinn að hækka um eina krónu enn vegna nýrra laga ríkisstjórnarinnar.Í öðru lagi er þetta alger hungurlús,sem hækka á um::Hjá hjónafólki sem einungis hefur lífeyri frá TR hækkar lífeyrir 2017 um 10 þúsund krónur eftir skatt,fer í 195 þúsund á mánuði eftir skatt.Bjarni mundi víst lifa lengi á þeirri upphæð.Hjá einhleypum hækkar lífeyrir þeirra sem eru í sömu stöðu um 20 þúsund á manuði,fer í 227 þúsund á mánuði eftiir skatt.Þingmenn og ráðherrar mundu víst lifa lengi á  því.Þessi hungurlús,sem lífeyrir hjónafólks hækkar um  er ekki nema 5%hækkun eftir skatt.Þetta kalla stjórnarherrarnir mestu hækkun áratugum saman. Er þessum mönnum ekki sjálfrátt. Eða geta þeir aldrei sagt satt orð. jafnvel á kreppuárunum,.þegar landið var að verða gjaldþrota hækkaði lífeyrir miklu meirra en um áramótin 2008/2009 hækkaði hann um 20% hjá þeim,sem höfðu aðeins lífeyri TR. Hvar er góðærið. Það er ekki hjá öldruðm og öryrkjum

 

Björgvin Guðmundsson

 

 

1.  

    

Svik stjórnarflokkanna 2013 skaða aldraða og öryrkja um tugi milljarða!

  Nú er aðeins slétt vika til kosninga.Ekki eru stjórnarflokkarnir þó farnir að efna stærstu kosningaloforð sín við aldraða og öryrkja.Það er þess vegna alveg ljóst, að þeir ætla að svíkja þessi loforð og hafa sennilega aldrei ætlað að  efna þau.Tilgangurinn hefur aðeins verið sá að blekkja kjósenduur ,lokka þá til fylgis á fölskum forsendum. Nú eru stjórnarflokkarnir farnir að gefa ný kosningaloforð.Þannig auglýsir Framsókn nú: Við ætlum að lækka skatta (á millistéttinni).En þetta eru líka svik og blekkingar: það eina,sem er öruggt eftir næstu kosningar er það, að Framsókn  verður ekki áfram í stjórn. Þetta veit Framsókn.Samt gefur hún þetta loforð. Það er því alveg eins og svikaloforðið 2013.Það er verið að blekkja kjósendur.Það er verið að svíkja þá á ný.Virðing fyrir kjósendum er engin.

 Eins og ég hef bent á áður hefði lífeyrir aldraðra og öryrkja hjá TR hækkað um  kr. 56.580 á mánuði, ef stjórnarflokkarnir hefðu staðið við loforð sín við aldraðra og öryrkja.Og samkvæmt stærsta loforðinu átti að efna loforðið strax eftir kosningar.Það var loforðið um að leiðrétta lífeyri vegna kjaragliðnunar krepputímans.Flokkur fjármálaráðherra,Sjálfstæðisflokkurinn ,tók það sérstaklega fram í sínu loforð, að leiðrétta ætti lífeyrinn strax. Það var svikið. Það hefur kostað lífeyrisþega mikla fjármuni, að stjórnarflokkarnir skyldu ekki efna þetta loforð strax eftir kosningar.Það hefur kostað lífeyrisþega í kringum 50 milljarða kr!

En þessi hækkun,um 56.580 kr á mánuði, er einmitt sú hækkun,sem ríkisstjórnin  segir nú, að eigi að koma til framkvæmda 2018 samkvæmt nýjum lögum um almannatryggingar.Með öðrm orðum: Fyrst svíkja stjórnarflokkarnir loforðið um að hækka lífeyrinn um 56.580 kr á mánuði en síðan koma þeir hlaupandi og þykjast vera að gera eitthvert góðverk með því að láta þessa hækkun koma til framkvæmda 5 árum seinna!!

Það er endalaust unnt að skrökva og svíkja, þegar aldraðir og öryrkjar eru annars vegar. Ríkisstjórnin veit,sem er, að þessi hópur þjóðfélagsþegna hefur engin vopn í höndunum til þess að beita gegn stjórnvöldum.Hann hefur ekkert verkfallsvopn eins og  verkalýðshreyfingin,einungis rödd sína og samtakamátt.

Björgvin Guðmundsson

Þurfum gerbreytta stefnu í málum aldraðra.Eldri borgarar eiga að geta lifað með reisn

Það þarf að taka upp gerbreytta stefnu í málefnum eldri borgara.Það þarf að íta til hliðar þeirri stefnu,sem ríkt hefur, og byggst hefur á því að halda öldruðum við fátæktarmörk,þeim,sem ekki hafa haft lífeyrissjóð.Hætta verður því að draga aldraða mánuðum saman á kjarabótum,sem þeir eiga rétt á. Stjórnvöld verða að taka upp jákvæðari afstöðu til aldraðra og hætta sð líta svo á,að þau séu að vinna eitthvað ölmusuverk þegar þau bæta kjör aldraðra.Tími er kominn til þess að stjórnvöld átti sig á því, að aldraðir eiga rétt á nægum lífeyri frá almannatryggingum,bæði vegna þess að þeir hafa greitt skatta til ríkisins alla sína starfsævi og tryggingargjald í ákveðinn tíma en auk þess er það stjórnarskrárbundinn réttur,að aldraðir fái nægan lifeyri.

Ég tel,að hækka þurfi lífeyrinn í 320 þúsund krónur á mánuði eftir skatt í samræmi við neyslukönnun Hagstofunnar,eða 400 þúsund á mánuði fyrir skatt.Aldraðir eiga að geta lifað með reisn. Öryrkjabandalagið er með svipaðar tillögur.Skerðingar vegna lífeyrissjóðs á að afnema alveg í tveimur áföngum.Í stórum dráttum gildir það,sem hér hefur verið sagt,einnig fyrir öryrkja.

Björgvin Guðmundsson

www.gudmundsson.net

4500 eldri borgarar missa grunnlífeyrinn og detta út úr kerfi TR!

Við lagabreytinguna,sem samþykkt var á síðasta degi þingsins missa 4500 eldri borgarar grunnlífeyri sinn og detta út úr kerfi almannatrygginga.Þeir fá ekki krónu þaðan þó þeir séu búnir að greiða skatta alla sína starfsævi og hafi greitt tryggingagjald.Þeir eru taldir hafa of góðan lífeyrissjóð.Það var aðeins tvennt sem núverandi ríkisstjórn  samþykkti á sumarþinginu 2013 fyrir aldraða,að leiðrétta grunnlífeyri,þannig að greiðslur úr lífeyrissjóði mundu ekki skerða hann og að leiðrétta frítekjumark vegna atvinnutekna. Nú afnemur ríkisstjórnin grunnlífeyrinn aftur.Hann er felldur niður og við það detta 4500 eldri borgarar út úr kerfi almannatrygginga.Eldri borgari,sem er í þessari stöðu, hafði samband við mig í gær.Hann sagði,að þau hjónin misstu 80 þúsund brútto við þessa breytingu,50 þúsund eftir skatt. okkur munar um það,sagði hann.

Öryrkjar eru mjög óánægðir með það hvernig ríkisstjórnin fór með þá.Þeim var nánast ítt út úr nýju lögunum um almannatryggingar.Þannig að þessar litlu lagfæringar sem gerðar voru fyrir eldri borgara gilda ekki fyrir öryrkja nema að litlu leyti.Á aðalfundi Öryrkjabandalagsins,sem haldinn var fyrir nokkrum dögum var skorað á nýja ríkisstjórn og nýtt alþingi að lagfæra þeirra kjör og afnema krónu móti krónu skerðinguna ,sem félagsmálaráðherra skellti á þá á lokadögum þingsins.Smáhækkun,sem öryrkjar fengu var byggð á framfærsluuppbót,þannig að ef öryrki vinnur sér inn 20-30 þúsund krónur,lækkar framfærsluuppbótin (lífeyrinn) ,sem því nemur.Óskar Öbi eftir að þessi framfærsluuppbót verði felld niður eða felld inn i nýjan heildarlífeyri eins og gert er hjá öldruðum. 

Björgvin Guðmundsson

Rúm vika til kosninga .Stærstu kosningaloforðin óuppfyllt!

Nú er aðeins rúm vika til kosninga en stærstu kosningaloforðin,sem stjórnarflokkarnir gáfu öldruðum og öryrkjum eru enn óuppfyllt.Eina leiðin til þess að standa við þessi loforð er að fá forseta Íslands til þess að gefa út bráðabirgðalög til lögfestingar á þeim.Forseti mundi örugglega gera það.Ef stjórnarflokkarnir hætta við að svíkja þessi stærstu kosningaloforð er þetta leiðin.

Það eina sem stjórnarflokkarnir gerðu á sumarþinginu 2013 í málefnum aldraðra og öryrkja var eftirfarandi:Frítekjumark vegna atvinnutekna var leiðrétt og útreikningur grunnlífeyris var leiðréttur.Hvort tveggja gagnaðist þeim öldruðum og öryrkjum sem betur voru settir.Þetta hvort tveggja  var síðan afturkallað á ný í nýjum lögum,sem samþykkt vor á síðasta degi þingsins!

En stærstu kosningaloforðin,sem stjórnarflokkarnir báðir

gáfu öldruðum og öryrkjum hafa verið svikin.Þau eru þessi: 

1. Lífeyrir verði leiðréttur vegna kjaragliðnunar krepputímans,2009-2013.Þetta þýddi að það átti að hækka

lífeyrinn sem svaraði hækkunum á lægstu launum á umræddu

tímabili.Þetta var útskýrt á þennan hátt á flokksþingi Sjálfstæðisflokksins 2o13 og sagt að það ætti að leiðrétta þetta strax ( að loknum kosningum 2013).Á flokksþingi Framsóknarflokksins var loforðið orðað svo,að leiðrétta ætti lífeyrinn vegna kjaragliðnunar ( kjaraskerðingar) krepputímans. Það hefur verið reiknað út að til þess að ná þessu markmiði þurfi að hækka lífeyri um a.m.k. 23% eða um 56580 kr. á mánuði.Hækkun um þessa upphæð hækkar lífeyrinn í 302.500 kr á mánuði fyrir skatt eða í þá upphæð,sem alltaf er verið að tala um að nauðsynlegt sé að hækka lífeyrinn í en nú ætlar ríkisstjórnin ekki að hækka í þá upphæð fyrr en 2018 þó hún eða stjórnarflokkarnir hafi gefið kosningaloforð um að gera það strax eftir kosningar 2013.Með öðrum orðum: Lífeyrir átti að vera í 302.500 kr á mánuði fyrir skatt allan stjórnartíma ríkisstjórnarinmar. Raunar er það ekki nema 240 þúsund eftir skatt.Það eru öll ósköpin.Lífeyrisþegar hefðu átt að fá hvort tveggja,hækkun í 302 þúsund 2013 og aðra sambærilega hækkun 2017 og 2018.Það hefði verið sanngjarnt.

2.Hitt stóra kosningaloforðin,sem stjórnarflokkarnir gáfu lífeyrisþegum er loforð Bjarna Benediktssonar formanns Sjálfstæðisflokksins og nú fjármálaráðherra um að afnema tekjutengingar,afnema skerðingar. Það hefur líka verið svikið.

 

Björgvin Guðmundsson 

Verðum að íta ríkinu út úr lífeyrissjóðunum.Við eigum lífeyrinn þar!

 

 

 

Rætt er, að  það geti orðið nokkuð dýrt fyrir ríkið að afnema allar tekjutengingar vegna lífeyris aldraðra hjá Tryggingastofnun.Forstjóri TR birti tölur þar um fyrir skömmu og víst voru þær í hærri kantinum. Finnur Birgisson birti einnig tölur um sama efni  á Facebook í gær Hann segir,að útgjöldin gætu hækkað um 45,5 milljarða við breytinguna..Það eru líka stórar upphæðir,sem ríkið skuldar öldruðum og öryrkjum vegna  Þess, að ekki hefur verið staðið við lög og fyrirheit gagnvart lífeyrisþegum.Þegar sjálfvirk tengsl lífeyris og vikukaups verkafólks voru slitin 1995, lýsti forsætisráðherra landsins,Davíð Oddsson, því yfir, að nýja fyrirkomulagið, sem átti að gilda fyrir lífeyrisþega, yrði þeim hagstæðara en það gamla en samkvæmt því skyldi lífeyrir hækka með viðmiði við launaþróun en lífeyrir aldrei að hækka minna en laun eða verðlag.11 árum síðar var reiknað út hvernig lífeyrisþegar  hefðu komið út úr breytingunni.Þeir höfðu skaðast um 40 milljarða vegna hennar! Skaðinn fyrir lífeyrsþega frá 2006 er annar eins eða aðrir 40 milljarðar eða alls er skaðinn 80 milljarðar.Fleiri dæmi má nefna um tjón,sem ríkið hefur valdið lífeyrisþegum.Til dæmis svik  á stórum kosningaloforðum,sem stjórnarflokkarnir gáfu lífeyrisþegum fyrir síðustu þingkosninga.Þau svik hafa skaðað  aldraða og öryrkja mikið fjárhagslega.

 Þegar lífeyrissjóðirnir voru stofnaðir  var gert ráð fyrir því, að þeir yrðu viðbót við almannatryggingar.Það var aldrei reiknað með því,að lífeyrir  hjá TR yrði skertur vegna lífeyrissjóðanna. Ef það hefði legið fyrir hefðu launþegar neitað að greiða í þá. Þetta geta margir fyrrverandi verkalýðsleiðtogar staðfest.Það á ekki að koma niður á eldri borgurum, sjóðfélögum lífeyrissjóðanna, að ríkið hafi freistast til þess að seilast æ lengra inn í lífeyri eldri borgara í lífeyrissjóðunum. Ég vorkenni  ríkinu ekkert að greiða lífeyrisþegum það, sem það skuldar þeim.Og ég vorkenni rikinu heldur ekkert að hætta að reiða sig á  lífeyri eldri borgara í lífeyrissjóðunum. Það er orðið tímabært að ríkið hætti að ganga í lífeyrissjóði eldri borgara eins það  eigi þá.

Ef til vill væri sanngjarnt að þessi breyting verði gerð í 2 áföngum; þ.e. að skerðingin vegna lífeyrissjóða verð afnumin i tvennu lagi.Ég er þó ekki sannfærður um, að  það eigi að gera breytinguna á þann hátt. Einnig mætti gera hana í einu lagi og nota til þess fjármuni úr stöðugleikaframlaginu, ef ríkið ræður ekki við málið á annan hátt.Þetta er ekki eina vandamál ríkisins í sambandi við lífeyrissjóðina. Ríkið skuldar B-deild Lífeyrissjóðs ríkisstarfsmanna 500 milljarða.Það er stærri biti en við erum hér að fjalla um.

Björgvin Guðmundsson

www.gudmundsson.net

Lífeyrsþegar fái afturvirkar kjarabætur!Aðeins fjórðungur eldri borgara fær fulla hækkun!

 

 

Það er nokkuð algengt í seinni tíð,  að laun séu leiðrétt til baka. Einkum á þetta við um  laun embættismanna og stjórnmálamanna og dæmi eru um slíkt hjá almennum launamönnum. Samfylkingin hefur það nú á stefnuskrá sinni,að lífeyrir aldraðra og öryrkja verði leiðréttur til baka frá 1.mai 2016.Samfylkingin vill,að lífeyrir verði hækkaður strax í 260 þúsund á mánuði fyrir skatt úr 246  þúsund kr og að þessi hækkun gildi afturvirkt frá 1.mai sl en síðan hækki lífeyririnn í 280 þúsund kr á mánuði um áramót og í 300 þúsund á mánuði 2018 fyrir skatt..Þetta mundi þýða það,að  lífeyrisþegar fengju greiddar 84 þúsund krónur  í afturvirka uppbót fyrir tímabilið 1.mai til loka oktobber.Lífeyrisþega munar um hverja krónu og þess vegna mundi þessi uppbót koma sér vel og þeir eiga rétt á henni.

Í stað þess að bíða eftir hækkun til áramóta kæmi hún strax til framkvæmda.Athugun leiðir í ljós,að tillögur rikisstjjórnarinnar gagnast mjög fáum þeirra,sem eru eingöngu með lífeyri frá almannatryggingum.Aðeins fjórðungur eldri borgara er með heimilisuppbót og mundi fá fulla hækkun samkvæmt tillögum rikisstjórmarinnar og aðeins þriðjungur öryrkja er með heimilisuppbót og mundi fá fulla hækkun. Tillögur ríkisstjórnarinnar eru því marki brenndar,að þeir gera aðeins ráð fyrr að þeir sem búa einir ( og fá heimilisuppbót) fái fulla hækkun en þeir sem eru í sambúð eða hjónabandi fá sáralitla hækkun. Öryrkjar fá mjög litla hækkun.Samkvæmt tillögum ríkisstjórnarinnar hækka einhleypir eldri borgarar,sem eingöngu frá lífeyri almannatrygginga um 10 þúsund krónur á mánuði eftir skatt frá áramótum en eldri borgarar,sem eru í sambúð eða hjónabandi hækka um 20 þúsund krónur á mánuðii eftir skatt frá áramótum. Þetta er lítil hækkun,einkum þegar tekið er tillit til þess, að þessi hópur þurfti að bíða í 8 mánuði eftir kjarabótum sl ár ár,þegar allir aðrir voru að fá miklar hækkanir og nú eru liðnir 9 mánuðir frá því lífeyrir hækkaði en launafólk fékk hækkun um leið  og lífeyrisþegarfyrir 9 mánuðum og á ný 1.mai. Hvers vegna þurfa aldraðir og öryrkjar alltaf að mæta afgangi. Ég vil setja þá í fyrsta sæti.

Björgvin Guðmundsson

 

Björgvin Guðmundsson

 

Sviku kosningaloforðið frá 2013.Gefa nýtt loforð nú!

Framsóknarflokkurinn gaf öldruðum og öryrkjum það kosningaloforð fyrir kosningar 2013,að leiðrétta (hækka) lífeyri þeirra vegna kjaragliðnunar (kjaraskerðingar) krepputímans,2009-2013.Flokkurinn hefur ekki efnt þetta loforð enn tæpum hálfum mánuði fyrir kosningar.Og hann mun ekki efna það,þar eð þingið er farið heim. Það heita svik á íslensku.Þetta er stærsta kosningaloforðið,sem lífeyrisþegum var gefið fyrir kosningar 2013.Og þetta eru stærstu svikin við aldraða og öryrkja.Loforðið þýddi að hækka átti lífeyri um 56.580 kr. á mánuði fyrir skatt.Það þarf  mikið hugrekki til þess að  koma nú fram nokkrum dögum fyrir kosningar og gefa öldruðum og öryrkjum ný loforð án þess að hafa efnt loforðið frá 2013.Þetta sýnir ekki mikla virðingu fyrir kjósendum.Þetta sýnir algert virðingarleysi fyrir þeim.Í gær gaf Framssókn öldruðum nýtt kosningaloforð. Lofað var að gera tannlækningar aldraðra gjaldfrjálsar.Og siðan lofaði flokkurinn aftur að hækka lífeyri í 300 þúsund fyrir skatt, 240 þúsund eftir skatt(2018).Ég tek ekkert mark á þessum loforðum Framsóknar.Þeir mundu enn síður standa við þessi loforð en loforðin,sem þeir gáfu 2013,þó þeir hefðu aðstöðu til.

Ég hef bent á,að ef stjórnarflokkarnir hefðu staðið við kosningaloforð sitt frá 2013 um að leiðrétta lífeyrinn vegna kjaragliðnunar krepputímans þá hefði lífeyrir hækkað strax eftir kosningar 2013 í 300 þúsund fyrir skatt.En í staðinn fyrir að standa við kosningaloforð sitt "lofa" þeir nú að hækka lífeyri í 300 þúsund fyrr skatt 2018!! Þetta er brandari.

 

Björgvin Guðmundsson